Juan 17:11 - Buglere

¹¹ Cha mi chege dare nga dba ai giti kwianske, cha be jogeni toini ba ole, agwa kwian ai kle chage cha ole ama be chege toi nga dba ai giti. Cha Ñenua, ba no trate, ba kwian ai ta gbu chage cha ole, ba ama ulita manade no ba kiralla giti, ba ama ta gbe diali chage ba geruage, ene ama ulita be tañachuge kwian gdaitre alin kare che boke kle tañachuge kare, che boke gdaitre alin.

Juan 17:11 Referans Kwoze

Mateo 6:9

Ba gerule Chube ole ba gerudale ene: “Cha Ñenua, ba kle nga ngaña giti, ba no trate ulita, cha takalin kwian ulita gerule no ba giti.

Hebreos 9:24

Malen Jesucristo mo ketu gwaleda kwian agedu me no giti, ulia Jesucristo ma no trate ma kiraske lle na ulitage, Jesucristo joni nga ngaña giti agali Chube gwa giti chege gerunga Chube ole kwian alin. Ulia Jesucristo me jo gerule Chube ole u gerungwa Chube olege nga dba ai giti dodaba kwian kiralla giti kwian gerunga Chube ole daba alin na ulita agedu kare. Agwa Jesucristo agali joni nga ngaña giti Chube kle ngwadi, nege ama kle diali nga ngaña giti gerule Chube ole kwian ulita ama gerua ganga ulia ka chudaboanga gerule kwian alin Chube ole.

Efesios 4:4

Che ulita Cristo gerua gaba ulia che chege salengwli Cristo jegwalenu kare, che ulita kwian gdaitre alin kare Cristo giti che ulita ta chege salengwli, Chube Oña gdaitre alin kle che ulita Cristo gerua gaba ulia tale, che mo ta gbadale suge moge ulia Chube be age no che alin che be toi ama ole nga ngaña giti chui bdaglige.

Filipenses 2:9

Jesucristo agedu ene, malen ama Ñenua Chube ama gbuni kweri nga ngaña giti ma kweri lle ulitage nga ulitage kwian ulitage.

Juan 17:25

Cha Ñenua, ba no trate, cha gerule ba ole, kwian me banu me ba uñe, me uñale ama ulitage ba mine, agwa cha ba uñe, kaire kwian ai ba ta gbu chage cha ole, amage uñale ba cha kagu,

Juan 13:1

Chui ngeru Pascua ollade chuiage, chui ege ngabi Jesu kle blire ule kwian geru jwannga amage gdataboko giti gdaboke ole, kwian geru jwannga e gdaite kada Judas-Iscariote, ama Simón-Iscariote kirolla, che dolla Satanás nu Judas-Iscariote ta gbaba biale Jesu kete kwian Jesu dollalege gwadaleda. Uñadu Jesuge ama Ñenua Chube lle ulita kwian ulita gbu ama kote, ama chiu Chube ngwadi be jogeni naskuni Chube ngwadi. Jesuge uñadu Jesu mi chege dare nga dba ai giti kwianske chuia chku, ama be jogeni nga ngaña giti toi ama Ñenua ole, Jesu chagedu nga dba ai giti kwian amanu ole Jesu diali ta du no no ama ulita ole, Jesu mi kle dare kwian amanu ole nga dba ai giti, agwa Jesu talla be chege no no kwian ene ulita ole diali chui tangle.

Hebreos 1:3

Jesucristo kle lle ulita manade, ama kiraske, ama kle gerule alin allabi gire lle ulita kle chege no. Jesucristo Chube Kirolla amaña Chube, Jesucristo giti che ñage ama Ñenua Chube uñe, che Jesucristo uñe, e salengwli che Chube uñe kare. Jesucristo Chube Kirolla kle Chube noare kiraske kaite nate chege. Jesucristo agedu ulita nga dba ai giti kwian ulita alin kwian jwanle siere ji chugege age me no gdale kwian gbagda trate no Chube gwa giti. Jesucristo agedu ene ulita nga dba ai giti gire ama joni nga ngaña giti ama toidu dba Chube ngena Chube ko taingwli giti kwian ulita Chugagwallale.

Juan 16:33

Cha gerudu ulita ba ole, ba tachkedale e giti ulita, ene cha giti ba be ta dbe suga no diali. Ba ulita chanu be boi daga ngwale nga dba ai giti kwian me chanuske, agwa ba me tallade e giti, ba me ta dbe kennga, ba mo ta gbadale diali cha kirallaske, cha kirachku ulita me no kiralladi.

