Mateo 10:22 - Buglere

²² Kaire cha gerua gdale kwian ulita be jainchke badi, agwa ba me mo tallade, ba bai me mo chuge ngwadi joge siere cha geruage boi daga ngwaleske, ba mo ta gbe cha gerua gai ulia mo tale diali gwangerugu mo ta gbe age no diali Chube takalin kare, ba bai mo ta gbe ene, chui bdagli be chke gire ba be toi no diali chui tangle cha ole Chube ngwadi.

Mateo 10:22 Referans Kwoze

Mateo 24:13

Agwa kwian bai me mo chuge ngwadi joge siere cha geruage boi daga ngwaleske, kwian ene mo ta gbe cha gerua gai ulia mo tale diali gwangerugu mo ta gbe age no diali Chube takalin kare, kwian bai mo ta gbe ene, chui bdagli be chke gire kwian e be toi no diali chui tangle cha ole Chube ngwadi.

Santiago 1:12

Kwian bai kaire nu Chube gerua Jesucristo giti gaba kle mo ta gbe jage ta no ole Chube kirallaske ama kle boi daga ngwale ulitage ama me kle ta jogenga Jesucristo geruage, kwian ene alin Chube age no. Kwian e kle mo ta gbe me skochie me skwatige, agwa ama kle jage ulita ama kle boi gitige ta no ole, kaire ama kle mo ta gbe me age me no gweale ama takalin kare, kwian e kle mo ta gbe ene ñanale Chube be kwian e gbe toi diali chui tangle Chube ole ule nga ngaña giti Chube nu geruba kare kwian bai kaire mo ta gbe Chube ole giti. Malen nga suga noare kwian edi Chube be age giti ama alin.

Apocalipsis 2:10

Cha gerule ulia ba ole, ba me ta dbe kennga ba kle boi giti kaire ba be boi aige dare giti, cha be kle ba ole diali ba chudaboi. Che dolla Satanás be kwian ta me no ta gbe ba gweale cha gerua gaba tke skage cha gerua gai gdale, Satanás takalin mo chuge ba ole ene ba ta jwlite me chege cha gerua ulia gai dare. Ba be kle boi daga ngwale skage chui gbataboko allabi. Kaire kwian ñage ba gweale gweda cha gerua gai gdale agwa ba ulita mo ta gbadale cha gerua gai ulia gwangerugu kiraske gire ene cha be ba ulita gbe toi chui tangle diali nga ngaña giti Chube ole ba cha gerua gau ulia giti.

Marcos 13:13

Kaire cha gerua gdale kwian ulita be jainchke badi agwa ba me mo tallade, ba bai me mo chuge ngwadi joge siere cha geruage boi daga ngwaleske ba mo ta gbe cha gerua gai ulia mo tale diali gwangerugu mo ta gbe age no diali Chube takalin kare, ba bai mo ta gbe ene, chui bdagli be chke gire ba be toi no diali chui tangle cha ole Chube ngwadi —Jesu gerudu ene kwian geru jwannga ole.

Mateo 10:39

Kwian bai tañachuge mau giti alin allabi toi no nga dba ai giti mo manade no me tañachuge age Chube takalin kare giti, bdagli kwian ene be jogenga sugekare Chubege be chege boi tanre daga ngwale diali chui tangle. Agwa kwian bai mo ta gbe chage cha ole mo chuge ngwadi boi daga ngwale nga dba ai giti cha gerua gdale, ama me mo tallade, ama tañachuge ma no age Chube takalin kare, bdagli kwian ene be toi no diali chui tangle nga ngaña giti cha ole cha Ñenua Chube ole.

1 Juan 3:13

Ulia ulia cha gerule ba cha bitalla ulita Jesucristo giti ole, sugedale bage kwian me Chubenu be jainchke badi ama be ba gbe boi daga ngwale Caín agedu mo daballa ole kare, ulia be boi ene ba ole agwa e giti ba me mo talladale.

Mateo 24:9

Kaire kwian cha dollale be ba ulita cha gerua ganga kete mo chugagwallage, chugagwalla e kote ba be boi daga ngwale tanre, ba gweale gwabeda, kwian nga ulitamu be jainchke badi cha gerua giti.

Romanos 2:7

Kwian ulita bai kaire nu mo ta blitaba Chube ole, kwian ene toikalin no diali chui tangle Chube ole nga noge, takalin Chube gerule no ama giti, malen kwian e mo ta gbe chage no Chube ole age no Chube takalin kare diali. Bdagli Chube be kwian ene ulita gbe toi diali chui tangle mo ole ule.

