Juan 14:15 - Buglere

¹⁵ Jesu gerudu dare kwian geru jwannga amage ulita ole: —Ba no cha ole ulia ene ba be cha gerua gbe gdadi ba be age ulita cha gerule kare.

Juan 14:15 Referans Kwoze

2 Juan 1:6

Che no Chube ole che agedale ulita ama takalin kare ama gerua kle gbaba gerule kare. Geru e ba nu keruchugababi gwangea, geru e kle gerule che mo ta dbadale no Chube ole kaire mo ta dbe no daba na ole ulita.

1 Pedro 1:8

Ba me gwagedu Jesucristodi mo gwagwa giti ni ñage gwage amadi nege, agwa ba ulita ta kle ama ole ba kle mo ta dbe no ama ole, geru ama giti chku uñale bage, e giti ba kle mo ta gbe ama gai ulia. Nga suga no no badi Jesucristo giti, nga suga no kweri badi ni uñale bage ba gerule mine nga suga no tanre ole.

Gálatas 5:6

Che mo ta gbu Jesucristo gai ulia, che amanu, malen che me tañachugadale mo kwara sidri tkangenga o me mo kwara sidri tkangenga, e giti che me tañachugadale, e ngwale, e me che ta blite joge siere age me noge Chube gwage, agwa Jesucristo alin che ta blite age no Chube takalin kare, che mo ta gbadale ulia Jesucristo gai mo tale diali, ene Jesucristo giti che chege diali mo ta dbe no Chube ole kaire daba ulita ole.

Mateo 10:37

’Kwian bai ta chagekalin ulia cha ole age cha takalin kare diali, kwian ene mo ta dbadale ma no cha ole mo bitallanu ulita olege. Kwian bai kle mo ta dbe ma no mo ñenua ole mo chebia ole, bai kle mo ta dbe ma no mo kirolla ole mo jian ole, kwian ene kle mo ta dbe ma no mo bitallanu ole cha olege, ama kle tañachuge mo bitalla giti ngeru me kle tañachuge cha giti ngeru, malen ama me ñage chage cha ole.

Juan 8:42

Jesu gerudu: —Ulia Chube ba ulita ñenua ba kle gerule kare, ene ba ulita mo ta dbadale no cha ole cha gai dage, agwa ba ulita me kle mo ta dbe no ene cha ole. Cha chiu ulia Chube ngwadi, cha kle aini ba ulitaske, cha me chiu mo ta giti agali, agwa Chube cha kagu nga dba ai giti.

1 Corintios 16:22

Kwian gweale me mo ta dbe no che Chugagwalla Jesucristo ole, ulia ma no bdagli kwian ene chege sugekare Chubege chui tangle diali ji chugadale kweri. Cha takalin che Chugagwalla Jesucristo chieni blike.

Efesios 6:24

Cha takalin Chube age no no ba ulita alin ba bai nu mo ta gbaba no diali Jesucristo che Chugagwalla ole. Geru ai ene ulita cha Pablo chada degangu ba kwian Chubenu ulita una Efesoge alin. Che kle meni.