Lucas 4:35 - Buglere

³⁵ Jesu ka bo dolla e ole: —¡Chegede kamne, joga siere onbre ege! Dolla onbre e mliu dba kwian ulita gwa giti gire dolla jo siere onbrege, onbre chegu no ulita, me boidu dare.

Lucas 4:35 Referans Kwoze

Lucas 4:41

Jingme jo siere kwian tanrege, kaire dolla jo siere kwian tanrege, dolla ulita kle joge siere kwiange gire gerudu Jesuge: —Ba Chube Kirolla. Jesu ka bo dolla ole: —Ba me gerule ene cha giti, joga kamne siere. Uñale dolla ulitage Jesu amaña Cristo, Chube nu Jesu kagaba kwian jwen siere ji chugege age me no gdale Chube nu geruba sbali kare, malen dolla gerudu Jesu Chube Kirolla. Jesu me dolla chugu ngwadi Jesu kalla itenga Jesu amaña Cristo Jesu Chube Kirolla, malen Jesu ka bo dolla ulita ole, Jesu me dolla gdaite chugu ngwadi gerule trate Jesu giti.

Lucas 4:39

Gire Jesu jo oga ankwallage kodi, Jesu gerudu nganagda ole: —¡Joga siere muingage! Gire nganagda ulita jo siere blike muingage, sugeti ama cheguni noni chku gdate gire ama bli jinadu Jesu alin kaire kwian na ulita alin.

Mateo 8:26

Jesu jaindunga: —¿Mineade ba ulita ta kennga tanre? ¿Ba me cha gai ulia cha ñage ba manade nga tirareske? Jesu gerudu ene gire ama chku gdate gerudu mle ole gerudu chi ole: —¡Chegede ngwedige ngeru kare! Gire mle kaire chi chegu ngwedi Jesu gerudu kare.

Apocalipsis 12:12

Nga ngaña giti lle ulita kaire kwian ulita mangire batre kle toi nga ege Chube ole, ba ulita nga dbadale suga no ba ulita ñage kirachke che dolladi giti. Agwa ba ulita mangire batre kle toi nga dba giti kaire lle ulita kle toi bleske, ba ulita be olire tanre ba be boi daga ngwale giti. Che dolla chku age me no ba ole nga dba giti, uñale amage chui jo tigenga ulita amage ama tkabe skage gire, malen e giti ama skochie tanre tirare ama agekalin me no ulita.” Geru sugedu chage ene ulita.

Lucas 9:42

Ñenua jo mo kirolla dbe Jesu ngnagu gire blike dolla kirogwa mliudba, dolla nga kagunga kirogwa giti, kirogwa tratuda dba tangle dolla kiralla kote, Jesu ka bo mno dolla ole: —¡Joga siere kirogwage blike! Jesu gerudu ene gire dolla jo siere kirogwage, sugeti kirogwa jo chkeni noni, Jesu kirogwa ketuni noni ñenuage manadale.

Lucas 9:39

Dolla kle age me no cha kirolla ole diali, chui gwealege ama kle no, chui gwealege ama kle boi tirare dolla kote, dolla kle cha kirolla gbe ngaute kweri, kaire kle nga kagenga kirogwa giti, kle kirogwa gbe trateda dba tangle gire kirogwa jolo tanre mlienga kate dolla kote, dolla age tanre me no cha kirolla ole, dolla me ta kirogwa chugakalin ngwadi ngwedige.

Lucas 8:24

Gire ta kennga tanre ole kwian geru jwannga Jesu gau gdate gerudu Jesu ole: —¡Cha tkanga tangle geruge! ¡Chkede bduge cha chudaboi! ¡Che ulita be joge chiske duge llagli, che be unjoge! Jesu chku bduge mo gbu gdate, Jesu gerudu mle ole chi ole: —¡Chegede ngwedige! Gire sugeti ngwale mle kaire chi chegu ngwedi ulita Jesu gerudu kare.

Marcos 9:26

Jesu gerudu ene gire dolla ngautu kweri skochiu tanre ama nga kagunga kirogwa giti nakwaite ma obere ngerugu gire dolla jo siere kirogwage, dolla kirogwa jigu jogebakeda kare. Kwian tanre gerudu dolla kirogwa guda,

Marcos 1:26

Jesu gerudu kiraske ene dollage gire dolla kledu kwian edi nga kagunga onbre e giti onbre gbu trateda dba tangle, dolla e onbre gbu ngaute kiraske kweri gire dolla e jo siere onbre ege.

Mateo 17:18

Jesu gerudu ene kwian ulita ole gire kirogwa dule Jesuge, Jesu ka bo mno dolla ole: —¡Joga siere kirogwage! Jesu gerudu ene gire dolla jo siere kirogwage, sugeti kirogwa cheguni no trate.

Marcos 4:39

Kwian geru jwannga gerudu ene Jesuge gire Jesu chku bduge mo gbu gdate, ama gerudu mle ole: —¡Chegede kamne, me tiennga dare! Kaire Jesu gerudu chi ole: —¡Klede ngwedi! Jesu gerudu ene gire sugeti ngwale mle jo tangle me tiunnga dare kaire chi chegu ngwedi ulita me chitedu dare.

Lucas 4:23

Jesu gerudu kwian ulita ole: —Ulia ba be gerule geru uñale aige cha ole: “Ba kwian mo dodanga, nege mo dodade agali.” Kaire ba be gerule cha ole: “Cha geru keruchugu ba lle daga ngwale no tanre dodadu una Capernaumge, nege dodade kaire ene aini ba jwiage.”