Mateo 19:5 - Buglere

⁵ Kaire chada e amaña gerule: “Chube kwian dodadu ene onbre, muire, malen kwian onbre mo jwankalin muinga ole ama mo ñenua mo chebia chugadale ngwadi mo ta gbe ule muinga ole gire ene ama gdabonate chege kwian gdaitre alin kare ta salengwli ole.” Moisés Chube gerua degu ene.

Mateo 19:5 Referans Kwoze

1 Corintios 7:2

Agwa ulia mno muinga alin onbre alin toi gballa, diali onbre muinga takalin mo chuge ke giti malen ma no muinga onbre mo jwandale, onbre gdaite gdaite muinga monu alin toidale ole mo kaire, muinga gdaite gdaite onbre monu alin ole toidale mo kaire.

Efesios 5:31

Onbre mo jwen muinga ole ama gdabonate chege kwian gdaitre alin kare. Chube gerua degaba unsuialin kle gerule e giti, chada e gerule: “Kwian onbre mo jwankalin muinga ole, ama mo ñenua mo chebia chugadale ngwadi mo ta gbe ule muinga ole gire ene ama gdabonate chege kwian gdaitre alin kare ta salengwli ole.” Chube gerua degaba unsuialin gerule ene onbre muinga mo jwen giti.

1 Corintios 6:16

Uñale ba ulitage Chube gerua degaba unsuialin gerule onbre tien ule muinga ole giti, chada e gerule: “Onbre muire, ama gdabonate chege kwian gdaitre alin kare.” Ba tachkedale e giti. Muinga chagenga onbre na na nate mo chbadanga, ba kwian onbre Cristonu tien ule muinga ene ole ba chege gdaitre alin kare ama ole, ba me ñage age ene, ba Cristonu, ba mo ta gbale chege chage trate Cristo ole.

Romanos 12:9

Ba me gerule alin ba no daba na ole, ba mo ta dbadale ulia no daba na ulita ole. Ba jogedale siere me no ulitage mo ta gbadale chege age no diali.

Mateo 19:6

Nege cha gerule ba ulita ole, kwian mo jwanba me chege kwian gdaboke kare agwa Chube gwa giti ama boke chege kwian gdaitre alin kare onbre muinga ole muinga onbre ole, ama boke ta chegedale ule salengwli. Ulia me no kwian onbre mo gbe sugekare mo muirallage, Chube muinga ketu onbrege, Chube onbre ketu muingage, Chube kwian gbu mo jwen ene, malen onbrenu muirenu me ñage age ama takalin kare joge siere muingage o muinga joge siere onbrege, e me no Chube gwa giti.