Juan 19:1 - Buglere

¹ Kwian ulita gerudu ene Pilato ole gire Pilato joni gwa Jesu kle ngwadi, Pilato Jesu kwabatangu.

Juan 19:1 Referans Kwoze

Lucas 23:16

Cha be ama kwabate alin gire bigwa cha be ama chuge ngwadi gbale.

Lucas 18:33

be cha bate tanre obere giska giti, be age ene ulita dagale cha ole gire bdagli ama be cha gweda. Cha gwabeda agwa chui mongikege cha be chkeni gwadeni.

Lucas 23:23

Pilato gerudu ene gire kwian ulita ngautu dare kweri: —¡Ama gwangeda kruge! ¡Ama gwangeda kruge! Kwian ulita ngautu tanre ene, gire bdagli Pilato agedu kwian ulita tadukalin kare.

Mateo 23:34

Chage uñale ba be age me no kwian Chubenu tanre ole, malen cha be kwian Chube gerua ketanga kage ba alin, cha be kwian ta ole kage ba alin kaire cha be kwian daba tkanga tangle kage Chube gerua trage ba ole. Agwa ba be kwian ene gweale gweda kaire ba be ama gweale gbe kruge gwaleda, ba be ama gweale gbe boi daga ngwale, ba be ama gweale lendege u mo litangwa Chube gerua jwanngwage kwian na gwa giti kaire ba be ama gweale jrite nate una kaire kairege.

1 Pedro 2:24

Cristo agali mo chugu ngwadi jogeda kruge che ulita alin che agedu me no giti, ama ji chugu che giti ene che ulita me chege jiske dare Chube gwage che agedu ulita me no giti. Cristo giti Chube che ta blitu, ene gwangerugu che age me no talla chugadale ngwadi che mo ta gbadale me jogeni naskuni age me no dare, ma no che mo ta gbadale diali toi age no Chube takalin kare. Ngeru ba ulita mo ta du diali age me no, e giti ba chegu jiske sugekare Chubege, agwa Cristo jokeda giti ba Chubenu ba chege trate Chube gwage.

Hebreos 11:36

Kaire kwian gweale boidu tanre daga ngwale ama gbere kidegda Chube gerua gai ulia giti kaire kwian na gweale batre obere giska giti kaire kwian na gweale tkere skage lugleda giska mno hierrogda giti.

2 Corintios 11:24

Bitatiga kwian israelita cha kwabatu ji chugale tanre bita kaire kairege kwian israelita cha kwabatu treinta y nueve.