Mateo 17:5 - Buglere

⁵ Pedro kledu gerule ene Jesu ole, gire bogakwa jutre chra gwadetranga chku blike ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole, nga suga noare chadi ama giti, ba ulita ama keruchugadale no, ba mo ta gbadale ama kerua gbe gdadi no diali.”

Mateo 17:5 Referans Kwoze

Mateo 3:17

Gire Chube gerudu nga ngaña giti Jesu giti, ama kerua sugedu nga dba ai giti, ama gerudu: “Ai cha Kirolla, cha no no ama ole, nga suga noare chadi ama giti.” Chube kerua sugedu ene gerule mo Kirolla Jesu giti.

Mateo 12:18

“Chube gerudu: ‘Kwian ai gdaite lle boanga cha alin, cha no no ama ole, cha ama gau cha gerua dbe kwian alin, nga suga noare chadi ama giti. Cha be mo Oña gbe diali ama tale, ene cha Oña kirallaske ama be cha gerua trage kwian me cha uñe ole nga ulitage, ama be geru kete kwian ulitage kwian ñage tien gitiru ji chugege agedu me no gdale ñage chege no trate cha gwa giti.

Marcos 9:7

Pedro kledu gerule ene Jesu ole gire bogakwa jutre chra gwadetranga chku blikare ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole. Ba ulita ama keruchugadale no, ba mo ta gbadale ama kerua gbe gdadi no diali.”

Juan 3:35

Ñenua Chube no mo Kirolla ole, ama lle ulita gbu mo Kirolla kote.

Marcos 1:11

Gire Chube kerua sugedu Jesuge gerule nga ngaña giti, Chube gerudu Jesu ole: “Ba cha Kirolla, cha no no ba ole, nga suga noare chadi ba giti.” Chube kerua sugedu ene gerule mo Kirolla Jesu ole.

Apocalipsis 1:7

Cha gerule ulia ba ole, Jesucristo be chieni bogakwaskeni nga dba ai giti gire kwian ulita be gwage amadi, kwian bai agedu Jesucristo dollale Jesucristo guda Jesucristo kledu nga dba ai giti gire, kwian e kaire be gwage Jesucristodi chieni. Kwian nga ulitamu nga dba ai giti be nga dbe suga olire modi chru ole kennga Jesucristo chuia be chke gire. Ai ulia be boi ulita cha kle gerule kare. Ene nobi.

Lucas 3:22

Chube Oña chku dba Jesu giti beusi kare, gire Chube kerua sugedu Jesuge gerule nga ngaña giti, Chube gerudu Jesu ole: “Ba cha Kirolla, cha no no ba ole, nga suga noare chadi ba giti.” Kwian kledu enige Chube kerua sugedu ene gerule no mo Kirolla Jesu ole.

Hebreos 5:9

Jesucristo agedu ulita Chube takalin kare ama jokeda kwian ulita giti gire Chube Jesucristo jaba gbuni gwade, ene kwian ulita bai kaire Jesucristo gerua gbe gdadi Jesucristo gai dage mo Chugagwalla, kwian ene ulita tien gitiru ji chugege ama agedu me no gdale joge toi ule Chube ole nga ngaña giti chui tangle diali.

Hechos 7:37

Chube Moisés ta gbu gerule kwian israelita ulita ole, Moisés gerudu: “Ba bitalla giti Chube be kwian na gdaite gbe baske geru Chubenu kete ba bitalla ulitage cha kle geru Chubenu kete ba ulitage kare.”

Juan 5:37

Ba me cha Ñenua kerua keruchugaba kaire ba me gwageba amadi, agwa cha Ñenua gerua jo degaba unsuialin gerule no trate cha giti, ba ulita cha Ñenua gerua uñe gerule cha giti, geru e me kle ba ulita tale, ba geru batenga alin allabi mo chugale alin, agwa ba me kle cha Ñenua gerua cha giti gai ulia, kaire ba ulita me tañachuge ulia cha Ñenua cha kagu nga dba ai giti ama gerua jo degaba unsuialin gerule kare, ba ulita alin suge me ene.

Colosenses 1:13

Ulia Chube agedu no che ulita alin. Ngeru che kledu age me no Chube dollale dolla Satanás takalin kare, che kledu chage nga jereske kare sugekare Chubege gire che Jesucristo gerua gau ulia giti Chube che jun siere age me no Satanás takalin karege gire ene Satanás me ñage chege che chugagwallale dare ngeru kare. Che Jesucristo gerua gau ulia gire Chube che ta blitu che jun siere ji chugege agedu me no gdale, che agedu me no ama talla mliunga ulita. Chube no no mo Kirolla Jesucristo ole malen Chube che ta gbu Jesucristo gai mo Chugagwallale, ene Jesucristo kiralla giti che ñage age no no diali Chube takalin kare.

Efesios 1:6

Ulia Chube agedu ene no che alin malen che gerudale no Chube giti nga suga no ole diali, ene chke uñale kwian ulitage Chube no che ole Chube agedu no che alin, ene ama kaire gerule no Chube giti. Chube noare mo Kirolla Jesucristo ole, Jesucristo giti Chube kle age no no che alin.

Juan 3:16

Chube no no kwian ulita ole, malen ama mo Kirolla gdaitre alin kagu nga dba ai giti kwian ulita alin, ene kwian ulita bai kaire Chube Kirolla gai ulia mi chege sugekare Chubege ji chuge, be toi no chui tangle diali Chube ole nga ngaña giti.

Hechos 1:9

Jesu gerudu ene kwian geru jwannga amage ole, gire kwian ulita gwagedu Jesudi chkenga ngaña kote, Jesu jongwa bogakwaske nga ngaña giti kwian gwage.

Mateo 17:6

Ama gdamai Jesu gerua jwannga geru e keruchugu gerule Jesu giti gire ama kendunga tanre ama ulita mo ñeu kaboge jongnagwa giti ama gwa ñadu dbidi chru ole.

Apocalipsis 14:14

Cha gerule ba ole, Chube cha ta gbu chada dege chude giti kaire uva giti, geru ai kle gerule Chube be age mine kwian ole ji chuge tirare chuiage bdaglige ene: Cha tienduda ngaña gire cha gwagedu bogakwa jutredige, bogakwa e giti kwian kledu gdaite toiba dba, ama kledu oro dodaba sombrerole gbaba mo chugage, kaire ama kledu sbadi dau degaba no trate dbe mo kote.