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Judas 1:1

Cha Judas chada ai dege ba kwian Chubenu ulita alin: Cha Santiago daballa, cha lle boanga Jesucristo alin, cha gbi kage ba ulita alin chada ai giti. Chube che Ñenua no no ba ulita ole, ama ba gau mo alin, kaire Jesucristo kle ba ulita ta manade no ene ba ulita me age me no.

1 Juan 5:19

Uñale trate chege che Chubenu Chube che Chugagwalla che Chube gau ulia giti, agwa kwian me Chube gai ulia Satanás kwian ene ulita chugagwalla kwian ene age me no tanre Satanás takalin kare diali.

Santiago 4:4

Cha gerule ba ole, ba ulita kwian Chube gerua ganga ulia agwa ba kle age me no Chube dollale ba kle chage age nganake Chube tallage, ba ta skatekalin kwian me Chube uñe ole, ba ta chegekalin age diali kwian me Chube uñe kle age kare, ba kle age ene ba kle mo tke dole Chube ole.

Hechos 3:21

Nege Jesu kle nga ngaña giti Chube ngwadi chui e manade, chui e be chke gire Chube be lle ulita gbeni naskuni no trate nge kare ama nga dodadu kare, Chube gerudu chui e giti unsuialin kwian Chube gerua ketanga ole, gire kwian e giti geru Chubenu chku uñale kwian ulitage.

Apocalipsis 4:8

Lle gdabaga e gdaite gdaite kaire kaire ama ulita jiga molen gdadereke kaire ama gwagwa ngle molen jegwale ulita. Ama ulita gdabaganate me kle ka chite ngajrege ngajudige gerule no Chube giti diali: “Chube no no trate ulita, Chube agenga no diali ulita, Chube kwian ulita Chugagwalla kweri kiraske tanre. Chube lle ulita Chugagwalla gwangea ngerutabi, kaire Chube amaña lle ulita Chugagwalla nege tangle kaire Chube amaña be chege lle ulita Chugagwalla chui bdaglige diali chui tangle, Chube no trate diali.” Lle gwade gdabaga diali kledu gerule no ene Chube giti Chube gbe kweri.

1 Pedro 1:5

Ba ulita kle mo ta gbe Chube gai ulia mo tale diali, ba ta ene molen Chube ole ene Chube ba ulita manade no no mo kiralla giti Jesucristo chieni chuia alin, ene chui bdaglige Jesucristo be chieni ba jwen ba dbe toi ule ama ole nga ngaña giti, chui ege ba be tien gitiru lle ulita me no nga dba ai gitige.

Gálatas 3:28

Cristo giti ba kwian israelita kwian me israelita, kaire ba kwian lle boanga mo mauña alin kwian lle boanga mo alin agali, kaire ba kwian onbre kwian muire, ulita salengwli, ba ulita Cristonu ba kwian gdaitre alin kare Jesucristo giti.

1 Corintios 1:10

Cha bitalla ulita Jesucristo giti, cha gerule ba ulita ole Jesucristo kiralla giti cha takalin ba ulita mo ta gbadale ule salengwli, ba me kira batadale modi geru giti, ba nodale daba ole, ba mo ta gbadale toi taingwli modi, ba mo ta gbadale tañachuge salengwli modi, ba mo ta gbadale gerule salengwli modi geru ulia giti.

Romanos 12:5

Ene kaire che ulita Chube gaba ulia, che ngle Cristonu, agwa Cristo giti che ulita mo kaire kaire kle ule kwaitre alin kwian jegwale ulita kle ule gdaitre alin kare.

Romanos 9:17

Chube ñage age kwian ole Chube takalin kare, kwian bai kairege Chube takalin Chube tai dage kwian enege. Kaire kwian mo chuga gbe mno Chubege, Chube takalin Chube kwian ene chuga gbe ma mno me jain age no Chube takalin kare. Boidu ene unsuialin kwian nga Egiptomu chugagwalla kada Faraón ole, Chube gerua degaba unsuialin gerule e giti, chada e gerule: “Chube gerudu Faraón ole: ‘Ba kle age cha dollale, e gdale cha ñage ba gweda agwa cha ba jige kwian Egiptomu chugagwallale, ene ba age cha dollale giti cha age mo kirallaske ba ole, ene ulita boi ba ole giti chkedale uñale kwian nga ulitage ulia cha Chube kira molen tanre.’ ” Chube gerua degaba unsuialin gerule ene.

