Mateo 10:3 - Buglere

³ Felipe, Bartolomé, Tomás, Mateo (ngeru ama igi ganga chugagwalla emperador nga Romamu alin), Santiago (ama Alfeo kirolla), Tadeo,

Mateo 10:3 Referans Kwoze

Hechos 1:13

Kwian Jesu gerua ketanga e ulita chkuni unaske jo chkeni u amaña ngeruge, jo ngaña ama ulita kle toi ngwadi. Kwian Jesu gerua ketanga ulita gdataboko giti gdaite kada ene: Pedro, Juan, Santiago, Andrés, Felipe, Tomás, Bartolomé, Mateo, Santiago na (ama Alfeo kirolla), Simón (ama kira batanga mo jwia gdale), Judas (e Santiago na kirolla). Kwian e ulita chagedu ule Jesu ole geru jwen Jesuge, gire Jesu ama ulita jigu geru Jesunu kete kwian na ulitage.

Marcos 3:18

Andrés, Felipe, Bartolomé, Mateo, Tomás, Santiago (Santiago ai Alfeo kirolla), Tadeo, Simón (Simón ai kira batanga mo jwia gdale),

Marcos 2:14

Jesu jo chage dare gire ama gwagedu kwian onbre kadakle Levídi, Leví Alfeo kirolla, Leví kwian igi ganga chugagwalla emperador nga Romamu alin, ama kledu toiba dba igi ketakle ngwadi igi gai kwiange, gire Jesu chku amadi, gerudu ama ole: —Bai chage cha ole geru jwen chage. Jesu gerudu ene gire Leví chku gdate lle e boi chugu ngwadi ulita, ama jo chage Jesu ole.

Mateo 9:9

Jesu kwian oga skliebada dodadu ene gire Jesu jo chage dare, Jesu gwagedu kwian onbre ka jwankle Mateodi. Mateo kwian igi ganga chugagwalla emperador nga Romamu alin, ama kledu toiba dba igi ketakle ngwadi igi gai kwiange, gire Jesu chku amadi gerudu ama ole: —Bai chage cha ole geru jwen chage. Jesu gerudu ene gire Mateo chku gdate lle e boi chugu ngwadi ulita, ama jo chage Jesu ole.

Juan 21:2

Geru jwannga gweale kledu ule: Simón-Pedro, Tomás, amaña kada Gemelo, Natanael, Natanael e kwian toinga una kada Canáge nga Galileage, kaire Zebedeo kirolla boke, kaire geru jwannga Jesuge na boke kledu. Kwian e ulita gdaguke kledu ule,

Juan 11:16

Jesu gerudu ene gire Tomás amaña kada Gemelo gerudu kwian geru jwannga na ulita ole: —Ale ulita mo gwangeda ule Jesu ole. Kwian geru jwannga ulita jo ule Jesu ole.

Judas 1:1

Cha Judas chada ai dege ba kwian Chubenu ulita alin: Cha Santiago daballa, cha lle boanga Jesucristo alin, cha gbi kage ba ulita alin chada ai giti. Chube che Ñenua no no ba ulita ole, ama ba gau mo alin, kaire Jesucristo kle ba ulita ta manade no ene ba ulita me age me no.

Santiago 1:1

Cha Santiago chada ai dege ba ulita kwian israelita mne gdataboko giti gdaboke alin nga baini kaire ba ulita kle toi ngwadige: Cha lle boanga Chube alin kaire cha Chugagwalla Jesucristo alin cha ama gerua dbanga kwiange, cha gbi kage ba ulita kwian israelita Chubenu alin.

Gálatas 2:9

Santiago kaire Pedro kaire Juan ama gdamai kwian Jesucristo ganga ulia una Jerusalénmu ulita chugagwalla ma kweri, chugagwalla gdamai ege sugedu trate Chube agedu no cha alin Chube cha gau geru Jesucristo giti dbe, malen ama ko ketu chage kaire Bernabége, ene chku uñale chage ama mo ta gbu lle boi salengwli ule Chube alin geru amaña giti, Santiago kaire Pedro kaire Juan geru Jesucristo giti dbanga kwian israelitaske, cha kaire Bernabé geru Jesucristo giti dbanga ba kwian me israelitaske.

Gálatas 1:19

Cha kledu una Jerusalénge Pedro ole gire cha gwagedu Santiago che Chugagwalla Jesucristo daballa alindi, agwa cha me su gwage kwian Jesucristo gerua ketanga nadi.

Hechos 21:18

Nagbietege Pablo cha ulita ole ule jo Santiago ngwadi, Santiago ngwadi kwian Chubenu chugagwalla ulita kledu.

Hechos 12:17

Pedro chku gwa gire kwian ulita me chegu kamne Pedro ngwange, Pedro ko ñachugu kwian kle gwa ulita ole gire kwian ulita chegu ama kerua manade kamne. Pedro geru tragu kwian ulita kle gwa ole Pedro kledu skage giti, Chube lle boanga kagu Pedro jwen skage Pedro kledu ngwadi. Pedro gerudu dare kwian kle gwa ole: —Cha kledu skage gire lle boanga Chube alin nga ngaña giti cha jun siere skage, cha takalin geru e ba trage Santiago ole kaire kwian na ulita Jesu gerua gaba ole. Pedro gerudu ene ulita gire Pedro jo nga nage.

