Marcos 11:4 - Buglere

⁴ Jesu gerudu ene ulita gire kwian geru jwannga gdaboke e jo Jesu ama kagu kare, amage burro soli skwendu lugabada jonke kodi ugakage. Kwian geru jwannga jo chke burro solidi, ama kle burro soli skatrennga dbadale,

Marcos 11:4 Referans Kwoze

Hebreos 11:8

Kaire agwe Noé oindalla kada Abraham mo ta gbu ulia Chube ole Chube gai ulia, malen ama agedu ulita Chube gerudu kare ama ole. Ama jo siere nga ama kledu toige, ama jo chage Chube ama ta gbu kare nga ketabe amage toingwa ngnagu. Abraham jo siere una ama kledu toi ngwadige gire ni uñadu amage ama be joge nga bai ngnaguge.

Juan 2:5

Jesu gerudu ene chebia ole gire chebia gerudu kwian lle boanga mo jwen chuiage ulita ole: —Jesu ba kage age ba age ulita ama gerule kare.

Mateo 26:19

Jesu gerudu ene kwian geru jwannga amage ole gire kwian geru jwannga agedu ulita Jesu gerudu kare, kwian geru jwanngage u skwendu, ama bligda jinadu u ege Pascua chuia olladale.

Mateo 21:2

Jesu gerudu ama boke ole: —Joga gdabonate cha ngeru una soli kle ngeruge, ba be joge chke una soli ege burro chebia ule soli ole be skwen bage ba ngwange lugabada glige, ba ama skatrennga, ba chie ama gdaboke dbe chage.

Marcos 11:3

Kwian gweale geru kade bage: “¿Lledale ba kle burro soli e skatrennga?” Ba gerule kwian e ole: “Cha Chugagwalla takalin burro soli aige, me sbali ama be burro soli ai kageni naskuni aini.”

Marcos 11:5

gire kwian gweale kledu eni geru kadu amage: —¿Ba kle llema boi? ¿Lledale ba kle burro soli e skatrennga?