Lucas 10:9 - Buglere

⁹ Una bai kairege ba joge chke ngwadi ba kwian oga dodadale, kaire ba gerudale kwian ulita una ege ole: “Chube be age kwian ulita alin chuia kle kodi, ba mo ta blitadale Chube ole ama gai mo Chugagwallale.”

Lucas 10:9 Referans Kwoze

Mateo 3:2

Juan-Bautista gerudu kwian e ulita ole: “Ba mo ta blitadale Chube ole, ba age me no chuge ngwadi me chage age me no dare, ba Chube gerua gadale ulia. Chube be che Chugagwalla gbe age kwian ulita alin chuia kle kodige, ba mo ta gbadale biale ama gai ngwange no.” Juan-Bautista gerudu ene Jesu giti kwian ole.

Juan 3:5

Jesu jaindunga: —Cha gerule ulia ulia ba ole, kwian ulita menga nge jondege soli chebia kote, menga ene alin allabi giti kwian me Chubenu me ñage toi Chube ole, agwa kwian ulita mo ta chugadale ngwadi Chube Oñage mo ta blite, ene ama Chubenu, be toi Chube ole, e salengwli kwian menga nabitaite kare.

Lucas 10:11

“Dbi mnuña ba unallage kwedu cha serage, cha dbi mnuña e skiennga trate cha serage ba ulita dollale ba me cha gau ngwange no gdale, ene be suge bage ba chege jiske tanre Chube gwa giti me cha gai ngwange no gdale Chube gerua giti. Cha takalin chke uñale bage Chube be age kwian ulita alin chuia kle kodi.” Ba gerudale ene ulita kwian una emu ole gire ba mo linge siere una ege.

Hechos 28:31

Diali kwian ngle mo litu geru nate Pablodi, Pablo gerudu no no kwian ulita ole Jesucristo gerua gai ulia giti, Jesucristo giti alin allabi kwian chege Chubenu, Pablo kwian ta gbu Jesucristo gai ulia, kaire Pablo kwian tku tangle geru ulita Chugagwalla Jesucristo gitige ene chke uñale kwiange ama mo ta gbadale toi no trate Chube takalin kare. Pablo me kwachiu gerule ene Jesucristo giti kwian ulita ole, ni kwian gdaite Pablo chugudi age geru Jesucristo giti dollale, kwian ulita Pablo gau dage Jesu gerua trage giti kwian ole.

Lucas 9:2

Jesu mo kiralla ketu ene kwian geru jwanngage gire Jesu ama ulita kagu Chube gerua Jesu giti trage kwian ole, kaire Jesu kwian geru jwannga kagu kwian tanre oga dodade.

Hechos 28:28

Gire Pablo gerudu dare: —Ba me geru Jesu giti keruchugakalin, ba me geru Jesu giti gakalin, ba me takalin geru Jesu gitige, malen chkedale uñale ba ulitage nege gwangerugu Chube be geru Jesu giti dbange kwian me israelitage, kwian me israelita be geru e gai ulia, gire Chube be ama ta gbe siere age me no gitige.

Juan 3:3

Jesu gerudu Nicodemo ole: —Cha gerule ulia ulia ba ole, kwian me menga nabitaite me ñage joge Chube ngwadi, kwian ene me Chubenu.

Marcos 6:13

Kwian geru jwannga Jesuge chagedu una kaire kairege gerule ene kwian ulita ole. Kaire kwian geru jwannga dolla kagu siere kwian tanre jwligebanga dolla kotege, kaire ama kwian tanre oga dodadu, ama lle kinre gbu kwian oga chuga giti gire kwian oga jo chkeni noni.

Marcos 4:30

Jesu geru ñachugu kwian ole mostaza chudea giti: —Cha geru na ñachuge ba ulita alin, geru ai giti sugedale bage nege kwian bedreare kle mo ta gbe ulia Chube gerua gai jumale cha kle gerule giti, agwa bdagli kwian ngle be Chube gerua gai ulia be Chube gai mo Chugagwallale, e salengwli kle boi mostaza chudea ole kare. Mostaza chudea ma soli jalin chude na ulitage skiadale dbige.

Mateo 4:17

Jesu jo toi una Capernaumge, chui ege gwangerudba Jesu chagedu gerule kwian ulita ole: “Ba mo ta blitadale Chube ole, ba age me no chuge ngwadi me chage age me no dare. Chube cha kagu ba jwen siere ji chugege ba agedu me no gdale, cha kle aini ba ulitaske, ba mo ta gbadale cha gerua gai ulia.” Jesu chagedu geru e kete ene kwian ulitage.

Lucas 10:10

Una baini kaire ba joge chke ngwadige kwian me ba gai ngwange no, ba me tallade, ba jogedale siere una ege, ba gerudale kwian ulita una ege ole: