Mateo 18:14 - Buglere

¹⁴ Kwian oveja mauña me tadu oveja jogebanga chugakalin ngwadi, ene kaire ba ulita Ñenua Chube nga ngaña giti me takalin kwian gdaite cha gerua gaba joge siere cha geruage oveja jogebanga kare, malen ba mo ta gbadale me kwian Chubenu ibade ni ama ta gbe age me no —Jesu gerudu ene kwian geru jwannga amage ole.

Mateo 18:14 Referans Kwoze

2 Pedro 3:9

Chube alin nga bebi joge sbali malen Jesucristo bebi chieni Chube gerudu kare Jesucristo be chieni giti, kwian gweale kle tañachuge Jesucristo mi chieni blike, agwa kwian ene me kle tañachuge no trate Jesucristo chieni giti, Jesucristo ñage chieni blike agwa Chube kle mo ta dbe no kwian ulita ole, Chubege uñale kwian ulita bebi ama uñe, Chube me takalin ni kwian gdaite jogenga sugekare amage, malen Chube kle manade, ene chui kle kwian alin mo ta blite Chube ole age Chube takalin kare ene kwian ulita be kle biale joge Jesucristo ole Jesucristo chieni chuiage.

Juan 17:12

Nege cha kle ama ulita ole nga dba ai giti chage ule ama ole, ba ama ulita gbu chage cha ole, cha ama ulita manadu no ba kiralla giti, ene cha ama ulita ta gbu chage no ba geruage. Ba ama ulita ta gbu chage cha ole, ama ulita mo ta gbu cha gai ulia, ama kle chage cha ole diali, ni gdaite jonga chage, agwa ama gdaitre alin me mo ta gbu cha gai ulia, ama chagedu alin cha ole agwa ama ta me kledu ule cha ole, ama jonga sugekare chage, ama gdaite e boidale ene ba gerua degaba unsuialin gerule kare.

Juan 21:15

Geru jwannga ulita blidu ulita gire Jesu gerudu Simón-Pedro ole: —Simón, ba Juan kirolla, ¿ba ta dbe ma no ulia cha ole geru jwannga na ulitage? Pedro jaindunga: —Ima cha Chugagwalla, uñale bage cha no ba ole. Jesu gerudu Pedro ole: —Ulia ba no cha ole ba kle gerule kare gire ba kwian cha gerua gaba me sbali ba kwian ene manade no cha geruadi.

Hebreos 12:13

Ba mo ta gbadale ulia kiraske Chube ole, ba mo ta gbadale no trate chui gbaite kaire kairege Chube takalin kare ene ba mi mo ta bliteni joge naskuni age me no Chube dollale ba agedu ngeru kare, agwa ba be chege toi gwangerugu no kiraske ma ngle Chube kirallaske.

2 Timoteo 2:10

Malen cha kle mo ta gbe no ulita boi daga ngwale me boi daga ngwale cha lle boakalin no Chube alin, ene Chube nu kwian gaba Chube gerua Jesucristo giti gangale be geru Jesucristo giti keruchuge be geru e gai ulia, ene ama be tien gitiru ji chugege ama agedu me no gdale, ene ama be toi diali no no Jesucristo ole nga ngaña giti.

Lucas 12:32

Jesu gerudu dare: —Ba bedreare kle mo ta gbe cha gai ulia, agwa gire ba ulita me mo ta dbadale kennga, Chube ba Ñenua, ama ba gau mau alin, ama kle ba manade no, ama ta lle ketakalin bage toigda chui gdale nga dba ai giti, kaire chui be chke gire ba be toi no ule ama ole nga ngaña giti diali chui tangle, e nobi Chube alin.

Mateo 6:32

Kwian me Chube uñe ulita diali kle mo ta dbe olire lle toigda nate. Agwa ba Chubenu, Chube ba Ñenua nga ngaña giti, amage uñale ba takalin llemage ene ba toi no nga dba ai giti.

Mateo 6:9

Ba gerule Chube ole ba gerudale ene: “Cha Ñenua, ba kle nga ngaña giti, ba no trate ulita, cha takalin kwian ulita gerule no ba giti.

Mateo 5:16

Ene kaire ba ulita mo ta gbadale toi kwian ulitaske jichra gbaba nga ngwale giti kare, ba agedale no trate Chube takalin kare kwian ulita gwa giti, ene kwian be gwage badi be suge trate kwiange Chube kle ba ta gbe age no trate ene, e giti kwian be gerule Chube nga ngaña giti ole: “Chube, ba no ulia, ba kle age no kwian e alin.”

Mateo 18:13

Cha gerule ulia ba ole, oveja soli be skwen amage gire nga be chie suga noare amadi oveja gdaite jogebanga giti ma no oveja na dare noventa y nueve me jogebangage.

Mateo 18:15

Jesu gerudu dare: —Cha gerule ba ulita ole, daba Chubenu gweale age me no ba dollale, ba gerudale ama ole sugekare ama agedu me no giti. Daba Chubenu e ba gerua keruchuge chke uñale amage ama agedu me no gire ama mo ta blite no ba ole gerule ba ole: “Cha mi age dare me no ba dollale, cha agedu me no ba dollale ba talla mlienga.” Ama gerule ene gire chke uñale bage ba ñadu ama chudaboi tien gitiru ama agedu me no giti.