Mateo 17:15 - Buglere

^15-16 —Kwian chugagwalla, ba tai dage cha kirollage, dolla kle nga kagenga ama chuga giti, ama oga jabale dolla kote, diali ama kle skwetenga kle joge chke dba jitaske kaire kle joge chke dba chiske. Cha chiu cha kirolla dbe kwian geru jwannga banuge dodadale, agwa ama me ñadu dolla kage siere cha kirollage, malen cha chiu ba nate, ba tai dage cha kirollage, ba cha kirolla dodade.

Mateo 17:15 Referans Kwoze

Mateo 4:24

Jesu kledu chage age ene nga ulita Galileage gire geru Jesu giti jo chke nga na kada Siriage, nga ulita Siriage geru Jesu giti chageduda kwian ulitaske Jesu kwian oga dodanga, malen kwian ngle nga Siriage oga jingme tanre kote dbachku Jesudi, kwian e gweale skibachie tanre, kwian na jwligebanga che dolla kote, kwian na gweale oga jingme tirare ole kwian e oga jwligebanga kare, kwian na gweale skliebadba trate jegwale, Jesu kwian oga ene ulita dodadu kwian chegu no trate.

Mateo 15:22

ama jo chke kodi una boke ege gire muinga gdaite toinga nga ege chiu Jesu ngnagu, muinga e me kwian israelita, ama kwian cananea, ama chku Jesudi, ama ngautu: —Ba kwian chugagwalla unsuialin David oindalla, uñale chage Chube ba kagu nga dba ai giti. Ba tai dage chage, cha jian jwligebanga dolla kote, ba cha jian dodade dolla kage siere amage.

Juan 18:2

Judas-Iscariote Jesu ketanga gwaleda, ama nga e uñe, bitangle Jesu jogeba nga ege ule kwian geru jwannga gdataboko giti gdaboke ole, Judas-Iscariote chagedu ule Jesu ole nga ege ngeru, malen uñadu Judas-Iscariotege Jesu be joge nga ege.

Lucas 6:18

Jesu kwian oga tanre dodadu, kaire Jesu dolla kagu siere kwian ulita jwligebanga dolla kotege gire kwian e ulita chegu no.