Juan 19:7 - Buglere

⁷ Kwian israelita ulita gerudu Pilatoge: —Cha kwian israelita ulita alin geru kle gbaba, geru e gerule kwian gweale mo gbe Chubere ama gwadaleda, onbre e kle gerule mau giti ama Chube Kirolla, malen cha ulitage suge ama jogedaleda ama kle mo gbe Chube Kirollale gdale.

Juan 19:7 Referans Kwoze

Juan 5:18

Jesu gerudu ene giti gdale kwian israelita ulita mo ta gbu ma kiraske chage Jesu nate gwaleda, kwian israelita gwage Jesu me kle chada kle degaba undege chuia giti gbe gdadi, kaire Jesu kle mo gbe salengwli Chube kare Jesu kle gerule ama Ñenuanu Chube, e kwian israelita alin Jesu kle gerule me no me no.

Romanos 1:4

agwa kaire ama Chube, ama no trate ulita. Kwian gwagedu amadi jogeda, kaire kwian gwagedu amañadi chkeni gwadeni, e giti sugedu trate kwiange ulia ama Chube Kirolla ama kira molen tanre.

Marcos 15:39

Guardia donga chugagwalla kweri gdaite kledu Jesu gwangnagu, ama gwagedu ulita boidudi kaire ama Jesu keruchugu ngaute kweri kiraske gire Jesu jokeda, guardia donga chugagwalla gwagedu e ulitadi gire ama gerudu Jesu giti: —¡Ulia ulia kwian onbre ai Chube Kirolla!

Juan 19:8

Pilato kwian keruchugu gerule “Chube Kirolla” gire Pilato ta kendunga tanre.

Hechos 18:13

Kwian ulita Pablo dbanga gerudu chugagwalla Galión ole: —Onbre ai kle chage kwian ulita ta gbe chage Chube nate Chube gai dage ama me gerule salengwli Moisés chadalla degaba cha kwian israelita ulita alin kle gerule kare.