Lucas 12:31 - Buglere

³¹ Ba mo ta gbadale Chube gai diali mo Chugagwallale, ba ama gadale dage age ama takalin kare, ene Chube be ba manade no be lle toigda kete bage lle bai me ba ole ene ba toi no nga dba ai giti.

Lucas 12:31 Referans Kwoze

Mateo 6:33

Ba mo ta gbadale Chube gai ma no diali mo Chugagwallale, ba ama gadale dage, ba mo ta gbadale age no trate ama takalin kare diali, ene Chube be ba manade no be lle toigda kete bage lle bai me ba ole ene ba toi no nga dba ai giti.

Hebreos 13:5

Ba me tañachuge diali igi giti alin, me no ba mo ta gbe tañachuge diali ba igi tanre gakalin mau alin. Ba chegedale ta no ole lle mangire batre ba molen ole me tañachuge takalin lle ma ngle ba kle olege. Ulia Chube gerua kle degaba no trate chada giti, Chube gerudu ene: “Cha Chube be kle diali ule ba ole, cha mi ba chuge ngwadi gballa dale boi daga ngwale me lle molen toigda.” Chube gerudu ene kwian ulita amanu ole.

1 Timoteo 4:8

Che kolale, che jrite, ene che kwangitra jrite no kira giti. E ulita no che alin, agwa e sugeti alin. Kaire che mo ta gbadale tañachuge diali Chube gerua giti ta gbe age ulita ama takalin kare, ene che chege Chube kirallaske. E no che alin nege nga dba ai giti kaire chege che alin diali chui na ulita bdagli nga ngaña giti Chube ngwadi.

Juan 6:27

Ba me tañachugadale lle boi bligda alin giti bligda gai mau alin gutadale ene ba blire ba me chage bli ole, bligda e bidege me chege diali. Agwa ma no ba ulita tañachuge bligda me bidege giti kaire, bligda e chege chui tangle diali ba tale, cha bligda e kete bage, ene ba be toi chui tangle diali cha Ñenua Chube ole, ama cha kagu nga dba ai giti kwian kare, ama mo kiralla ketu chage age no ba ulita alin.

Romanos 8:31

Chube agedu no tanre ene che alin, Chube no che ole, malen che me tañachugadale dare kle boi mine che ole. Lle na me salengwli kiraske Chube kare, Chube kle che ole, Chube kle che manade malen ni kwian gdaite ñage age me no che ole che gbe siere Chube agedu che alinge.

Lucas 10:42

Lle gdaitre alin allabi noare ba alin, e Chube gerua. Cha kle gerule Chube giti, María kle cha keruchuge, geru e be chege diali ama tale, kwian na mi ñage geru e jwennga ama ngeru.

Lucas 12:30

Kwian me Chube uñe ulita diali kle mo ta dbe olire lle toigda nate. Agwa ba Chubenu, Chube ba Ñenua, amage uñale ba takalin llemage ene ba toi no.