Lucas 12:17 - Buglere

¹⁷ Kwian e lle molen tanre tañachugu mo tale: “¿Cha be age mine? ¿Cha be bligda jwen ulita cha be oge baini? Bligda ngle, u bligda ogangwa soliare.”

Lucas 12:17 Referans Kwoze

Mateo 5:42

Kwian gweale lle banu kade bage mo alin, ba lle e ketadale amage ta no ole, kaire kwian na gweale lle banu kade sugetidale bage mo alin, ba mo ta gbe no ama ole, ba lle ketadale amage ama lle kadu bage kare, ba me mo ta dbe kibale ba lleage kwian ole.

1 Juan 3:16

Ulia Jesucristo mo ketu boalenga daga ngwale mo gwangeda che giti kwian agenga me noge, malen suge trate chege che mo ta dbadale no mine daba ole. Jesucristo mo ketu boalenga daga ngwale che ulita giti, e kare ene agwe che mo chugale ngwadi boi daga ngwale daba chudaboi giti Jesucristo agedu kare, che mo ta gbadale daba chudaboi no diali che ñage mangire batre kare.

Romanos 12:13

Daba gweale me lle molen toigda no, ba daba ene Chubenu chudaboadale lle monu girabate ama ole ene ama ñage lle molen toigda. Ba daba na gadale ngwange no ba ullage.

Hechos 16:30

Gire kwian skage mananga Pablo, Silas du goga kwian skage mananga geru kadu ama bonatege: —Cha ba gai dage, cha gerule ba ole, ¿cha agedale mine gire cha tien gitiru ji chugege cha agedu me no ulita gdale?

Lucas 19:17

Chugagwalla gerudu ama ole: “Ba kwian lle boanga noare, igi bedre ole ba lle bo no ba igi na gau ngle, ba lle soli bo no, nege cha be lle kweri kete bage boadale, nege cha be ba gbe kwian una gdatabokomu chugagwallale.”

Lucas 18:22

Jesu kwian keruchugu ene gire Jesu gerudu: —Noare ba kle age ene, agwa cha gerule ba ole, lle gdaite ba bebi age. Joga lle banu ulita chbade, igi ulita lle e ñanalla ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali chui tangle Chube ole nga ngaña giti, Chube be age no ba alin ba agedu no ñanale.

Lucas 16:9

Cha gerule ba ole ba bai Chube gai ulia, ba igi molen ba kwian me lle molen chudaboadale igi e giti, ene kwian e be ba gai mo skatemanallale. Lle ulita banu be bidege, ba mi chege lle molen gire ba tachkedale chui be chke gire Chube be ba gai ngwange no nga ngaña giti be age no ba alin ba daba me lle molen chudaboi nga dba ai giti ñanale.

1 Timoteo 6:17

Kwian lle tanre molen igi tanre molen, ba gerudale kwian ene ole ama me ñage tañachuge mau giti: “Cha lle tanre molen malen cha ma no kwian na ulitage.” Me ñage tañachuge ene. Kwian lle ulita tanre molen, lle e me ñage ama chudaboi diali, lle ulita tanre me jage diali. Ma no tañachuge Chube giti Chube ñage ama chudaboi diali. Chube gwade, ama lle ulita noare kete chege toi no diali.

Hechos 2:37

Kwian e ulita Pedro keruchugu gerule ulita, amage sugedu ama jiske tanre Jesu gdale gire ama ulita ta olidu tanre Pedro gerudu kare Jesu giti, ama ulita geru kadu Pedroge kaire geru kadu kwian na ulita Jesu gerua ketangage: —Cha daballa ulita, cha geru kade bage, ¿cha ulita agedale mine nege ene cha chege no trate me jiske Chube gwa giti?

Lucas 16:3

Kwian igi mauña gerudu ene gire kwian igi mananga tañachugu mo tale: “¿Nege gwangerugu cha be age mine? Cha chugagwalla mi cha gbe lle boi dare, cha me ñage lle na boi mo alin toigda, cha kira me chude ngama gbe, kaire nga chie ibule chadi igi kade kwian nage mo alin toigda. ¿Cha be age mine?”

Lucas 12:33

Ba me mo ta gbe tañachuge lle oge mau alin nga dba ai giti diali chui tangle, chui gweale lle e ulita be jogenga ngwale. Ba lle molen ba lle e chbadale, igi gai lle ñanale ba igi e ketadale kwian bai me lle molenge. Ba kwian chudaboi ene nga dba ai giti, nga ngaña giti Chube kle lle noare oge ba alin, lle nga ngaña giti me jogenga ngwale dale, llani kwian skwe boanga me joge chke lle banu jwen, kaire chubdu me lle banu gute.

Lucas 12:29

Ba Chube uñe malen ba me mo ta dbadale olire lle toigda nate, ba be llema gute, ba be llema jai, llema giti ba be mo ngama tke.

Lucas 12:22

Jesu gerudu ene kwian nglea ulita ole gire Jesu gerudu kwian geru jwannga amage ulita ole: —Cha gerule ba ole, ba me mo ta dbe tañachuge tanre diali lle toigda giti, ba be llema gute toigda chui bdugu, llema giti ba be mo ngama tke. Noare ba bligda molen gutadale, noare ba ñometra molen mo ngama tkagda, agwa me no tañachuge tanre diali bligda alin giti ñometra alin giti mo alin toigda. Chube ba dodadu ama ba gbu toi gwade, ene kaire Chube be lle ulita kete bage toigda, malen ma no ba mo ta gbe tañachuge diali Chube giti me tañachuge lle alin allabi giti toigda no nga dba ai giti.

Lucas 11:41

Ba kwian fariseo ulita mo ta ketadale Chubege gire Chube be ba ta lite trate ulita kwian kle lle gligenga trate kare, ene Chube be ba ta gbe suge ta no daba ole daba bai me lle molen.

Lucas 10:25

Chui gbaite kwian daba tkanga tangle Moisés chadalla giti gdaite jo Jesu kle ngwadi ama ta mo chugakalin Jesu ole, kwian e chku Jesudi geru kadu Jesuge: —Ba kwian tkanga tangle geruge, cha geru kade bage, ¿cha llema boadale gire cha ñage toi diali chui tangle Chube ole nga ngaña giti?

Lucas 3:11

Juan-Bautista jaindunga: —Ba camisa boke molen camisa gdaite ketadale kwiange kwian bai me camisa molen bitaite. Ba bligda molen bligda girabatadale kwian ole kwian bai me bligda molen sidri —Juan-Bautista gerudu ene kwian ole.

Mateo 16:7

Kwian geru jwannga ulita tañachugu Jesu kle gerule levadura ulia giti pan dodagda gire ama gerudu modi: —Che me chiu pan dbe gutadale malen Jesu kle gerule ene che ole levadura giti.

Lucas 12:16

Gire Jesu geru ñachugu kwian ulita alin: —Kwian onbre gdaite lle molen tanre, ama chudea ulita chku noare.

Lucas 12:18

Kwian lle molen tanre kle tañachuge ene gire tachku, ama gerudu mo tale: “Nege uñale chage cha be age mine, cha be u soli skiendba cha be u na kweri dodade u soli tanege, ene bligda ulita kaire cha llea ulita cha be oge u kweri e gbaitre alinge.