Mateo 19:21 - Buglere

²¹ Jesu jaindunga: —Ba takalin chege no trate Chube gwa giti, ba jogedale lle banu ulita chbade, igi ulita lle e ñana ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali chui tangle Chube ole nga ngaña giti, Chube be age no ba alin ba age no ñanale.

Mateo 19:21 Referans Kwoze

Marcos 10:21

Jesu gwagedu kwian onbre edi Jesu ta no onbre e ole, Jesu gerudu: —Noare ba kle age ene, agwa cha gerule ba ole, ba mo ta gbadale age na gdaite. Joga, lle banu ulita chbade, igi ulita lle e ñana ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali Chube ole nga ngaña giti, Chube be age no ba alin ba agedu no ñanale.

Lucas 18:22

Jesu kwian keruchugu ene gire Jesu gerudu: —Noare ba kle age ene, agwa cha gerule ba ole, lle gdaite ba bebi age. Joga lle banu ulita chbade, igi ulita lle e ñanalla ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali chui tangle Chube ole nga ngaña giti, Chube be age no ba alin ba agedu no ñanale.

Lucas 12:33

Ba me mo ta gbe tañachuge lle oge mau alin nga dba ai giti diali chui tangle, chui gweale lle e ulita be jogenga ngwale. Ba lle molen ba lle e chbadale, igi gai lle ñanale ba igi e ketadale kwian bai me lle molenge. Ba kwian chudaboi ene nga dba ai giti, nga ngaña giti Chube kle lle noare oge ba alin, lle nga ngaña giti me jogenga ngwale dale, llani kwian skwe boanga me joge chke lle banu jwen, kaire chubdu me lle banu gute.

Lucas 14:33

Guardia donga ulita bebi kira bate gire chugagwalla gdaite kle tañachuge ngeru be boi bdagli giti, ene kaire ba ulita bai ta chagekalin cha ole, ngeru ba tañachugadale no chage cha ole giti ulia ba be ñage mo ta gbe kiraske chage diali cha ole me mo tallade, ba ta me kle biale ba llea ulita chuge ngwadi chage cha ole gdale, ene ba me ñage chage cha ole.

Juan 12:26

Kwian bai ta lle boakalin no cha alin, kwian ene mo ta gbadale diali chage cha ole age cha takalin kare, kwian ene mo ta gbadale biale boi daga ngwale cha boi daga ngwale kare. Kwian lle boi cha alin ta ene ole, kwian e alin cha Ñenua be age no no diali.

Lucas 9:23

Jesu gerudu ene mau giti gire gerudu dare: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, chui gdale ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Juan 10:27

Kwian chanu cha kerua gbe gdadi, ama cha gai dage, ama ulita chage cha gerule kare, cha ama ulita uñe.

Mateo 5:48

Ba mo ta dbadale no kwian ulita ole kwian bai no ba ole kaire kwian bai me no ba ole, kwian e ulita ole ba mo ta dbadale no diali. Ba agedale no ulita Chube kle age kare, Chube no kwian ulita ole, kaire ba nodale kwian ulita ole.

Lucas 16:9

Cha gerule ba ole ba bai Chube gai ulia, ba igi molen ba kwian me lle molen chudaboadale igi e giti, ene kwian e be ba gai mo skatemanallale. Lle ulita banu be bidege, ba mi chege lle molen gire ba tachkedale chui be chke gire Chube be ba gai ngwange no nga ngaña giti be age no ba alin ba daba me lle molen chudaboi nga dba ai giti ñanale.

Mateo 19:28

Jesu jaindunga: —Chui bdagli Chube be lle ulita nga ngaña giti nga dba ai giti dodadeni nakwaite jagere, gire ne suiale Chube be cha gbe gerule nga ulita giti kwian ulita Chugagwallale, chui ege Chube gwa giti cha be gerule kwian nga ulitamu giti bai jiske Chube gwage bai me jiske Chube gwage. Ene kaire chui ege ba ulita geru jwannga chage kle chage diali cha ole nga dba ai giti, ba ulita be chege daba chugagwallale ule cha ole gerule kwian ulita giti, chui ege cha be ba ulita gbe ba bitalla ulita israelita mne gdataboko giti gdaboke chugagwallale gerunga kwian e ulita giti bai jiske bai me jiske Chube gwage.