Lucas 5:27

Jesu kwian oga skliebada dodadu ene gire Jesu jo chage dare, ama gwagedu kwian onbre kada Levídi. Leví kwian igi ganga chugagwalla emperador nga Romamu alin, ama kledu toiba dba nga igi ketakle ngwadi igi gai kwiange gire Jesu chku amadi gerudu ama ole: —Bai chage cha ole geru jwen chage.

Hechos 15:13

Pablo, Bernabé geru e ulita tragu kwian kle mo litaba ole, gire Santiago gerudu: —Cha daballa Chubenu, ba cha keruchuge.

Juan 14:22

Jesu gerudu ene gire Judas geru kadu Jesuge (Judas e me Judas-Iscariote), Judas geru kadu: —Cha Chugagwalla, ¿mineade ba be cha ulita banu alin ta gbe suge ba kle cha ole, agwa kwian na me banu ba mi ama ta gbe?

Juan 14:9

Jesu gerudu Felipe ole: —Felipe, sbali cha kle chage ba ole cha kle ba ulitaske, ¿gire ba bebi cha uñe ulia cha chema? Kwian bai kle gwage chadi me kle gwage chadi alin, kle gwage cha Ñenuadi kaire. ¿Mineade ba kle geru kade cha mo Ñenua kaitadale bage?

Mateo 18:17

Daba agedu me no ba ka chudaboanga keruchuge gire mo ta blite no ba ole, e no, ene daba e be chegeni no ba ole. Agwa daba agedu me no ni ba keruchuge ni ba ka chudaboanga keruchuge, gire ba daba e dbadale kwian Chubenu ulita kle mo lite ole ngwadi, ba daba e kaitadale kwian Chubenu ulita kle mo litaba olege gerule ulita daba e agedu me no ba dollale giti. Ba age ene, daba e ni kwian Chubenu ulita kle mo litaba ole keruchuge me mo ta blite no ba ole, gire ba ñage gerule ama ole: “Ba kwian agenga me no me Chube uñe kare.” Gire kwian Chubenu ulita gwa giti daba e be chege kwian agenga me no kwian me Chube uñe kare kaire kwian me Moisés nu Chube gerua degaba ganga ulia kare, ama jogedale siere ba kwian Chubenu ulitage, ba me ñage skate dare amage.

Marcos 15:40

Kaire muinga tanre kledu gwage bate Jesudige Jesu boidu ulita giti, muinga e ulita nu chieba nga Galileage Jesu ole llagli, ama ulita nu chageba Jesu ole Jesu chudaboi baini kaire Jesu chagedu ngwadi, muinga e ulita nu jogeba chke una Jerusalénge ule Jesu ole Jesu gatedi. Muinga e ulitaske muinga gdaite kadakle María-Magdalena kledu. Kaire muinga na gdaite kadakle María kledu, María e ama kirolla boke gdaite kadakle José gdaite kadakle Santiago, ama José daballa soli. Kaire muinga na gdaite kadakle Salomé kledu. Muinga gdamai e kledu muinga na ulita ole gwage bate Jesudige Jesu jokeda kruge ngwadi.

Lucas 18:10

—Kwian boke jo chke u gerungwa Chube olege gerule Chube ole, kwian gdaite kwian fariseo, gdaite kwian igi ganga chugagwalla emperador nga Romamu alin.

Lucas 18:11

Kwian fariseo jagedunga gdate gerule Chube ole, ama gerudu ene: “Chube, nga suga noare chadi, noare cha me kwian na kare agenga me no, cha me skwe boanga daba ngeru, cha me mo chuganga ke giti muinga ole daba ngeru, ni cha kle age me no sidri kwian ai kle ule cha ole igi ganga chugagwalla emperador nga Romamu alin kle age kare.

Lucas 18:13

Kwian igi ganga kle gdate bate kwian fariseoge, amage sugedu ama kwian me no, ama chegu gwa tkaba dbigu me gwa gau ngaña, ama mo batu kudegdage ta olire ole, gerudu Chube ole: “Chube, ba ta dbe no cha ole tai dage chage, chage cha suge cha agenga me no.” Kwian igi ganga gerudu ene Chube ole.

Lucas 19:2

Una ege kwian gdaite igi molen tanre kada Zaqueo kle toi. Kwian ulita igi ganga chugagwalla emperador nga Romamu alin Zaqueo kwian ene ulita igi ganga chugagwalla.

Juan 1:48

Natanael Jesu keruchugu gerule ene gire Natanael gerudu Jesu ole: —¿Baini ba cha uñe? Jesu gerudu Natanael ole: —Felipe bebi gerule ba ole cha giti gire cha gwagedu badi ba kledu undege gli kada higuera gdoge.

Juan 14:5

Jesu gerudu ene kwian geru jwannga ulita ole gire Tomás gerudu Jesu ole: —Cha Chugagwalla, me uñale ni cha gdaitege ba be joge baini, ¿mine be chke uñale cha ulitage ba be joge jon mine giti ene cha ulita ñage joge chke kaire ba be kle ngwadi?