Lucas 10:28 - Buglere

²⁸ Jesu gerudu: —Ba jaindunga geru uliage. Ba age ene ba ñage toi diali chui tangle Chube ole nga ngaña giti.

Lucas 10:28 Referans Kwoze

Mateo 19:17

Jesu jaindunga onbre e kalen: —¿Mineade ba kle geru kade chage lle no boi giti? Kwian ulita nga dba ai giti ni gdaite agenga no agwa gdaitre alin agenga no kle, e Chube. Cha gerule ba ole, ba ta toikalin no diali chui tangle Chube ole, ba mo ta gbale Chube gerua unsuialin Chube ketu Moisége gbe gdadi geru e gai dage.

Gálatas 3:12

Moisés chadalla me gerule kwian mo ta gbale Chube gai mine mo tale, Moisés chadalla gerule alin: “Bai kaire age ulita chada Moisénu gerule kare kwian ene chege no trate Chube gwage, kwian ene be toi Chube ole.”

Romanos 3:19

Chube gerua degaba unsuialin gerule ene kwian ulita giti, geru e jo degaba che kwian israelita ulita alin, geru e giti chke uñale che kwian israelitage kwian israelita me israelita ulita agenga me no, ulita jiske Chube gwage, ene ni kwian gdaite ñage gerule: “Cha me agenga me no, cha me jiske Chube gwage.” Ulia kwian ulita agenga me no, kwian ulita jiske Chube gwage.

Lucas 7:43

Simón jaindunga: —Cha tañachuge kwian jiske ma ngle ama be ta dbe ma no igi mauña ole, ama jiske ma ngle igi giti igi mauñage agwa igi mauña ama jiske ngle talla mliunga mo ta gbu no ama ole, ene ama chegu ama me jiske kare, e giti kwian e ta dbe ma no igi mauña ole igi mauña agedu giti ama alin. Jesu gerudu: —Ba gerudu e ulia.

Marcos 12:34

Kwian daba tkanga tangle Moisés chadalla giti gerudu ene Jesu gerudu giti ama ole, gire Jesuge sugedu kwian e kledu jainnga ta no ulia ole Jesu kalen, Jesu gerudu ama ole: —Ulia ba kle tañachuge no trate, me sbali gire ba be Chube gai ulia mo Chugagwallale. Ne suiagebi ni kwian gdaite jaindu geru kade dare Jesuge ama kledu age kare diali Jesu gbagda jiske Moisés chadalla giti, sugedu kwian ulitage Jesu ta ole kwian me ñage kirachke Jesudi Jesu gbe jiske geru giti.

Romanos 7:10

Chube geru e ketu Moisége degadale kwian ulita alin, ene chke uñale kwiange kwian chagedale mine Chube takalin kare, geru kle degaba ene agwa cha me ñadu age no trate ulita geru e gerule kare, malen cha chegu jiske sugekare Chubege cha kledu age me no gdale.