Juan 16:28

Cha kledu cha Ñenua ole gire cha chiu cha chku nga dba ai giti, nege cha be joge siere nga dba ai gitige, cha be jogeni naskuni cha Ñenua ngwadi.

Juan 7:33

Guardia donga e ulita jo chke Jesudi Jesu gadale gire Jesu gerudu guardia donga ole kaire kwian kle mo litaba ulita ole: —Cha be kle aini ba ulitaske chui gwealege alin gire bigwa cha be jogeni cha kaganga kle ngwadi.

Mateo 10:16

Jesu gerudu dare kwian geru jwannga amage ole: —Cha gerule ba ulita ole, cha kle ba kage cha gerua trage kwian ole, joga ta giti. Cha kle ba kage, kwian ta me no me cha gerua gaba ulia be age ba dollale, ama ta ba gbakalin boi daga ngwale, ba be chage kwian eneske salengwli bda oveja chage gude tirareske kare. Ba chagedale ta giti kwian eneske salengwli jorisi kle mo gbe biale kare, kaire ba chagedale no trate kwian e gwa giti, me mo gbe jiske amage salengwli beusi me mo gbe jiske kwiange kare, ba tachkedale age no diali kwianske.

Mateo 5:48

Ba mo ta dbadale no kwian ulita ole kwian bai no ba ole kaire kwian bai me no ba ole, kwian e ulita ole ba mo ta dbadale no diali. Ba agedale no ulita Chube kle age kare, Chube no kwian ulita ole, kaire ba nodale kwian ulita ole.

Apocalipsis 19:12

Kaire agwe ama gwagwa kledu gwadenga salengwli jita teankle kle gwatige kle gwadenga kare. Kaire ama chugage ama kledu lle no tanre sombrerolla kare dbe, kaire ama kledu chage ka gweale dbe, ka e kledu gbaba ama giti, amage alin allabi sugedu geru e kle degaba mine.

Apocalipsis 15:4

Ba cha Chugagwalla kweri, kwian ulita mo ta dbe kwachie ba ngeru, kwian ulita be tachke ba gai dage, gire kwian be gerule no ba giti ba gai dage, ni kwian gdaite be chege kamne ba ngeru. Cha gerule ulia no ba giti ba alin allabi kweri no trate agenga no diali, kaire kwian nga ulitamuge be mo lite be gerule no trate ba giti.”

Judas 1:24

Chube che ulita amanu jun siere ji chugege che agedu me no gdale che Chugagwalla Jesucristo giti, Chube e amaña ba chudaboi ba kira gbe ba manade, ene ba me joge siere amage age me no ba takalin kare, ene ba kle biale joge toi ule ama ole ama kle ngwadi ta no trate nga suga no ole. Chube no no, Chube kweri, Chube kira molen kweri, Chube kiralla me jwlite, Chube kiralla unsuialin, Chube kiralla amaña nege, kaire Chube kiralla amaña chege gwangerugu chui tangle. Che ulita amanu gerudale no ama giti diali. Ene nobi. Geru ai ene ulita cha Judas chada degu ba kwian Chubenu ulita alin. Che kle meni.

1 Juan 3:12

Che me mo ta gbadale me no daba ole che enusulian unsuialin kada Caín agedu kare, unsuialin Caín mo ta gbu me no ama mo daballa guda, Caín dolla Satanás olia. Cha geru kade bage ene: ¿Uñale bage mineade Caín mo daballa guda? Ulia cha gerule ba ole, Caín gwagedu ama daballadi age no ulita diali Chube gwa giti, sugedu Caínge Caín me no mo daballa kare Chube gwa giti, ama ta me no agenga me no diali agwa ama daballa agedu no diali Chube gwa giti, sugedu Caínge ene malen ama ta skochiu ama mo daballa guda.

Juan 17:6

Ba kwian ai gdataboko giti gdaite ulita gau kwian ulitaske mau alin, kwian ai ulita banu, ba ama ta gbu chage cha ole cha gai ulia, cha giti sugedu amage ba mine, cha gerudu ulita ama ole ba giti, ama ba gerua gbu gdadi ba gerua gau dage cha gerudu kare ama ole.

Juan 17:23

Cha kle ama ulita ole ba kle cha ole kare, cha giti ama ulita tañachuge no ulia kwian gdaitre alin kare, ene ama giti kwian me chanuge suge ulia ba cha kagu aini nga dba ai giti, kaire suge amage ulia ba no kwian chanu ole ba no cha ole kare.