Juan 19:4 - Buglere

⁴ Kle boi ene ulita gwa Jesu ole Pilato jo goga kwaite gerule kwian israelita ulita ole Jesu giti, Pilato gerudu kwian nglea ulita ole: —Cha be ama gbe aini goga ba ulita gwa giti, ene cha takalin suge bage, chage ama me skwen jiske dale.

Juan 19:4 Referans Kwoze

Juan 19:6

Kwian gerunga Chube ole daba alin chugagwalla ulita kaire guardia u gerungwa Chube ole mananga ulita, kwian e ulita gwagedu Jesudi gire ama ulita ngautu kweri Jesu dollale: —¡Ama gwangeda kruge! Pilato gerudu kwian ulita ole: —Ba ta ama gwakalinda joga ama dbe, ba ulita agali ama gweda kruge ba takalin kare, agwa chage ama me skwen jiske dale.

Juan 18:38

Jesu gerudu ene gire Pilato geru kadu Jesuge: —¿Llema geru ulia? Pilato geru kadu ene Jesuge gire blike ama jo nabitaite goga kwian israelita chugagwalla ulita ule kwian israelita tanre ole kledu manade ngwadi, Pilato gerudu kwian e ulita ole: —Cha geru tragu tanre onbre ai ole, suge chage trate ama me jiske dale.

Lucas 23:4

Jesu gerudu ene gire Pilato gerudu kwian gerunga Chube ole daba alin chugagwalla ulita ole kaire kwian ngle kledu eni ole: —Cha geru tragu tanre onbre ai ole, suge chage trate ama me jiske dale.

Lucas 23:47

Guardia donga chugagwalla gdaite kledu eni ama gwagedu Jesu boidu ene ulitadi, gire guardia chugagwalla e gerudu: —Chube noare kweri, ulia Chube onbre ai kagu nga dba ai giti, ama trate, ama me agenga me no, ama me jiske dale.

1 Juan 3:5

Agwa bage ulita uñale Jesucristo ni agenga me no sidri, ama no trate agenga no diali, ama chku nga dba ai giti che agenga me no ta blite ama ole talla me no jwennga siere chege, ama giti che tien gitiru ji chugege age me no gdale. Jesucristo no trate ulita,

1 Pedro 3:18

Cristo kaire ji chugu age no giti, Cristo jokeda che ulita agedu me no alin, ama che ulita agedu me no jia junnga bitaitre alin ulita, ene che ulita chege no Chube gwage ama gai ulia giti, ama gai ulia giti che ta chege no Chube ole. Cristo me jiske, ama me agedu me no ni sidri agwa ama jokeda kwian ulita agenga me no giti. Cristo jegwale alin ji chugu tanre daga ngwale kaire ama jokeda, agwa ama oña chegu gwade,

1 Pedro 2:22

Cristo me agedu me no sidri, ni ama gerudu me no sidri kwian ole, ni ama sodu sidri kwian ole.

2 Corintios 5:21

Cristo chagedu nga dba ai giti kwianske Cristo agedu no trate ulita ni agedu me no sidri, agwa Chube ama gbu che agedu me no ulita jia chuge, ene che Cristo gai ulia giti che me chege jiske Chube gwage agwa che chege no trate Chube gwage Cristo giti.

Lucas 23:41

che ji chugadale gballa gdabonate, che jiske ulia, che agedu me no malen che kle aini ji chuge che agedu me no giti, agwa ama me su age me no, ama me jiske dale.

Mateo 27:54

Guardia donga chugagwalla gdaite kledu ne ngwadi ule guardia donga na ngle ole Jesu gdachuge giti, ama ulita gwagedu dbi jwliendudi kaire lle na tanre kledu boi Jesu giti, kwian e ulita kendunga tanre kaire ama gerudu Jesu giti: —¡Ulia ulia kwian onbre ai Chube Kirolla!

Mateo 27:24

Pilato gwagedu kwian ngle ulita kledu skochie ma ngle Pilatodi Jesu giti, ta skochie ene ole kwian ngle ulita ñage mo ta gbe dole tirare, malen sugedu Pilatoge ngwale ama gerule dare kwian ngle ole Jesu giti, kwian mi ta jwlite dale Jesu giti. Gire Pilato chi kadu mo ko gligagda kwian ulita gwa giti, Pilato tañachugu age ene Pilato ñage chege trate Chube gwa giti me chege jiske Jesu giti, Pilato mo ko gligu kwian ngle ulita gwa giti, ama gerudu: —Cha me jiske dale onbre ai giti, bage uñale ba be age mine kaire ama ole, ba be ama gweda, ama jia be chege ba ulita alin me cha alin.

Mateo 27:19

Pilato kledu manade toi dba kle lle boi ngwadige gire Pilato muira geru kagu Pilato alin Pilato ta gbagda: “Ba me age me no sidri onbre e ole, ama kwian no ama me jiske. Ngajrege cha gbi chugu tirare ama giti, e giti cha chegu tañachuge tanre chui ulita nege, ma no ba me age ama ole.” Pilato muira geru kagu ene Pilato alin agwa Pilato me geru e talladu.

Mateo 27:4

Judas-Iscariote gerudu kwian e ulita ole: —Cha agedu me no Jesu ole, cha Jesu ketu ba ulitage gwaleda agwa cha gerule ba ole ama me jiske, ama agedu no diali kwian ulita alin, malen cha chiuni igi keteni naskuni bage. Gire kwian chugagwalla ulita jaindunga: —Ba me chie gerule cha ole e giti, cha ulita me kle tañachuge ba agedu giti, e ba agedu me cha agedu.

Hebreos 7:26

Ulia Jesucristo ma no kwian gerunga Chube ole daba alin na ulitage, Jesucristo che chudaboanga lle ulita giti diali. Chube gwa giti Jesucristo no trate diali, ama me agenga me no, ama me jiske Chube gwa giti ni sidri. Chube ama jun siere sugekare kwian agenga me noge nga dba ai giti, Chube ama gbuni kweri kwian Chugagwallale ule Chube ole nga ngaña giti.

Juan 18:33

Pilato joni gwa, Pilato Jesu dbangu ama ulita gwa giti Pilato geru kadu Jesuge: —¿Ba kwian israelita ulita chugagwalla kweri?