Juan 16:22 - Buglere

²² Ene kaire ba ulita mi kle nga suga no ole be kle ta olire tanre cha nate, cha be chieni gire ba be gwageni chadi cha be kleni ba ole, ba tale be nga suga no tanre molen, nga suga no ba ulita tale cha giti kwian na me ñage e jwennga, nga suga no e be chege ba tale diali.

Juan 16:22 Referans Kwoze

1 Pedro 1:8

Ba me gwagedu Jesucristodi mo gwagwa giti ni ñage gwage amadi nege, agwa ba ulita ta kle ama ole ba kle mo ta dbe no ama ole, geru ama giti chku uñale bage, e giti ba kle mo ta gbe ama gai ulia. Nga suga no no badi Jesucristo giti, nga suga no kweri badi ni uñale bage ba gerule mine nga suga no tanre ole.

Hechos 13:52

Kwian ulita una Antioquíamu bai nu Chube gerua Jesu giti gaba ama ulitadi ta sugedu nga suga no no ole, ama ulita chegu toi Chube Oña kirallaske.

Juan 16:6

ba ulita kle tañachuge tanre alin ta olire ole cha gerudu giti.

2 Tesalonicenses 2:16

Che Ñenua Chube ama noare che ole, diali ama kle age no che alin, Chube che ta gbe, ene uñale chege Chube be che manade chui diali dale alin be age no che alin Jesucristo giti ama gerudu be age kare. Cha takalin Chube che Ñenua ule Jesucristo che Chugagwalla ole ba ulita ta gbe dare nga suga no ole ba kle boi daga ngwale Chube gerua gdale giti. Kaire cha takalin Chube ba kira gbe me kennga gerule no ulita Jesucristo giti kwian na ole age no ulita daba na alin Chube takalin kare.

Hechos 16:25

Pablo, Silas jo tkaba skage chuiage nga jere bduke gire Pablo, Silas kledu gerule Chube ole kaire kledu mo gate Chube giti nga suga no ole, kwian skage na ulita kledu Pablo, Silas keruchuge gerule Chube ole kaire mo gate.

Hechos 2:46

Diali chui ulita ama ulita kledu mo lite ole u gerungwa Chube olege. Kaire mo ullage ama diali kledu bligda girabate modi ulita gute ule nga suga no ole ta trate no mo tale daba na ole tachke diali Jesu jokeda giti.

Hebreos 10:34

Kaire ba taidu dage kwian kledu tkaba skagege, ba ama chudabo. Kaire lle banu junlennga ba ngeru gire ba me talladu ba lle chugu ngwadi jwanlenga ba ngeru. Uñadu bage lle ma no kle nga ngaña giti ba alin Chube gerudu be kete bage kare, lle e chege ba alin diali dale alin. Ba llea junlennga ba ngeru gire ba me ta skochiu ba mo ta gbu nga suga no ole.

Hebreos 6:18

Ulia ulia ni bitaite Chube ñage gerule ngwale sole. Chube kle gerule Chube be age gweale kwian alin gire Chube kle age ulita Chube kle gerule kare, Chube kle gerule mo kiralla giti geru gbe egdage kwian ole gire ama me kle geru blite dale ama kle age ulita ama kle geru gbe egdage kare. Geru ai giti che bai Chube gaba mo manangale ñage mo ta gbe nga suga no ole, geru no Chube nu gbaba che alin giti, suge trate chege Chube be age ulita che alin ama gerule kare, ulia Chube me sole ni sidri.

Hechos 5:41

Kwian Jesu gerua ketanga ulita jo siere chugagwalla ulitage, kwian Jesu gerua ketangadi nga chiu suga no ama ulitadi, ama ulita gerudu modi: —Che alin noare Chube che ulita gbu boidale daga ngwale ene Jesu gerua giti. Chubege uñale che mi Jesu gerua mlienga mo tale, che mo ta gbe suga no diali geru Jesu giti dbe, che ulita mi ka chite gerule Jesu giti.

Juan 21:7

Jesu no no geru jwannga gdaite ole, ngwe ngle giti sugedu geru jwannga gdaite ege e Jesu kle gerule ama ole, ama gerudu Pedro ole: —E che Chugagwalla amaña. Pedro geru jwannga gdaite keruchugu gerule ene “che Chugagwalla”, gire Pedro kledu ñometra mo ngnaru buliske, ama me kledu ñometra jeikeske, ama me manadu dare duge ama mo ta gbu blike joge Jesu kle ngwadi chi kagdage, gire ama mo ngama tku blike skwendu chiske jo blike kedagu Jesu nate.

Juan 14:27

Cha be jogeni cha Ñenua ngwadi gire cha be ba ulita ta jige suga no, cha ba ta gbe suga no me salengwli kwian kle ta dbe suga no sugeti alin lle gweale giti, cha ta suga no kete, e chege diali ba tale. Malen ba me chegedale tañachuge tanre be boi giti, ba me ta dbadale olire, ba me ta dbadale kennga.

Juan 14:1

Jesu gerudu ene Pedro ole gire Jesu gerudu dare kwian geru jwannga gdataboko giti gdaite ole: —Ba ulita me chegedale tañachuge tanre be boi giti, ba me ta dbadale kennga, ba me ta dbadale olire, ba mo ta gbadale Chube gai ma no, kaire ba mo ta gbadale cha gai ma no diali.

Juan 4:14

Agwa cha chi kete kwiange jadale kwian mi siechie dare, chi e chege diali jrite ama tale, chi gwade no trate ngaintra diali, e giti kwian be toi diali chui tangle.

Lucas 24:41

Kwian ulita Jesu keruchugu gerule ene gire kwian ulitadi nga suga noare, ama tadukalin Jesu gerua gai ulia, agwa chegu tañachuge tanre mo tale Jesudige: “¿Ama gerudu ulia o me?” Kwian kledu tañachuge ene gire Jesu geru kadu ama ulitage: —¿Ba bligda molen aini gutadale? Cha ta blikalin.

Lucas 16:25

Abraham gerudu: “Cha gerule ba ole nege, ¿ba me tachke ba kledu toi nga dba giti ba toidu no ulita agwa Lázaro me toidu no? Nege Lázaro kle toi no aini, ba me dale, nege ba kle boi daga ngwale.

Lucas 10:42

Lle gdaitre alin allabi noare ba alin, e Chube gerua. Cha kle gerule Chube giti, María kle cha keruchuge, geru e be chege diali ama tale, kwian na mi ñage geru e jwennga ama ngeru.

Mateo 28:8

Lle boanga Chube alin gerudu ene ulita gire blikare muinga boke jo siere keuga Jesu ogle ngwadige kennga tanre kaire agwe nga suga no ole, ama jo jrite blikare geru kete kwian geru jwannga ulitage lle boanga Chube alin geru ketu amage kare.

Juan 16:20

Cha gerule ulia ulia ba ulita ole, ba ulita chanu be kle olire be chege ta olire tanre cha nate gire kwian me chanu ulitadi nga be chege suga no, agwa ba ulita be chege ta olire tanre cha nate bigwa ba ta olire be jwlite nga suga no no ole.

Lucas 19:26

Chugagwalla gerudu: “Cha gerule ba ole, kwian baige lle sidri ketaba boadale gire kwian lle e boi no mo chugagwalla alin, kwian enege lle na tanre ketabe boadale mo chugagwalla alin. Baige lle sidri ketaba boadale gire kwian me lle e boi no mo chugagwalla alin, kwian ene ngeru lle sidri e ulita jwanbenga ama ngeru.

Juan 16:16

Nege cha mi chege sbali ba ulitaske gire ba mi gwage dare chadi. Chui gweale be joge tangle gire ba be gwageni chadi nakwaite.

Juan 14:19

Chui chege kodi cha ngeru kwian me chanu mi ñage gwage chadi dare nga dba ai giti, agwa ba ulita chanu, bage be suge mo tale cha kle ba ole, cha toi diali chui tangle, kaire cha giti ba be toi diali chui tangle.

2 Corintios 6:10

Cha tañachuge boi daga ngwale alin giti cha ta chege olire agwa eske cha tañachuge Jesucristo giti chadi nga suga no mo tale diali geru dbe giti. Cha me lle molen ketadale kwiange agwa geru kete giti ene kwian tanre geru ulia gai mo alin, e no. Cha me lle molen sidri mo alin nga dba ai giti agwa cha Jesucristo uñe, cha alin Jesucristo ma no ulitage.