Lucas 16:19 - Buglere

¹⁹ Jesu gerudu ene kwian fariseo ole gire Jesu geru ñachugu ama ulita alin, Jesu gerudu: —Kwian onbre gdaite igi molen tanre lle molen tanre, diali chui gdale ama kle toi no kle bligda tanre no gute kle mo ngama tke ñometra noareske.

Lucas 16:19 Referans Kwoze

Apocalipsis 18:16

gire ama ulita gerudu ene: “Ulia ulia una Babilonia una kweri, agwa cha tai dage kwian una emuge ama kle ji chuge giti. Kwian toinga una ege kle chege salengwli muinga mo ngama tke no kare muinga kle mo ngama tke ñometra no kwangleare giti ñometra e chada lénrennga kaire chada dabere, ama kle chage mo gbagataba no oro chrachienga no kwangle giti, kaire ama mo dodaba ulita jegwale lle ñanaske giti lle igigwa gba kweri kare kada perla giti kaire kechuga soli gwadenga no giti. Muinga e kare ene kwian una Babiloniamu ulita kledu toi.

Apocalipsis 18:7

Kwian ulita toinga una Babiloniage mo gbu kweri mo sobadu kwian toinga nga nagedi, ama toidu lle ñanaske tanre giti lle ulita ama tadukalinge ama gigu, ama mo gbu kweri e giti. Ama mo sobadu mangire batre dabadi ama toidu lle ñanaske tanre ole mangire batre, e batre kaire ene agwe ba ama gbadale boi daga ngwale chege ta olire tanre ole. Diali kwian ulita una Babiloniamu tañachugu mo tale mo giti naskuni ene: ‘Cha ulita una Babiloniamu cha kwian nga ulitamu chugagwalla kweri, cha ulita no trate. Cha me chege dale muinga kle chege gballa kare, cha mi chege ta olire ole, lle ulita kle cha ole, cha mi boi daga ngwale dale.’ Kwian toinga una Babiloniage tañachugu ene mo gbe tangle kwian nadi suge moge kweri.

Apocalipsis 17:4

Muinga cha gwagedudi muinga e kledu mo ngama tkaba ñometra chada drega bokeske ñometra chada lénrenngaske kaire ñometra chada dabereske, muinga e kledu mo gbagataba lle no ulita giti, oro chrachienga no kwangle kaire lle igigwale gba kweri kada perla kaire kechuga soli ñanaske tanre ama nu tkaba mo jegwale ulita, ama kledu mo dodaba no trate ulita ene. Muinga e kote muinga kledu oro dodabale jogdale dbe, lle jogda kare e tadi lle tanre me no sugaska tañachugagda jain jain me no onbre giti muire giti kledu. Muinga e agenga me no tanre mo chuge onbre tanre ole ke giti.

Lucas 16:1

Jesu geru ñachugu kwian geru jwannga amage gdataboko giti gdaboke alin, Jesu gerudu: —Kwian onbre gdaite igi molen tanre kaire lle molen tanre. Ama kwian igi mananga gdaite gbu igi amanu kaire lle ulita amanu manade. Kwian na gwagedu igi manangadi me kle igi manade no gire kwian e jo geru kete igi mauñage, kwian gerudu: “Kwian igi mananga ba alin me kle igi manade no, ama kle ba igia kagenga tanre ngwale.”

Marcos 15:17

Guardia donga Jesu ngama tku kwian chugagwalla kweri nga dba aimu kle mo ngama tke kare ñometra chada dabere, ñometra e kareske Jesu jo ngama tkaba, guardia donga giska kobaske bliu Jesu chuga batreti batu Jesu chugaske.

Lucas 15:13

Jo chuia kaire kirogwa daba nate chude, bda, dbi maunu ulita chbadu, gire ama igi gau ngle lle e ulita ñanale. Ama jo toi bate nga nage, jo chke nga batege gire ama me mo ta gbu chage trate, ama igi kagunga ulita lle tanre ngwale giti.

Marcos 15:20

Guardia donga agedu ene ulita kidere Jesudi gire ama ñometra chada dabere junnga Jesudige, ama Jesu ngama tkuni naskuni Jesu ñometrallaske, gire ama ulita jo Jesu dbe gwaleda kruge.

Lucas 16:18

’Cha gerule ba ulita ole, kwian onbre bai kaire mo muingalla chuge ngwadi gire mo jwen muinga na ole, onbre e kle age me no Chube gwa giti, Chube gwage e salengwli onbre e kle mo chuge ke giti muinga e ole kare. Kaire ñengula nu mo muingalla chugaba ngwadi, muinga e ole onbre na mo jwen, onbre e kle age me no Chube gwa giti, Chube gwage e salengwli onbre e kle mo chuge ke giti muinga e ole kare.

Lucas 16:20

Kwian na kada Lázaro, ama me lle molen, ama oga, ama uda tuge nate jingme ole, diali ama kle toiba dba onbre lle molen ullage goga ugakage.