Juan 15:11 - Buglere

¹¹ ’Cha kle gerule giti ba ulita ole, e giti cha takalin nga suga no chege ba tale, ene diali ba ulita be chege nga suga no no ole.

Juan 15:11 Referans Kwoze

Romanos 15:13

Isaías Chube gerua degu ene unsuialin Cristo giti, Chube kwian jwannga siere Cristo kagu nga dba ai giti kwian alin, ba ulita Cristo gau ulia mo jwanngale siere, cha takalin Chube ba ulita ta gbe nga suga no ole diali e giti, kaire Chube ba ulita ta gbe no modi daba bai ulita nu mo ta gbaba Cristo gai ole. Cha takalin Chube mo Oña kiralla giti ba ulita ta gbe tachke diali ma ngle ba jwannga siere giti, ene diali ba be chege chui manade nga suga no ole, chui ege ba jwannga siere be ba gbe siere boi daga ngwale ulitage.

Juan 17:13

Nege cha be jogeni ba kle ngwadi, agwa cha bebi joge siere nga dba ai giti cha kle kwian ai kle chage cha ole tke tangle no ba geruage, ama cha keruchuge cha kle gerule giti, ene ama ta chege nga suga no ole cha giti.

Juan 16:24

Sbali ba chagedu ule cha ole, ba me kle lle kade cha giti cha Ñenuage, agwa nege gwangerugu ba lle kadadale cha giti cha Ñenuage lle bai kaire ba takalinge, ene cha giti cha Ñenua be age ba alin, ene nga be suga ma no badi cha giti.

1 Juan 1:4

Cha kle geru ai dege ba ulita alin chada ai giti, ba geru ai ulita gbe gdadi, ene che ulita ta chege diali ule kwian gdaitre alin kare nga suga no ole diali Chube giti.

1 Pedro 1:8

Ba me gwagedu Jesucristodi mo gwagwa giti ni ñage gwage amadi nege, agwa ba ulita ta kle ama ole ba kle mo ta dbe no ama ole, geru ama giti chku uñale bage, e giti ba kle mo ta gbe ama gai ulia. Nga suga no no badi Jesucristo giti, nga suga no kweri badi ni uñale bage ba gerule mine nga suga no tanre ole.

2 Juan 1:12

Ulia geru na tanre kle tragadale ba ole, agwa cha me ta geru e degakalin ulita chada giti. Ma no cha kle tañachuge joge agali ba kle ngwadi gerule ba ole, gire ene nga be suga no no chedi ulita salengwli.

Juan 16:33

Cha gerudu ulita ba ole, ba tachkedale e giti ulita, ene cha giti ba be ta dbe suga no diali. Ba ulita chanu be boi daga ngwale nga dba ai giti kwian me chanuske, agwa ba me tallade e giti, ba me ta dbe kennga, ba mo ta gbadale diali cha kirallaske, cha kirachku ulita me no kiralladi.

2 Corintios 1:24

Cha me ta jogekalin llani gerule mno ba ole mo ta gbe Jesucristo gai ma no giti, me ene, uñale chage ba ulita mo ta gbu no Jesucristo ole Jesucristo gai ulia, cha ta jogekalin llani cha ta ba ulita chudaboakalin kira gai ma dare Jesucristo giti, ene ba ulita chege kiraske nga suga no ole Jesucristo geruadi.

1 Tesalonicenses 5:16

Ba ulita kledale diali nga suga no ole.

Lucas 15:32

Agwa ba daballa jogebanga ama chkuni, noare che ama chuia ollade ta no ole ama ole ule, che nga dbale suga no ama giti, ama jongwa chege, che tañachugu ama jokeda che mi gwageni amadi, agwa nege ama chkuni aini chedige, ama kle gwade malen noare che ba daballa chuia ollade, che mo ta gbale nga suga no chui ollade ba daballa giti” —Jesu geru ñachugu ene ulita kwian fariseo alin kaire kwian daba tkanga tangle Moisés chadalla giti alin.

Lucas 15:9

Igi be skwen nate muingage gire muinga be skatemanalla ulita kade, kaire be kwian na ulita kle toi kodi ama ullage kade, be gerule kwian ulita ole: “Nga suga noare chadi. Bai nga ollade cha ole igi giti, igi jongwa cha ngeru, cha igi jinadu nate, igi skwendu chage. ¡Ale igi ollade nga suga no ole!” Muinga be gerule ene kwian ole be kwian kade nga ollade nga suga no ole.

Filipenses 1:25

Uñale chage cha be chege toi dare ba ulita ole, e ma no ba ulita alin, ene cha ñage ba chudaboi ma no ngerugu cha ba kira gbe Chube gerua Jesucristo giti gai ma no, ene ba ulita nga dbe ma suga no Chube gerua ole.

Efesios 5:18

Ba me lle gage jale mo gbe llale, e kle ba gbe age tanre me no. Ba llale ba chege salengwli kwian jwligebanga kare. Ba me mo chuge ngwadi chege lle jai ene, agwa ma no ba nu Cristo gerua gaba ba Chube Oña chuge ngwadi ba kira gbe age no ulita Chube takalin kare.

Juan 3:29

Nege ama chku, kwian kle chage ule ama ole, e giti nga chege suga no no chadi. E salengwli kwian onbre be mo jwen chuialla gbe, ama be skatemanalla gdaite gbe lle ulita gbe biale mo jwen chuiage alin. Mo jwen chuia chke gire onbre, muire kle ule, ulita kle no. E giti skatemanalladi nga be chege suga no no. Ene kaire nga suga no chadi Cristo chku kwian kle chage ule ama ole.

Lucas 15:5

Oveja skwen bage ba oveja gai ba oveja mlie kwligage nga suga no ole oveja giti.

Lucas 15:23

Ba joge chbi ma blodi jwen, ba chbi gweda. Ale blire ule cha kirolla ole, ale nga dbe suga no cha kirolla ole. Cha kirolla ai jongwa chage, cha tañachugu ama jokeda. Me dale ene. Ama kle gwade, nege ama chkuni aini chadige. ¡Ale cha kirolla chuia ollade ule!” Kwian ulita lle boanga tale nga chegu suga no, ama ulita chui olladu ule kirogwa ñenua ole kirolla chkuni giti.