Lucas 19:12 - Buglere

¹² Jesu gerudu: —Kwian onbre gdaite kweri kwian na gwage ama jo nga na batege, kwian chugagwalla kweri nga ege be ama gbe daba mo jwiamu chugagwallale gire onbre be chieni mo jwiage.

Lucas 19:12 Referans Kwoze

1 Pedro 3:22

Cristo jokeda chkuni gwade, gire joni nga ngaña giti Chube kle ngwadi, nege ama kle Chube ngena Chube ko taingwli giti. Lle boanga Chube alin nga ngaña giti, Cristo ama ulita Chugagwalla, kaire Cristo ma kweri ma kiraske dolla Satanáge kaire Satanás chudaboangalla ulitage.

Hebreos 9:28

Ai kare Jesucristo jo boabanga daga ngwale ama mo ketu gwaleda bitaitre alin kwian ulita jwannga siere ji chugege age me no gdale. Gire bdagli Jesucristo be chieni, chui ege ama mi jogekeda nakwaite kwian agedu me no giti agwa ama be chieni age no no kwian ulita alin bai nu ama gerua gaba ulia kle ama manade ngwange. Jesucristo be kwian e ulita dbe ule nga ngaña giti toi ama ole ule Chube kle ngwadi diali chui tangle.

Juan 18:37

Jesu gerudu ene Pilato ole gire Pilato geru kadu Jesuge: —Ba gerule ene, ¿e kle gerule ba ulia kwian chugagwalla? Jesu gerudu: —Ima, cha kwian chugagwalla ba kle gerule kare. Cha medunga nga dba ai giti, cha chiu geru ulia kete kwian ulitage, kwian ulita bai kaire mo ta gbe no geru ulia ole ama cha kerua gbe gdadi.

Lucas 20:9

Jesu gerudu ene kwian ole gire Jesu geru ñachugu ama ulita alin, Jesu gerudu: —Cha gerule ba ulita ole, kwian onbre gdaite uva ngama gbu, gire ama kwian gweale gau uva ngama manangale, ama uva ngama ulita jigu uva ngama mananga ulita kote gire ama jo toi nga batege sbali.

Apocalipsis 1:7

Cha gerule ulia ba ole, Jesucristo be chieni bogakwaskeni nga dba ai giti gire kwian ulita be gwage amadi, kwian bai agedu Jesucristo dollale Jesucristo guda Jesucristo kledu nga dba ai giti gire, kwian e kaire be gwage Jesucristodi chieni. Kwian nga ulitamu nga dba ai giti be nga dbe suga olire modi chru ole kennga Jesucristo chuia be chke gire. Ai ulia be boi ulita cha kle gerule kare. Ene nobi.

Hechos 17:31

Chube chui gbu gerungwa trate kwian ulita giti kwian bai jiske kwian bai me jiske Chube gwa giti, Chube Jesu gbu gerule ene kwian ulita giti Chube Jesu kagu nga dba ai giti, Jesu jokeda, Chube mo kiralla giti Jesu jaba gbuni gwade kwian ulita gwa giti. E giti sugedale trate kwian ulitage ulia Chube be Jesu gbe gerule kwian ulita ole bdagli bai jiske bai me jiske.

Lucas 24:51

Jesu kle gerule ene ama ulita ole gire Jesu jo chkenga ngaña kote siere ama ulitage, Jesu dule nga ngaña giti Chube kle ngwadi.

Marcos 16:19

Chugagwalla Jesu gerudu ene ulita kwian geru jwannga ulita ole ama ulita ta gbagda, Jesu gerudu ene ulita gire Jesu dule nga ngaña giti Chube kle ngwadi, Jesu toidu dba Chube ko taingwli giti kwian Chugagwalla kweri.

Marcos 12:1

Kwian israelita chugagwalla tanre kledu mo litaba Jesudi, ama alin Jesu geru ñachuge, Jesu gerudu: —Cha gerule ba ulita ole, kwian onbre gdaite uva ngama gbu gire ama gere gbu uva ngama giti tangle, kaire ama nga dodadu uvagba chia ogangwa, kaire ama dbi gweale jigu ngwale uva ngamaske u gbangwa, ama ke ulla dodadu jeike ngaña uva ngamaske uva manangwa. Uva ngama mauña lle e bo ulita bigire ama kwian gweale gau uva ngama manangale ama uva ngama ketu kaire u uva manangwa ketu uva ngama mananga ulitage, uva ngama mauña uva ngama jigu uva manangage gire ama jo toi nga batege sbali.

Mateo 21:38

Kwian uva mananga ulita gwagedu uva mauña kirolladi chie ama gitigu, gire ama ulita gerudu modi ongoru ongoru: “Kwian chiu e uva ngama mauña kirolla, bdagli ama be chege ama ñenua llea ulita dbia ulita mauñale. Ale ama gweda, ene lle ulita be chege chege, che be chege uva ngama ai ulita mauñale.”

Mateo 28:18

Jesu jo kwian geru jwannga amage ulita gitigu gire Jesu gerudu: —Chube cha gbu nga ngaña giti mauñale nga dba ai giti mauñale, cha ñage age ulita Chube kiralla giti cha takalin kare.