Mateo 15:19 - Buglere

¹⁹ Kwian tale bai kaire talla me no kle, kwian ene be mo ta gbe age me no diali ai kare ulita: Kwian daba gweda. Onbre mo jwanba mo chuge ke giti muinga na ole, muinga mo jwanba mo chuge ke giti onbre na ole. Onbre muinga me mo jwanba mo chuge ke giti. Kwian skwe boi daba ngeru. Kwian geru jinade daba ole. Kwian gerule me no daba nadi.

Mateo 15:19 Referans Kwoze

Hechos 8:22

Ba ta me no ba kle tañachuge kare ba mlienga nege blike, ba mo ta blite Chube ole ba gerule blike Chube ole mo chudaboi, ene Chube be ba tañachugu age me no talla mlienga, ene ba chege no Chube gwage. Chke uñale chage age me no tanre talla kle ba tale, ba ta agekalin cha kle age kare, agwa ba me ñage malen ba kle tañachuge me no chadi, ene ba me ñage tañachuge no ni ba be ñage age no Chube alin, Chube ji gbe kweri ta ene gdale.

Romanos 7:18

Uñale chage cha tale cha kwian onbre agenga me no diali, age no talla me kle cha tale, cha ta agekalin no agwa cha me ñage age no cha tañachuge age no kare.

Mateo 9:4

Kwian daba tkanga tangle Moisés chadalla giti ulita kledu tañachuge ene mo tale Jesudi, gire Jesuge uñadu trate kwian e ulita kle tañachuge giti, Jesu geru kadu kwian e ulitage: —¿Mineade ba ulita kle tañachuge me no ene chadi?

Mateo 5:28

Agwa cha gerule ulia ba ulita ole, kwian onbre bai kaire gwage muingadi gire tañachuge mo tale me no muinga e nate: “Cha takalin muinga ege mo alin”, onbre tañachuge alin ene muinga nate, Chube gwa giti e salengwli onbre kle mo chuge ke giti muinga e ole kare.

Mateo 15:20

Lle ai ulita cha kle ka jwen ba ole, e ulita kle chie kwian tale, e kle kwian gbe jiske Chube gwa giti. Agwa blire me ko gligaba tanre bitangle, e me kwian ta gbe jiske Chube gwa giti kwian fariseo kle gerule kare —Jesu gerudu ene ulita kwian geru jwannga ulita ole.