Juan 7:28 - Buglere

²⁸ Jesu kle kwian tke tangle u gerungwa Chube olege, gire Jesu kwian keruchugu gerule ama Jesu uñe gire Jesu gerudu kweri kwian ulita ole: —Ba kle gerule chadi ba cha uñe, kaire ba kle gerule chadi uñale bage cha chiu baini. Cha gerule ba ulita ole, cha me chiu mo talla giti agali, cha kaganga cha kagu, ama ulia, ba ulita ñage ama gai ulia. Agwa ba ulita me cha kaganga uñe,

Juan 7:28 Referans Kwoze

Juan 8:42

Jesu gerudu: —Ulia Chube ba ulita ñenua ba kle gerule kare, ene ba ulita mo ta dbadale no cha ole cha gai dage, agwa ba ulita me kle mo ta dbe no ene cha ole. Cha chiu ulia Chube ngwadi, cha kle aini ba ulitaske, cha me chiu mo ta giti agali, agwa Chube cha kagu nga dba ai giti.

Juan 8:19

Jesu gerudu ene kwian fariseo ole gire kwian fariseo gerudu Jesuge: —Ba kle gerule ba Ñenua giti, ¿ama kle baini? Jesu jaindunga: —Ba ulitage me suge cha giti cha chema ulia, ene kaire me suge ba ulitage cha Ñenua giti chema cha Ñenua. Agwa suge ba ulitage tale suge cha chema, ene kaire uñale ba ulitage chema cha Ñenua, ba ulita me cha gai ulia ni bage be suge chema ulia cha Ñenua.

Juan 8:26

Chage uñale ba ulita kwian mine, cha agali ñage gerule tanre dare ba giti, cha ñage ba gbe jiske age tanre me no gdale, agwa cha me age ene cha talla alin giti, cha kaganga gerule ulia trate diali, cha kaire, cha ama keruchuge gerule, gire cha geru amanu kete ba ulitage, ene ba ulita ñage ama gerua gai ulia cha giti ene ba me chege jiske talla me no kle ba tale giti cha kaganga gwa giti.

Juan 8:14

Jesu gerudu kwian fariseo e ulita ole: —Cha kle gerule mau giti cha me kle gerule ngwale, ulita uñale chage cha mine, kaire uñale chage cha chema, kwian na me gerudale cha giti, uñale chage cha chiu baini kaire cha be jogeni baini, agwa ba ulitage me uñale cha chema cha chiu baini cha jogeni baini.

Juan 17:3

Kwian ba gadale Chube gdaitre alin ulia, kaire kwian cha gadale ulia ba Kirolla Jesucristo, ba cha kagu nga dba ai giti, kwian cha uñe ene kaire kwian ba uñe, e giti kwian toi diali chui tangle.

Juan 12:49

Cha me kle gerule mo ta giti gballa agali, cha Ñenua cha kagu nga dba ai giti, ama cha ta gbu gerule ama takalin kare, ama talla giti cha kle kwian tke tangle ulita ama geruage.

Juan 5:43

Cha chiu cha Ñenua kalla giti nga dba ai giti ba ulita alin, ba ulita me cha gai ngwange no, ba age cha ole cha kwian ngwale kare. Agwa kwian gweale mau tale mo gbe gerule agali ba ulita ole Chube giti gire ba ulita mo ta gbe no ama ole ba ama gai ngwange no.

Mateo 11:27

Jesu gerudu ene Chube ole gire gerudu kwian kledu ne ngwadi ama keruchuge ole: —Cha Ñenua mo kiralla mo talla ulita ketu chage. Cha Chube Kirolla, ulia ni kwian gdaite cha ta uñe trate, cha Ñenua alin allabi cha ta uñe trate. Kaire agwe ni kwian gdaite cha Ñenua ta uñe trate, cha alin allabi cha Ñenua ta uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua ta uñe trate.

1 Juan 5:10

Che ulita bai kaire kle Jesucristo gerua gai ulia chege suge trate mo tale Jesucristo ulia Chube Kirolla. Agwa kwian bai kaire me kle Chube gerua Jesucristo giti gai ulia, kwian ene kle Chube gbakalin chege sole kare, kwian e me kle geru no Chube Kirolla giti gai ulia, ama kle Chube gerua Jesucristo giti gai geru ngwale kare.

Hebreos 6:18

Ulia ulia ni bitaite Chube ñage gerule ngwale sole. Chube kle gerule Chube be age gweale kwian alin gire Chube kle age ulita Chube kle gerule kare, Chube kle gerule mo kiralla giti geru gbe egdage kwian ole gire ama me kle geru blite dale ama kle age ulita ama kle geru gbe egdage kare. Geru ai giti che bai Chube gaba mo manangale ñage mo ta gbe nga suga no ole, geru no Chube nu gbaba che alin giti, suge trate chege Chube be age ulita che alin ama gerule kare, ulia Chube me sole ni sidri.

