Mateo 11:29 - Buglere

²⁹ Ba takalin cha ba chudaboi ba cha gerua gadale ulia, ba mo ta gbadale age cha gerule kare, kaire ba geru jwandale cháge cha kle toi ta mine kare ole kwian ulita ole. Cha me kle ka boi kwian ole ta skochie ole, kaire cha me mo gbe tangle kwiandi, me ene, cha kle mo ta dbe no kwian ulita ole, cha ta ama ulita chudaboakalin diali.

Mateo 11:29 Referans Kwoze

1 Juan 2:6

Kwian bai kaire gerule ama ta kle ule Chube ole ama Chubenu, kwian ene mo ta gbale chage no trate toi nga dba ai giti Jesucristo toidu trate no kwianske nga dba ai giti kare.

Juan 13:15

Cha ba chugagwalla, cha mo ta gbu ba ulita chudaboi cha ba ulita sera gligu, ba ulita mo ta gbadale no ene kaire, ba ulita agedale cha agedu kare ba ole.

Mateo 7:24

Jesu gerudu dare kwian ole: —Kwian bai kle cha keruchuge gire mo ta gbe age cha gerule kare, kwian e ta no molen tañachuge trate, ama salengwli kwian u gbanga no kare. Ngeru kwian u gbanga no kle dbi bage jere bu tke dbige jere gire kle ke ten budi tangle, ene bu chege kejre me joge chke dba, u kle dodaba no kiraske.

Hebreos 5:9

Jesucristo agedu ulita Chube takalin kare ama jokeda kwian ulita giti gire Chube Jesucristo jaba gbuni gwade, ene kwian ulita bai kaire Jesucristo gerua gbe gdadi Jesucristo gai dage mo Chugagwalla, kwian ene ulita tien gitiru ji chugege ama agedu me no gdale joge toi ule Chube ole nga ngaña giti chui tangle diali.

2 Corintios 10:1

Cha takalin suge trate ba ulitage cha kle gerule ba ulita ole cha kle baske o cha kle bate bage diali cha kle mo ta gbe gerule ta no no giti Cristo talla ole. Ba gweale kle gerule me no chadi kle gerule: “Pablo kle che ulitaske ama kle gerule nganake, ama kle bate ama kle gerule nganake, ama kle che ulitaske ama kle chage ta kwachie ole gerule che ulita gwa giti, agwa ama kle bate gire ama me kennga ama kle mo gbe gerule kiraske mno che ole chada giti.” Ba gweale kle gerule ene me no chadi.

Mateo 28:20

Kaire ba kwian e ulita tkale tangle cha gerua gai dage ulia age diali ulita cha gerudu ba ole kare. Ba ulita joge cha gerua dbe ene, gire cha be kle ba ole ule diali ba chudaboi chui tangle chui ulitage —Jesu gerudu ene ulita kwian geru jwannga amage ulita ole.

Filipenses 2:5

Ba ulita tañachugadale Jesucristo tañachugu kare,

2 Corintios 10:5

Kwian gweale mo ta gbe Chube dollale mo ta gbe ma kweri Chubege gerule Chube gerua Cristo giti geru ngwale, kwian ene me no geru Cristo giti ole, Chube kle kira kete chage gerule no trate Cristo giti kwian ene ole, ene gerule Chube kiralla giti kwian ole cha kwian Cristo dollale ta gbe mo ta blite Cristo ole, kwian ene Cristo gai ulia mo ta gbe chage tañachuge diali Cristo giti age Cristo takalin kare.

1 Tesalonicenses 4:2

Uñale ba ulitage cha ba tku tangle che Chugagwalla Jesu geruage Jesu kiralla giti, uñale bage cha gerudu mine ba ulita ole.

Juan 13:17

Uñale ba ulitage cha ba chugagwalla agedu mine ba gwa giti, ba agedale ene kaire, ba age ene cha agedu kare nga be suga no no badi diali.

Mateo 17:5

Pedro kledu gerule ene Jesu ole, gire bogakwa jutre chra gwadetranga chku blike ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole, nga suga noare chadi ama giti, ba ulita ama keruchugadale no, ba mo ta gbadale ama kerua gbe gdadi no diali.”

2 Tesalonicenses 1:8

Kaire chui ege Jesucristo be ji gbe kwian giti kwian bai me Chube uñe me Chube gerua che Chugagwalla Jesucristo giti gai ulia me geru e gbe gdadi.

1 Corintios 9:21

Ene kaire cha kle chage kwian me israelitaske cha kle mo ta gbe kwian me israelita kare chage kwian me israelita suia kare, cha kle chage kwian eneske cha kle mo gbe age kwian ene kle age kare me tañachuge Moisés nu Chube gerua degaba kwian israelita alin giti. E me gerule cha me kle Chube gai dage cha me kle age Chube takalin kare, me ene, diali cha kle mo ta gbe age Cristo geru gbu kwian ulita alin gerule kare. Cha kle mo gbe chage kwian me israelita suia kare ene cha ña kwian me israelita ta gbe suge Cristo gai ulia.

Hechos 7:37

Chube Moisés ta gbu gerule kwian israelita ulita ole, Moisés gerudu: “Ba bitalla giti Chube be kwian na gdaite gbe baske geru Chubenu kete ba bitalla ulitage cha kle geru Chubenu kete ba ulitage kare.”

Lucas 8:35

Kwian ulita chunchi mananga gerua keruchugu, kwian e jo tienda boidu chunchi oledi. Kwian e ulita jo chke Jesu kle ngwadi, ama ulita gwagedu kwian onbredi dolla nu toiba ole, dolla jogeba siere amage, kwian onbre e jogeba chkeni noni, ama kle ñometraske toiba dba Jesu kle ngwadi. Kwian ulita gwagedu ene kwian onbre Jesu nu dodabadi gire ama ulita kwachiu tanre Jesu ngeru.