Juan 19:20 - Buglere

²⁰ Chada kle degaba gbaba kruge ngaña Jesu chuga giti, kwian israelita ngle chada e batunga, chada e kle degaba kwian israelita kwirale, kwian nga Romamu kwirale, kaire kwian griego kwirale. Jesu jo gbaba kruge ngwadi, nga e chege ngmadi una Jerusalénge, malen kwian ngle joge llani ñadu chada e batenga mo kwirale.

Juan 19:20 Referans Kwoze

Apocalipsis 16:16

Dolla oña bodrega kare gdamai kwian chugagwalla nga ulitamu litu ole ulita kwaitre alin nga kadakle kwian israelita kwirale Armagedón. Nga ege kwian chugagwalla ulita litre ole gire lle boanga Chube alin na gdaguke bdaglidale jo ji tirare Chubenu dbe gbale kwian giti, ji tirare e kledu jogda tadi, lle boanga ji e otoda ngaña mleudage, gire u gerungwa Chube ole nga ngaña gitige gerudre kweri kiraske, Chube kle toiba dba ama toigdalla kweri giti amaña gerudu ene: “Cha Chube cha ji ai gdaguke ulita gbu oteda kwian ulita gbe ji chuge.”

Hechos 26:14

Cha ulita jo chke dba jichra chra kote gire cha geru keruchugu gerule cha ole mo kwira hebreole: “Saulo, Saulo, ¿mineade ba kle age cha dollale cha gbe boi tanre daga ngwale? Ba kle age me no cha dollale ba kle age kaire mo dollale naskuni bda kai dage dbe ska giti kare.”

Hechos 22:2

Kwian ulita Pablo keruchugu gerule kwian israelita kwirale gire kwian ulita Pablo keruchugu ma no kamne, Pablo gerudu dare:

Hechos 21:40

Guardia donga chugagwalla gerudu: —Ba ñage gerule kwian kle ba jrite nate ole. Pablo chku gdate ugakage Pablo ko ñachugu kwian ulitage chegedale kamne. Kwian ulita chegu kamne gire Pablo gerudu mo kwirale kwian israelita kle gerule kare.

Hechos 21:37

Donga be Pablo tke gwa donga kle toi ngwadi gire Pablo geru kadu guardia donga chugagwallage: —¿Cha ñage gerule sidri ba ole? Sugedu guardia donga chugagwallage Pablo kle gerule ama ole kwian griego kwirale gire guardia donga chugagwalla jaindunga: —¿Ba kle ñage gerule kwian griego kwirale?

Juan 19:13

Pilato kwian ulita keruchugu gerule ene Jesu giti gire Pilato Jesu jwanngu siere gwa dbadale goga kwian ulita gwa giti, Pilato jo goga nga ama gerule kwian giti kwian jiske o me jiske ngwadige, nga e keuda dodaba bate ngaña, keuda e kada Gabata kwian israelita kwirale. Ne ngwadi Pilato toidu dba geru bdagli ketadale kwian ulitage Jesu giti, ama gerudu kwian israelita ulita ole Jesu giti: —¡Gwagede ba chugagwalla kweri aidi, ama kle aini ba ulita gwa giti! Pilato gerudu ene kwian ole chui bduke chuiete ngeru Pascua chuiage.

Juan 5:2

Gere una Jerusaléndi tangle, gereka gdaite kada Oveja Ugakalla, ugaka ege kodi chi tan kle, kwian israelita kwirale chi tan e kada Betzata, chi tan e kagda giti u soli gbatiga kle.

Apocalipsis 9:11

Beu jainba nga ngaña giti chkeba nga dba giti ama sri ulita chugagwalla, beu e ñadu ugaka nga tirare dbiugage degenga sri ulita alin. Kwian kwira hebreole sri chugagwalla ka jwen Abadón, kwian kwira griegole sri chugagwalla ka jwen Apolión, ka e gerule “lle ulita gbanga me no lle ulita skianngadba”.

Hebreos 13:12

E kare ene kaire Jesucristo jo dbaba nga gballage sugekare una kweri kwian me kledu toi ngwadige, gire eni Jesucristo boidu tanre daga ngwale ama guleda kruge gire ene Jesucristo jokeda giti che agenga me no ulita ama gerua gai ulia che tien gitiru ji chugege age me no gdale, che chege trate Chube gwa giti Jesucristo jokeda giti.

Lucas 23:38

Chada jo degaba Jesu giti, chada e gbere kruge Jesu chuga giti, chada e gerule: “Ai kwian israelita ulita chugagwalla kweri rey.”

Juan 19:42

Eni keuga ege José Nicodemo ole Jesu jaba ogo blike, nga e chege ngmadi Jesu gbere kruge ngwadi, malen José, Nicodemo Jesu jaba ogo eni gire ama joni mo ullage, ngabi, lle boi chuia dare me, chui na be chie undege chuia kwian israelita ulita alin gire ni kwian gdaite ñage lle boi.