Tito 1:2

kaire kwiange chke uñale chui be chke gire kwian Chubenu ulita be toi diali chui tangle Chube ngwadi Chube ole, kwian Chubenu ulita kle chui e manade. Ngeru ngeru Chube bebi nga dba ai ulita dodade Chube bebi kwian dodade gire Chube gerudu: “Kwian ulita bai cha gai ulia be toi diali chui tangle cha ole.” Chube gerudu ene, Chube me sodu, Chube gerule ulia diali.

2 Corintios 4:6

Unsuialin nga ulita kledu nga jereske gire Chube nga gwangea dodadu, Chube nga chra gbu gire nga jere chegu sugekare nga chrage, nga chra chegu sugekare nga jerege. Chube e amaña Jesucristo kagu nga dba ai giti chage kwianske kwian ta gbe Chube uñe, kwian me Chube uñe kle chage nga jereske kare, Jesucristo kwian ta gbe suge salengwli jichra kwian gbe ten nga jereske kare, Jesucristo giti che Chube uñe, Jesucristo giti suge trate chege Chube noare kweri.

2 Corintios 1:18

Uñale trate Chubege cha ta mine giti cha gerule ba ole, uñale Chubege cha kle mo ta gbe gerule ulia ba ole diali, cha me kle gerule ta boke ole sole ba ole.

Romanos 3:4

Me dale, Chube be chege diali ama gerule kare. Kwian ulita ñage sole agwa Chube gerule ulia diali. Chube gerua degaba unsuialin gerule Chube me sole giti, chada e gerule: “Chube diali chege trate, ama age ulita ama gerule kare, ama me sole. Kwian gweale gerule: ‘Chube me gerule ulia’, kwian gerule ene kwian kle gerule ngwale, kwian me ñage Chube gbe jiske, Chube no trate, Chube gerule ulia diali.” Chube gerua degaba gerule ene Chube giti.

Romanos 1:28

Kwian agenga me noge uñale Chube kle, agwa kwian ene me tañachuge Chube giti me Chube gai dage me mo ta blite Chube ole. Chube kwian ene chuge ngwadi chege tañachuge me no me no diali, ene kwian chege age me no tanre ama kle tañachuge kare.

Hechos 17:23

Cha chagedu una Atenas ulitage, cha gwagedu tanre una ai ulitage lle oña ngle dodaba mo kodi ba kle gai chubere ba ulita kle mo lite ngwadi. Nga gdaitege ba nu nga dodaba lle oña gdaite gbangwa, lle oña e ba kle gai chubere agwa ama kalla me chke uñale nate, malen lle oña e giti ba nu chada degaba gerule: “Chube na kle, che me ama uñe.” Ba me Chube uñe agwa ba diali kle mo lite gerule lle oña dodaba mo kodi ole, agwa lle oña e me Chube ulia. Suge bage Chube na kle agwa Chube e kalla me uñale bage, Chube e giti cha kle gerule kwian ole cha kle kwian tke tangle ama giti.

Juan 17:25

Cha Ñenua, ba no trate, cha gerule ba ole, kwian me banu me ba uñe, me uñale ama ulitage ba mine, agwa cha ba uñe, kaire kwian ai ba ta gbu chage cha ole, amage uñale ba cha kagu,

Juan 16:3

Kwian be age ene cha kle gerule kare, kwian ene me cha uñe, kaire kwian ni cha Ñenua uñe, malen ama mo ta gbe age me no ba dollale cha gerua giti.

Juan 14:31

agwa cha be ama chuge ngwadi age cha ole, ene kwian ulita me chanuge be chke uñale ulia cha no cha Ñenua ole cha kle age cha Ñenua takalin kare. ¡Chkede gdate ulita, che jogedale siere aini!

Juan 14:10

¿Ba me cha gai ulia cha kle cha Ñenua ole cha Ñenua kle cha ole, cha gdabonate gdaitre alin? Ulita cha kle gerule ba ole cha me kle gerule gballa mo tale, cha Ñenua kle cha ole diali, ama kle cha ta gbe gerule kle cha ta gbe age ulita ama takalin kare.

Juan 10:36

Chube gerudu ene ba enusulian unsuialin giti ama ulita chube kare, gire geru e giti ba me mo ta dbe skochie, ba kle geru e gai ulia. ¿Mineade nege cha gerule ba ole cha Chube Kirolla gire ba ta skochie? ¿Mineade suge bage cha kle gerule Chube dollale? Cha Ñenua Chube cha gau cha kagu nga dba ai giti, ba me ñage gerule cha ole cha kle age me no Chube dollale.