Hebreos 6:11

Cha takalin ba ulita mo ta gbe diali age ba kle age daba alin kare gwangerugu chui tangle diali, ene uñale bage ulia Chube be age no ba alin ama gerudu giti ba ole kare ba agedu no ñanale kaire ba be ñage toi ule ama ole nga ngaña giti.

Juan 17:14

Kwian ai ulita kle chage cha ole, cha geru banu ketu kwian ai ulitage ba gerua gerule kare, ama kle chage cha geru banu ketu gerule kare, ama kle chage cha chage kare kwian ulitaske me kwian me chanu kle chage kare, e giti kwian me chanu jainchke amadi kwian jainchke chadi kare.

Gálatas 6:9

Malen che ulita me skwatigedale age diali no ulita Chube takalin kare, che chege ta ene kare molen diali, bdagli Chube be age no no che alin, ene be suge trate ulita chege che agedu no Chube takalin kare che me agedu ngwale.

Lucas 6:22

’Chube nu cha kagaba nga dba ai giti kwian kare, cha giti kwian jainchke badi, kwian ba tke jondoi, kwian ba ta gbe olire, kwian gerule badi ba kwian me no, kwian age me no ene ba ole, suge bage chui be chke gire Chube be lle noare kete bage nga ngaña giti Chube ngwadi ba mo ta gbu me joge siere cha geruage boi daga ngwaleske ñanale, suge bage Chube be age ene ba alin, malen nga suga no badi mo tale. Kwian age me no ba ole cha gdale ba me tallade, ma no ba mo ta gbadale nga suga no ole diali, kwian kle age me no ba ole nege, ene kaire unsuialin kwian e enusulian oña agedu me no kwian Chube gerua ketanga ole.

2 Corintios 4:11

Cha kle toi nga dba ai giti cha kle Jesu gerua dbe kwianske, Jesu gerua dbe giti cha kle boi tanre daga ngwale tirare kwian Jesu gerua dollale kote, kwian me geru uñe ta cha gwakalinda Jesu gerua dbe giti, agwa cha kle mo ta gbe biale jogeda Jesu gerua dbe giti diali baini kaire cha chage ngwadi, ene suge kwian nage ulia Jesu kle gwadeni Jesu kle cha kira gbe geru dbe gwangerugu malen cha me kwachie.

Mateo 5:11

’Kwian kidere badi, kwian age me no ba ole kwian geru jinade ngle ngwale badi, kwian age me no ene ulita ba ole cha gdale, suge bage chui be chke gire Chube be lle noare kete bage nga ngaña giti Chube ngwadi ba mo ta gbu me joge siere cha geruage boi daga ngwaleske ñanale, suge bage Chube be age ene ba alin bdagli, malen nga suga noare badi mo tale. Kwian age me no ba ole cha gdale ba me tallade, ma no ba mo ta gbadale nga suga no ole diali, kwian kle age me no ba ole nege, ene kaire unsuialin tangle kwian Chube gerua ketanga ulita bole daga ngwale Chube gerua gdale.

Apocalipsis 2:17

Ulia cha gerule trate geru ai cha kle gerule giti, kwian ulita bai kaire geru ai batenga kwian ulita bai kaire geru ai keruchuge, geru sugedale trate kwian ege Chube Oña takalin gerule mine geru ai giti kwian Chubenu mne gdaguke nga Asiamu ole. Kaire kwian e ulita geru ai gbadale gdadi geru ai kle gerule kare. Chube Oña kle gerule ene geru ai giti: Kwian bai mo ta gbe kiraske gwangerugu Chube gerua giti me chege age me no agwa diali age Chube takalin kare, kwian enege cha be bligda no kada maná kete ama kira gbagda, bligda e kle ogaba nga ngaña giti Chube kle ngwadi. Kaire cha be ke jutre kete amage, ke e giti kwian kalla jagere be kle degaba. Kwian bai be ke gai kwian ene nu Chube gerua keruchugaba, ama alin allabige be suge kwian kalla kle degaba ke e giti kle gerule mine.’ Ba Juan chada degadale ene ulita kagadale kwian Chubenu toinga una Pérgamoge alin.” Jesucristo gerudu ene ulita cha ole ama cha gbu chada dege ene kwian Chubenu toinga una Pérgamoge alin.

