Mateo 20:22 - Buglere

²² Jesu jaindunga: —Bage me suge ba kle llema kade chage. ¿Ba tañachuge ba kirolla gdaboke ñage mo kete boange daga ngwale cha be boi daga ngwale kare? Gire Santiago kaire Juan gerudu Jesu ole: —Ima, cha ñage mo kete boange daga ngwale ba gerua gdale ba be boi daga ngwale kare.

Mateo 20:22 Referans Kwoze

Lucas 22:42

Jesu gerudu: “Cha Ñenua, cha me ta boikalin daga ngwale, cha me takalin ba kwian me no chuge ngwadi cha gweda, ba takalin ba ñage cha jwen siere cha be boi tirarege. Agwa ba age cha alin mo tale ba takalin kare, me cha takalinge kare.”

Mateo 26:42

Jesu gerudu ene gire Jesu jo sugekare nakwaite gerule Chube ole: “Cha Ñenua, ba me takalin cha jwen siere cha be boi daga ngwalege, ba ñage age ulita ba takalin kare cha ole.”

Juan 18:11

Pedro Malco ologa tkunga ene gire Jesu gerudu Pedro ole: —Ba sbadi gbe naskuni sbadi kwarage. Ba kle tañachuge ba kira bate cha gdale ene kwian mi cha gai boadale daga ngwale, me ene, ba me ñage dole sbadi giti cha gdale, cha mo chugadale ngwadi boi cha Ñenua takalin kare kwian me noge.

Mateo 26:39

Jesu gerudu ene kwian geru jwannga gdamai ole gire Jesu jo chage ma ngerugu sidri sugekare gballa, ama mo ñeu kaboge jongnagwa giti ama gwa ñadu dbidi gire ama gerudu Chube ole: “Cha Ñenua, cha me ta boikalin daga ngwale, cha me takalin ba kwian me no chuge ngwadi cha gweda, ba takalin ba ñage cha jwen siere cha be boi tirarege, agwa ba age cha alin mo tale ba takalin kare, me cha takalinge kare.”

Romanos 8:26

Chui gweale che kle skwatige boi tanre daga ngwale, che ta olire, che kira me, ni ñage chudaboi kade no Chubege mau alin che takalin kare. Che ene gire Chube Oña che chudaboi, uñale Chube Oñage che kle tañachuge mine, ama agali che talla ulita trage Chube ole. Suge Chube Oñage che talla mine, kaire suge amage Chube takalin mine che kwian Chubenu alin, malen ama ñage gerule trate Chube ole che giti. Chube gwage che ulita talladi, uñale amage ama Oña kle gerule trate che giti.

Santiago 4:3

Chui gwealege ba kle lle kade Chubege agwa ba me kle lle kade jumale ta ole, ba kle lle kade Chubege ta me no ole malen ba me kle ko toi llege ba takalin kare. Ba takalin lle ege mau alin allabi mo ta gbagda nga suga no ole kaire kwian gwa gbagda modi, Chubege uñale trate ba ta mine malen e giti Chube me kle lle kete bage ba kle kade kare.

Lucas 12:50

Uñale chage cha be boi daga ngwale, kwian me no be cha gweda, cha kle ta dbe olire tanre tañachuge cha be boi giti.

Mateo 26:56

Kwian tanre Chube gerua ketanga Chube gerua degu unsuialin, chada e gerule cha be boi giti, nege ba kle age cha ole, e ulita kle boi ulia Chube gerua degaba unsuialin gerule kare. Jesu gerudu ene ulita kwian Jesu dolla ulita ole gire kwian geru jwannga Jesuge ulita jo kige, ama ulita Jesu chugu ngwadi boi daga ngwale gballa.

Mateo 26:35

Pedro ka bo mno Jesu ole: —Cha me dale, cha me mo tallade cha jogekeda ba ole ule, cha mi gerule kwian ole cha me ba uñe, cha be chege ba ole diali. Pedro gerudu ene, kaire agwe kwian geru jwannga Jesuge na ulita kledu eni gerudu salengwli Pedro gerudu kare.