Lucas 24:41 - Buglere

⁴¹ Kwian ulita Jesu keruchugu gerule ene gire kwian ulitadi nga suga noare, ama tadukalin Jesu gerua gai ulia, agwa chegu tañachuge tanre mo tale Jesudige: “¿Ama gerudu ulia o me?” Kwian kledu tañachuge ene gire Jesu geru kadu ama ulitage: —¿Ba bligda molen aini gutadale? Cha ta blikalin.

Lucas 24:41 Referans Kwoze

Juan 21:5

Jesu gerudu geru jwannga ulita ole: —Cha skatemanalla, ¿ba me ko toidu ngwege gdaite? Ama ulita jaindunga: —Ni cha ko toidu gdaite ngwege.

Juan 16:22

Ene kaire ba ulita mi kle nga suga no ole be kle ta olire tanre cha nate, cha be chieni gire ba be gwageni chadi cha be kleni ba ole, ba tale be nga suga no tanre molen, nga suga no ba ulita tale cha giti kwian na me ñage e jwennga, nga suga no e be chege ba tale diali.

Marcos 16:11

María-Magdalena jo chke kwian geru jwannga kledu ngwadi, ama gerudu: —¡Jesu chkuni gwade! Ulia cha gwagedu amadi gwadeni. ¡Jesu kle gwadeni! Kwian geru jwannga Jesuge ulita María-Magdalena keruchugu gerule ene Jesu giti gire ama ulita María-Magdalena kerua gau ngwale, tañachugu María-Magdalena kle sole ama ulita ole.

Marcos 16:13

agwa bigwa chku uñale trate ama bokege ulia Jesu amaña kledu chage ama ole jonkare gire ama joni kwian geru jwannga na kledu ngwadi, ama geru ketu dabage ulita Jesu giti, ama gerudu: —¡Jesu chkuni gwade ulia! Cha gwagedu amadi sbaliga jonkare. Kwian geru jwannga gdaboke gerudu ene Jesu giti geru jwannga na ulita ole, gire kaire kwian geru jwannga na ulita ama boke kerua gau ngwale ni gdaite ama kerua Jesu chkuni gwade giti gau ulia.

Marcos 16:14

Bigwa Jesu medu kwian geru jwannga ulita gdataboko giti gdaitege gwadeni, ama ulita kledu mo litaba blire gire Jesu chku, Jesu gerudu ama ulita ole: —Cha ta olire tanre ba giti. Kwian ulita bai kaire gwagedu chadi gwadeni ama geru kete bage cha giti, ni ba ama kerua gau ulia cha chkuni gwade giti, ba me kle mo ta gbe ulia cha ole.

Lucas 24:11

Muinga gwagedudi boi ulita gerua tragu kwian geru jwannga Jesuge ole, kwian geru jwannga tañachugu muinga ulita sodu, ama me muinga gerua Jesu giti gau ulia.

Lucas 24:42

Kwian ngwe lingu bitaite ketu,

Hechos 12:14

Rode kwian kle ugakage keruchugu ama me olo jonga Pedro keruage, chku uñale Rodege e Pedro amaña gire nga suga no ole Rode me tachku ugaka degenga, ama joni jrite blike gerule kwian kle mo litaba gwa ole, ama gerudu: —Pedro kle goga ngaute chege, Pedro chiekalin gudegu.

Marcos 8:7

Kaire agwe kwian geru jwannga kledu chage ngwe soli ole gdamoite, Jesu ngwe gau kote, gerudu Chube ole ngwe giti gire ama ngwe ketu kwian geru jwannga ulitage girabatale ulita kwian ulita ole, ngwe jriendunga ngle ngwe ñadu kwian mo litaba mangire batre alin ulita.