Juan 8:16

Cha ñage gerule ulia trate kwian ulita giti, cha kwian gbe jiske cha me kwian gbe jiske gballa mo talla alin giti, cha Ñenua cha kagu nga dba ai giti, ama talla giti ule cha gerule kwian bai jiske bai me jiske, kwian ta ulita uñale chage cha Ñenuage.

Juan 5:32

Agwa cha me kle gerule gballa mau giti cha Chube Kirolla, cha Ñenua Chube gerule kaire cha giti cha ulia ama Kirolla, uñale chage ama gerule ulia cha giti, suge ulia cha kle gerule kare.

Juan 3:33

Kwian bai kaire mo ta gbe Cristo kerua gai ulia ama gerule kare, kwian ene kle Chube gai ulia kaire.

Juan 3:2

Chui gbaite ngajrege Nicodemo e jo tienda Jesudi gerule Jesu ole, Nicodemo gerudu: Nicodemo geru trage Jesu ole —Kwian tkanga tangle geruge, chage uñale kaire kwian na tanrege uñale Chube ba kagu cha ulita tke tangle Chube giti. Diali ba kle lle daga ngwale no dodade kwian gwa giti, e giti suge trate chage ba kle age Chube kiralla giti, Chube me kle ba ole ba me ñage age ene ba kle age kare.

Juan 1:46

Natanael gerudu: —¿Ba tañachuge una Nazaremuge kwian gweale no chada kle degaba giti kare ñage chie? Felipe me ta chugu gerule Natanael ole, Felipe gerudu: —Bai gwage cha kle kwian geruadedi, ene suge bage chema cha kle geruade.

Lucas 10:22

Jesu gerudu ene Chube ole gire gerudu dare kwian setenta y dos ole: —Chube cha Ñenua ama mo kiralla mo talla ulita ketu chage. Cha Chube Kirolla, ulia ni kwian gdaite cha talla uñe trate, cha Ñenua alin allabi cha talla uñe trate. Kaire agwe ni kwian gdaite cha Ñenua talla uñe trate, cha alin allabi cha Ñenua talla uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua talla uñe trate.

Lucas 2:51

Jesu joni gudegu ule José ole María ole, jo chkeni una Nazarege, una ege Jesu toidu José ole María ole Jesu José gau dage María gau dage diali. Jesu boidu ulita una Jerusalénge María geru e manadu mo tale, María me ta jonga geru ege mo tale.

Lucas 2:39

José, María agedu ulita Moisés nu Chube gerua degaba gerule kare, gire José, María joni kirogwa dbe nga Galileage, jo chkeni mo ullage una Nazarege.

Lucas 2:11

Cha geru kete ba ulitage, nege ba enusulian oña David unallaske kirogwa no no chku chebia kote, kirogwa e kwian ulita jwannga siere ji chugege kwian agedu me no gdale. Sbali Chube gerudu be ama kage, nege ama chku kwian ulita alin kaire agwe ba ulita alin, ama kada Cristo, ama che Chugagwalla.

Lucas 2:4

E suiale kwian kadakle José kledu toi una kadakle Nazarege nga Galileage gire Augusto gerua jo chke Josége. José jo kaire mo enusulian jwiage una kadakle Belénge nga Judeage, una Belén José enusulian oña kadakle David jwia.

Mateo 2:23

José jo toi una soli ka jwankle Nazarege nga Galileage. Ai ulita boidu ene kwian Chube gerua ketanga chada degu unsuialin kare Jesu giti, chada e gerule: “Cristo una Nazaremu.”

Juan 7:14

Chui ollade semanalla bonga gire Jesu jo chke una Jerusalénge kwian ulita kle mo litaba chui ollade ngwadi, Jesu jo u gerungwa Chube olege kwian ngle gwa giti gire Jesu kwian ulita tku tangle Chube geruage.

Mateo 26:55

Jesu gerudu ene kwian geru jwannga ole gire Jesu geru kadu kwian Jesu dolla ulitage: —¿Mineade ba ulita kle chage sbadi ole glita ole cha gai nate kwian jiskenga kare? Ba kle age cha ole salengwli ba age kwian agenga me no me no ole kare. Chui ulitage diali cha kledu ba ulita gwa giti kwian tke tangle u gerungwa Chube olege agwa ni bitaite ba cha gau dbale skadi cha kledu gerule giti.

Juan 6:42

gire ama ulita gerudu jalin jalin modi Jesu giti: —¿E me José kirolla kada Jesu? Che ulita ama ñenua uñe, ama chebia kaire. Ama medunga chebia kote nga dba ai giti, ama me ña gerule che ole ama chiu nga ngaña giti.

Juan 9:29

Uñale cha ulitage Chube gerudu Moisés ole, malen cha Moisés chadalla degaba gai dage, cha age ama chadalla alin gerule kare. Agwa onbre e ba gwagwa dodadu me uñale cha ulitage ama chiu baini ama chema.