Mateo 10:1 - Buglere

¹ Chui nage Jesu kwian geru jwannga amage gdataboko giti gdaboke kadu geru trage, chui ege Jesu mo kiralla ketu ama ulitage lle daga ngwale no tanre dodade Jesu kiralla giti, Jesu gerudu ama ole: —Nege gwangerugu cha kiralla giti ba ñage dolla kage siere kwian jwligebanga dolla kotege, kaire ba ñage kwian jingmere dodade ba ñage kwian oga lle na tanre kote dodade.

Mateo 10:1 Referans Kwoze

Lucas 10:19

Cha kiralla giti ba ñage kirachke dolladi, ba ñage skite jorisi giti jebda giti lle e me ba lendege. Cha kiralla giti ba ñage kirachke dolla ulitadi diali, dolla me ñage age me no ba ole.

Lucas 24:49

Ba ulita cha keruchuge no, ulia cha be Chube Oña kage ba alin cha Ñenua gerudu kare. Ba manade aini una Jerusalénge gire Chube Oña be chie nga ngaña giti Chube ngwadi, Chube Oña be chke badi mo kira kete bage, ba be kira e gai gire ba be joge geru cha giti trage kwian ulita ole nga ulitage Chube Oña kiralla giti.

Hechos 1:8

Chui e giti ba me chegedale tañachuge tanre, ma no ba mo ta gbe lle boi no Chube alin Chube gerua cha giti kete daba nage. Chube Oña ama noare, ama be chke ba ulita tale gire ba be kira gai ba be joge gerule no cha giti kwian ulitaske una aini Jerusalénge kaire nga na ulita nga kweri Judeage kaire nga Samariage kaire ba giti geru e be joge tragaba bate kwian nga ulitamu ole, ba be chege kwian cha gerua ketanga daba na ulitage.

Juan 3:27

Juan-Bautista gerudu kwian geru jwannga amage ole: —Chube me kle kwian ole kwian me ñage age Chube kiralla giti.

Lucas 6:13

Nga chku ju, kwian tanre kle chage Jesu nate diali geru jwen amage, Jesu ama ulita kadu Jesu kle ngwadi, ama ulita jo chke Jesudige gire kwian e ulitaske Jesu kwian gdataboko giti gdaboke gau ama gerua dbe kwian nage, Jesu kwian mneite e ka gbu Jesu gerua ketanga,

Lucas 21:15

ba kle eni kwian e gwa giti gire chui ege cha be ba ta gbe ngle, cha be ba ta gbe gerule no no, kwian ba dollale be ba keruchuge gire ni ama gdaite be ñage gerule me no ba kalen, ama mi ñage gerule dare me no ba giti ba gbale jiske.

Hechos 19:15

Bitaite Esceva kirolla ulita kledu dolla kage siere kwiange gire dolla gerudu ama ole: —Cha Jesu uñe trate, cha Pablo uñe trate kaire, ¿agwa ba ulita chema cha kagadale siere?

Juan 17:2

Ba kira ketu chage, ba cha gbu ma kweri kwian ulitage, ene kira e giti cha kwian gbe toi diali chui tangle kwian bai kaire ba ta gbu cha gai ulia.

Juan 6:70

Jesu gerudu geru jwannga amage ole: —Cha agali ba ulita gdataboko giti gdaboke gau, agwa baske gdaite me kle cha gai ulia, ama kle chage che dolla Satanás talla ole.

Juan 3:35

Ñenua Chube no mo Kirolla ole, ama lle ulita gbu mo Kirolla kote.

Apocalipsis 12:1

Cha gwagedu nga ngaña giti be boi tiraredi, muinga gdaite medu chage mo bliaba chuira chrallaske mo ñometra kare, dai kledu ama sera gwaru, muinga chugage lle sombrero kare kledu gbaba, lle sombrero ga giti tangle beu gbataboko giti gbaboke kledu.

Mateo 26:47

Jesu kle gerule ene kwian geru jwannga amage ole gire kwian geru jwannga Jesuge na gdaite kada Judas-Iscariote chku ule guardia donga nglea ole Jesu kle ngwadi, guardia donga e gweale chku sbadi ole na chku glita ole. Kwian gerunga Chube ole daba alin chugagwalla ulita kaire kwian israelita chugagwalla juma ulita, kwian e ulita nu guardia donga ngle kagaba Jesu gai dbale skadi.

Mateo 26:20

Jesu jo u bligda jinadre ngwadige, nga jo jere ngabi gire Jesu toiba dba blire ule kwian geru jwannga amage gdataboko giti gdaboke ole.

Mateo 19:28

Jesu jaindunga: —Chui bdagli Chube be lle ulita nga ngaña giti nga dba ai giti dodadeni nakwaite jagere, gire ne suiale Chube be cha gbe gerule nga ulita giti kwian ulita Chugagwallale, chui ege Chube gwa giti cha be gerule kwian nga ulitamu giti bai jiske Chube gwage bai me jiske Chube gwage. Ene kaire chui ege ba ulita geru jwannga chage kle chage diali cha ole nga dba ai giti, ba ulita be chege daba chugagwallale ule cha ole gerule kwian ulita giti, chui ege cha be ba ulita gbe ba bitalla ulita israelita mne gdataboko giti gdaboke chugagwallale gerunga kwian e ulita giti bai jiske bai me jiske Chube gwage.

Mateo 6:13

Ba me cha chuge ngwadi che dollage, ene ama me ñage age me no cha ole. Ba cha jwen siere lle me no ulitage. Uñale chage ba kwian ulita Chugagwalla ma kweri, ba kiraske ba ñage age ulita mo kiralla giti, ba no no, ba ene diali chui tangle. Cha gerule ene ulita ba ole cha Ñenua. Ene nobi.” Ba ulita gerudale ene Chube ole.

Mateo 4:23

Jesu jo chage una kaire kairege nga ulita Galileage ule geru jwannga amage ulita ole, una gdaite gdaitege Jesu kwian tku tangle u mo litangwa Chube gerua jwanngwage. Jesu chagedu gerule kwian ulita ole kwian ñage Chube uñe, kwian mo ta blitadale Chube ole Chube gai mo Chugagwallale, ene Chube be kwian e jwen siere ji chugege agedu me no gdale. Kaire agwe Jesu kwian jingmere dodadu kaire kwian oga lle na tanre kote Jesu ama ulita dodadu.

Mateo 9:35

Jesu jo chage una kaire kairege kwian tke tangle u mo litangwa Chube gerua jwanngwage. Una ulita baini kaire Jesu jo chke ngwadi ama gerudu kwian ulita ole kwian ñage Chube uñe, kwian mo ta blitadale Chube ole Chube gai mo Chugagwallale, ene Chube be kwian e jwen siere ji chugege agedu me no gdale. Jesu chagedu gerule ene kwian ole, kaire agwe Jesu kwian jingmere dodadu, kaire kwian oga lle na tanre kote Jesu kwian oga ene dodadu ulita.

Mateo 9:38

malen ba gerudale Chube ole Chube kwian gai kage ama gerua kete kwian me ama gerua uñege. E salengwli bligda mauña kle kwian na kage bligda jwen ama alin kare —Jesu gerudu ene kwian geru jwannga amage ulita ole.