Ama me geru degaba kwian israelita alin molen agwa agalige suge mo tale ama agedale no Chube takalin kare. Ama age no, age me no, agalige suge mo tale bai no bai me no. Chui bdaglige Chube be Jesucristo gbe gerule kwian ulita giti bai jiske bai me jiske Chube gwage, chui ege kwian me israelita agali be ta suge ama agedu ulita giti, chui ege Jesucristo giti be chke nate uñale kwian agedu me no ulita skwlenre giti, kwian ene be chege jiske Chube gwage. Chube be age ulita Jesucristo giti cha kle geru Jesucristo giti trage kare kwian ole.
Juan 8:9 - Buglere9 Kwian muinga dbanga Jesu ngwadi Jesu keruchugu gerule ene ama ulita ole gire ama ulita mo gbu joge gdaite gdaite siere, sugedu ama ulitage me ñage age Jesu gerudu kare, juma ulita mo gbu joge ma ngeru bdale ulitage. Muinga dbanga ulita jo siere muingage, muinga alin chegu gballa Jesu ole. Gade chapit la |
Juan 8:9
22 Referans Kwoze
Che tañachuge mo tale che jiske lle gweale giti Chube gwage, che suge moge ene agwa kaire agwe sugedale chege Chube kiraske ama diali che age me no talla mlienga che chudaboi kade amage gire, amage suge che ta mine ama ole, ama alinge allabi uñale che jiske che me jiske ama gwa giti, ama ñage che ta gbe suge moge me jiske ama gwa giti.
Ba kle gerule me no ko chuge muinga dabanudi, ¿mineade ba agali kle age ene? Kwian me israelita lle oña dodaba mo kodi gai mo chubeale, ba me no lle oña e ole, bage suge e me Chube ulia. Ba kle gerule ba Chube ulia uñe, agwa ba me kle age Chube takalin kare, ene ba kle age salengwli kwian me israelita kle age kare, mo tale ba agali me kle Chube ulia gai mo Chubeale.
Jesu gerudu dare kwian ngle kle mo litaba Jesudi ole: —Cha jichra kare kwian ulita alin, kwian me Chube uñe chage nga jereske kare chage age me no Chube dollale, cha kwian ta gbe suge salengwli jichra kle kwian gbe ten nga jereske kare. Kwian bai kaire cha gai ulia mo ta gbe chage cha takalin kare, cha kwian ene ta gbe, ene suge amage Chube mine, kwian ene mi mo ta gbe chage age me no dare Chube dollale.
Piblisite