Lucas 24:34 - Buglere

³⁴ Kwian ulita kle mo litaba ole una Jerusalénge gerudu kwian boke ole: —Che Chugagwalla Jesu chkuni gwade, ama medu Simónge.

Lucas 24:34 Referans Kwoze

1 Corintios 15:5

Cristo chkuni gwade ama medu Pedroge, kaire chui nage Pedro kledu kwian Jesucristo gerua ketanga na ulita ole ama gdataboko giti gdaboke ulita gwagedu Cristodi gwadeni mo gwagwa giti.

Marcos 16:7

Joga blike kwian geru jwannga Jesuge gdataboko giti gdaite kle ngwadi, ba geru ketadale ama ulitage Jesu giti, ba geru ai kete Pedroge kaire kwian geru jwannga na ulitage: “Joga nga Galileage, Jesu be joge nga ege ba ulita ngeru, ne ngwadige ba be ten ama ngwange ama gerudu kare ba ole ama bebi jogekeda gire.” Ba gerudale ene Pedro ole kaire kwian geru jwannga na ulita ole. ¡Joga, joga!

Lucas 7:13

Jesu gwagedu muinga olidige olire tanre Jesu taidu dage muingage, Jesu gerudu muinga oli ole: —Ba me mo ta dbe olire dare ba kirolla nate.

Lucas 7:19

gire Juan-Bautista kwian geru jwannga amage boke gau kagu, ama gerudu: —Ba geru kade ai kare Jesuge: “Unsuialin Chube gerudu be kwian jwannga siere kage kwian alin, ¿ba amaña o ama bebi chie, cha chegedale ama manade ngwange dare o me?”

Lucas 24:6

Aini ama me kle. Ama chkuni gwade. ¿Ba me tachke ama gerudu giti ba ole ama kledu llani nga Galileage gire? Ama gerudu: “Chube cha kagu nga dba ai giti kwian kare, cha ketabe kwian me noge gwadaleda kruge, chui gbamaige gire cha be chkeni gwade.” ¿Ba me tachke e giti?

Hechos 1:3

Jesu jokeda kruge, ama jaba chkuni gwade kledu gwadeni gire Jesu mo kaitu kwian geru jwannga gdataboko giti gdaite ulitage, kwian e ulita gwagedu Jesudi gwadeni, kwian e ulita gwa giti Jesu ageduni no tanre chke gda uñale ulia amaña kle gwadeni. Jesu chegu toi dare nga dba ai giti chui cuarenta, e suiage tangle Jesu medu bitangle kwian geru jwannga amage ulitage, diali Jesu gerudu ama ole Chube takalin kwian ulita Chube gerua Jesu giti uñe ene kwian ñage mo ta blite Chube ole Chube gai ulia mo Chugagwallale.