Lucas 12:20 - Buglere

^20-21 Kwian kle tañachuge ene gire Chube gerudu ama ole: “Nga ngwale ba chuga giti, nege ngajrege ba be jogeda, ba kle lle ulita oge, ¿e be chege chema alin?” Jesu geru ñachugu ene gire Jesu gerudu kwian nglea ole: —Chube gerudu ene kwian lle molen tanre e ole. Cha gerule ba ole, ngwale kwian lle tanre gai, ama tañachuge toi no ene, tañachuge e alin giti me tañachuge Chube giti, Chube gwage kwian ene me lle molen dale.

Lucas 12:20 Referans Kwoze

1 Timoteo 6:7

Che tachkedale mo giti che medunga chebia kote che me chiu lle dbe dale, che jogeda che me ñage lle dbe mo ole llagli.

Santiago 4:14

Cha gerule ba ole, ¿chemage uñale chui suialinge be joge tangle mine? Chege me uñale chui be chiege be boi mine che ole. Cha gerule ba ole, che salengwli bogakwa kare. Bogakwa ñage chke dba sugeti gire blikare bogakwa ñage jogenga, e kare ene che ulita talla.

1 Tesalonicenses 5:3

Chui ege kwian tanre be kle gerule: “Che ulita kle toi no, ulita kle ngwedi, me kle boi tirare cheske.” Kwian be kle gerule ene gire sugeti blike Jesucristo be chieni, kwian me kle Jesucristo chieni chuia manade be chege sugekare Chubege ngwale dale, mi ñage tien gitiru, be boi tirare salengwli muinga kle skibachie kirogwa kle menga chebia kote kare.

Lucas 11:40

Nga ngwale ba chuga giti, ba me kle tañachuge no. ¿Ba tañachuge Chube ba jegwale alin dodadu me ba tadi dodadu? Chube ba jegwale dodadu kaire ba tadi dodadu, malen uñale amage ba ta mine ulita.

1 Timoteo 6:17

Kwian lle tanre molen igi tanre molen, ba gerudale kwian ene ole ama me ñage tañachuge mau giti: “Cha lle tanre molen malen cha ma no kwian na ulitage.” Me ñage tañachuge ene. Kwian lle ulita tanre molen, lle e me ñage ama chudaboi diali, lle ulita tanre me jage diali. Ma no tañachuge Chube giti Chube ñage ama chudaboi diali. Chube gwade, ama lle ulita noare kete chege toi no diali.