Juan 13:10 - Buglere

¹⁰ Simón-Pedro gerudu ene Jesu ole gire Jesu gerudu Simón-Pedro ole: —Kwian bai obeba sugeti me mo gligadale blike nabitaite ulita, agwa sera alin gligale, jegwale ulita kle trate. Ba ulita ta kle trate biale salengwli kwian obeba sugeti kare, agwa ba gdaite ta me kle trate.

Juan 13:10 Referans Kwoze

Juan 15:3

Ba ulita uvananga gbachie no kare, cha gerudu ba ulita ole, ba cha gerua gau ulia, malen cha Ñenua ba ta litu, ba ta chegu trate.

2 Corintios 5:17

Ene kaire kwian Cristo gai ulia kwian ene kwian jagere kare, kwian ene tañachuge nganake tañachugu ngeruge, ta agekalin nganake agedu ngeruge, kwian ene ta suge nganake ulita jagere.

2 Corintios 7:1

Cha bitalla Cristo giti, cha no no ba ulita ole, cha gerule ba ulita ole ulia Chube age ene ulita che alin ama gerudu kare, malen che ulita Chubenu mo ta gbadale chege sugekare age me no ulitage tañachuge me no ulitage, che mo ta gbadale Chube gai dage, ene che be age ma no tañachuge ma no trate diali Chube takalin kare.

2 Corintios 5:21

Cristo chagedu nga dba ai giti kwianske Cristo agedu no trate ulita ni agedu me no sidri, agwa Chube ama gbu che agedu me no ulita jia chuge, ene che Cristo gai ulia giti che me chege jiske Chube gwage agwa che chege no trate Chube gwage Cristo giti.

Santiago 3:2

Sugedale chege che ulita diali kle age gweale me no kle gerule gweale me no, ulia diali che kle boi ene. Agwa cha gerule ulia ba ole, kwian bai me kle gerule me no ni sidri, kwian ene kare ulia no trate Chube gwa giti, kwian ene kare kira molen mo ta gbe age no no ulita me mo chuge ngwadi age me no ni sidri.

Hebreos 9:10

Che mo ta gbadale tañachuge e giti geru kledu gbaba ngeru ni kle gerule kwian ta giti, agwa kle gerule bligda giti kwian ñage bligda mine gute mine me gute, kaire kle gerule lle gweale jadale giti kaire kle gerule kwian mo gbadale trate mo giti tangle mo glige alin allabi giti. Kwian e kledu age ene sugetidale alin Chube bebi geru jagere Jesucristo giti gbe gire, e ulita tadu gerukalin kwian chui ege kledu age Jesucristo be age giti ulita.

1 Tesalonicenses 5:23

Cha takalin Chube ta suga no mauña agali ba ta gbe suga no, kaire ama ba manade no trate ulita mau alin ba oña manade ba ta manade ba jegwale ulita manade no, ama ba ta gbe no, ene ba me mo chuge ngwadi age sidri me no. Chube ba ulita manade no ene, ene che Chugagwalla Jesucristo chieni chuiallage ba kledale biale no trate ama alin jogedale toi ama ole.

Mateo 6:12

Cha agedu me no cha takalin ba talla mlienga, ene kaire daba age me no cha ole cha talla mlienga.

Juan 13:9

Simón-Pedro gerudu: —Cha Chugagwalla, ba me cha sera alin glige allabi, cha takalin ba cha ko glige kaire cha chuga glige.

Juan 13:18

Jesu gerudu dare kwian geru jwannga amage ulita ole: —Cha me kle gerule ba ulita be mo ta gbe age no cha agedu kare, me ene, uñale chage ba ulita mi age no cha agedu kare. Cha ba ulita gau chage cha ole, cha ba ulita ta uñe trate, uñale chage ba gdaite kle mo ta dbe cha dollale, be boi Chube gerua degaba unsuialin gerule kare cha giti, chada e gerule: “Cha skatemanalla gdaite blire ule cha ole, amaña mo blite cha dollale.”