Juan 7:7

Kwian ulita me Chube uñe me kle mo ta dbe me no ba ole, ama ulita gwa giti ba age salengwli ama age kare. Agwa cha ole kwian ene ulita me no, cha kle gerule ama ole ama age me no giti ene ama ta suge ama kle age me no giti, me no ama alin cha gerule ene, gire ama ulita skochie chadi.

Lucas 8:15

Kwian gweale kle boi Chube gerua ole chude jo chke dba dbi no giti kare. Kwian e Chube gerua keruchuge gire ama mo ta gbe geru e gai jumale mo tale, ama tañachuge no diali Chube gerua giti, ama Chube chuge ngwadi age ama tale Chube takalin kare, ene Chube ama ta gbe chui gbaite gbaite kaire kairege ma ngle Chube gerua giti. Kwian ene mo ta dbe no diali Chube gerua kete daba na ulitage, ene daba tanre chke geru gai ulia kwian e giti —Jesu gerudu ene kwian geru jwannga amage ulita ole.

Apocalipsis 3:21

Cha gerule ba ole, kwian bai mo ta gbe kiraske Chube gerua gai ulia mo tale, cha be kwian ene gbe daba chugagwale daba na kaganga chui bdaglige cha ole ule. Cha be age no ene ama alin salengwli Chube cha Ñenua agedu cha alin kare. Cha kirachku lle ulitadi nga dba ai giti gire cha joni nga ngaña giti Chube ngwadi, Chube cha gbu kwian kaire lle na ulita Chugagwalla kweri.

Apocalipsis 2:7

Ulia cha gerule trate geru ai cha kle gerule giti, kwian ulita bai kaire geru ai batenga kwian ulita bai kaire geru ai keruchuge, geru sugedale trate kwian ege Chube Oña takalin gerule mine geru ai giti kwian Chubenu mne gdaguke nga Asiamu ole. Kaire kwian e ulita geru ai gbadale gdadi geru ai kle gerule kare. Chube Oña kle gerule ene geru ai giti: Kwian bai mo ta gbe kiraske gwangerugu Chube gerua giti me chege age me no agwa diali age Chube takalin kare, kwian ene ulita cha be gbe toi diali chui tangle nga ngaña giti Chube kle ngwadi, nga noare ege kwian e be ñage gli no gba gute, gligba e kwian gbe toi diali dale alin.’ Ba Juan chada degadale ene ulita kagadale kwian Chubenu una Efesomu alin.” Jesucristo gerudu ene ulita cha ole ama cha gbu chada dege ene kwian Chubenu una Efesomu alin.

Hebreos 3:14

Che ta chegekalin Chube ole ule Jesucristo ole diali dale alin gire ene che mo ta gbadale ulia kiraske Jesucristo gerua giti chui tangle kaire tañachuge ulia Chube ñage che chudaboi che ama gerua gau gwangea kare gire.

Apocalipsis 2:26

Kwian bai kaire kle mo ta gbe kiraske cha gerua giti me kle kwian na gerua ngwale gbe gdadi agwa diali kle chege cha geruadi, kwian bai kaire kle age cha takalin kare ama kle gwade gire, gire ene chui bdaglige cha be kwian ene gbe kwian nga ulitamu chugagwallale salengwli Chube cha Ñenua cha jigu kwian nga ulitamu Chugagwalla kare. Cha be kwian ene gbe kiraske kwian na ulita chugagwallale gerunga kwian ulita giti Chube alin, gire kwian chugagwalla ene ulita be ñage kwian ulita kle mo tke dole Chube gerua ole gbe ji chuge, kwian chugagwalla e be ji gbe kwian giti ama be kwian Chube dollale kagenga ulita salengwli kwian kle dbi dodaba ñmale glogenga kare ulita chege me no.

Hechos 9:16

Cha gerua dbe gdale ama be boi tanre daga ngwale kwian cha gerua dollale kote.

Apocalipsis 2:3

Diali ba kle mo ta gbe chage gwangerugu kaire ba kle boi tanre daga ngwale cha gerua giti, ba me kle skwatige ba me kle olire ba kle boi daga ngwaleske, ba kle mo ta gbe chage diali gwangerugu ta no ole.

Lucas 21:17

Kaire cha gerua gdale kwian ulita be jainchke badi,

Lucas 21:19

Kwian age me no ba ole ba me mo tallade, ba bai me mo chuge ngwadi joge siere cha geruage boi daga ngwaleske, ba mo ta gbe cha gerua gai ulia mo tale diali gwangerugu mo ta gbe age no diali Chube takalin kare, ba bai mo ta gbe ene, chui bdagli be chke gire ba be toi no diali chui tangle cha ole Chube ngwadi.