Mateo 16:24

Jesu gerudu ene Pedroge gire Jesu gerudu kwian geru jwannga ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Lucas 6:40

Kwian geru jwannga me ñage mo ta gbe chke ma ngle geru uñe ma no kwian ama tkanga tanglege, agwa geru jwannga geru jwen ulita trate ama tkanga tanglege, gire ene ama ñage geru uñe kwian ama tkanga tangle geru uñe kare.

Lucas 5:27

Jesu kwian oga skliebada dodadu ene gire Jesu jo chage dare, ama gwagedu kwian onbre kada Levídi. Leví kwian igi ganga chugagwalla emperador nga Romamu alin, ama kledu toiba dba nga igi ketakle ngwadi igi gai kwiange gire Jesu chku amadi gerudu ama ole: —Bai chage cha ole geru jwen chage.

Marcos 8:34

Jesu gerudu ene Pedro ole gire Jesu kwian na nglea kadu mo gitigu ule kwian geru jwannga amage ulita ole, Jesu gerudu kwian ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale ama me mo talladale. Kwian bai mo ta gbe boi cha giti kwian ene ñage chage cha ole.

Mateo 9:9

Jesu kwian oga skliebada dodadu ene gire Jesu jo chage dare, Jesu gwagedu kwian onbre ka jwankle Mateodi. Mateo kwian igi ganga chugagwalla emperador nga Romamu alin, ama kledu toiba dba igi ketakle ngwadi igi gai kwiange, gire Jesu chku amadi gerudu ama ole: —Bai chage cha ole geru jwen chage. Jesu gerudu ene gire Mateo chku gdate lle e boi chugu ngwadi ulita, ama jo chage Jesu ole.

Hebreos 10:34

Kaire ba taidu dage kwian kledu tkaba skagege, ba ama chudabo. Kaire lle banu junlennga ba ngeru gire ba me talladu ba lle chugu ngwadi jwanlenga ba ngeru. Uñadu bage lle ma no kle nga ngaña giti ba alin Chube gerudu be kete bage kare, lle e chege ba alin diali dale alin. Ba llea junlennga ba ngeru gire ba me ta skochiu ba mo ta gbu nga suga no ole.

Marcos 2:14

Jesu jo chage dare gire ama gwagedu kwian onbre kadakle Levídi, Leví Alfeo kirolla, Leví kwian igi ganga chugagwalla emperador nga Romamu alin, ama kledu toiba dba igi ketakle ngwadi igi gai kwiange, gire Jesu chku amadi, gerudu ama ole: —Bai chage cha ole geru jwen chage. Jesu gerudu ene gire Leví chku gdate lle e boi chugu ngwadi ulita, ama jo chage Jesu ole.

Mateo 8:22

Jesu jaindunga kwian e kalen: —Ba ta chagekalin cha ole me ñage manade, bai chage cha ole nege. Ba mo ta gbadale chage cha gerua nate ulia, ba bitalla ulita me Chube gerua gai ulia ba ama jige ba ñenua jaba tke dbige.

Mateo 4:19

gire Jesucristo gerudu ama ole: —Bai chage cha ole geru jwen chage, nege ba kwian ngwe jwannga, agwa chui negege gwangerugu cha be ba gbe kwian na tke tangle cha gerua giti, ene ba giti kwian ngle be cha gerua gai ulia.

Mateo 19:20

Kwian onbre gerudu Jesu kalen: —Geru e ulita cha nu gaba dage, cha kle toi geru e ulita kle gerule kare. ¿Llema dare cha me kle age cha me kle gai dage? ¿Llema dare kle cháge boadale?

Mateo 19:22

Kwian onbre Jesu keruchugu gerule ene gire ama joni ta olire tanre ole, onbre e lle molen tanre, malen ama me ta lle ulita chbadakalin Jesu gerudu kare ama ole.