Lucas 17:4 - Buglere

⁴ Chui gbaite ama age me no bitaguke ba dollale gire bitaguke ama mo ta blite chke gerule ba ole: “Cha me age dare me no ba dollale”, bitaguke ama agedu me no ba dollale ba talla mlienga.

Lucas 17:4 Referans Kwoze

Romanos 12:20

Kaire Chube gerua degaba unsuialin gerule: “Bage suge kwian agenga ba dollale bli ole ba taidale dage amage ba ama ulladale, kwian ene siechie ba chi ketadale amage jadale, ba mo ta dbadale age no kwian agenga ba dollale ole, ene ba dolla be ibule tanre mo giti ba ngeru ba kle age no giti ama alin.” Chube gerua degaba unsuialin gerule ene.

Mateo 6:12

Cha agedu me no cha takalin ba talla mlienga, ene kaire daba age me no cha ole cha talla mlienga.

Mateo 18:35

Jesu geru ñachugu ene kwian geru jwannga ulita ole gire gerudu dare: —Chugagwalla agedu kwian lle boanga ole kare, ene kaire cha Ñenua Chube be age ba ulita ole ba bai me daba agedu me no talla mlienga mo tale trate.

Mateo 18:16

Agwa daba Chubenu e me ba gerua gbe gdadi me mo ta blite no ba ole, ba jogedale daba Chubenu na gdaite o gdaboke jwen dbe ule daba agedu me no ngwadi. Gire ba gerudale nakwaite ama ole daba bai ba du ule gwa giti, ene daba bai ba duge be chke uñale ba takalin daba Chubenu agedu me no chudaboi ba takalin toi no naskuni ama ole, daba bai ba du be chege ba ka chudaboanga.

Mateo 5:44

Agwa cha gerule ba ole, ba mo ta dbadale no ba dolla ole kaire. Kwian kle ba oña boi me no, kwian ene ole ba gerudale: “Cha takalin Chube age no ba alin.” Kwian kle jainchke badi, kwian ene alin ba agedale no. Kwian kle ba ta gbe olire kle gerule me no badi kle kira bate ba ole, kwian ene giti ba gerudale Chube ole.

Lucas 17:5

Jesu gerudu ene gire kwian geru jwannga Jesuge ulita gerudu Jesu ole: —Cha Chugagwalla, cha takalin ba cha ta gbe ma ngle no Chube gerua gai ulia.