Juan 12:28 - Buglere

²⁸ Ma no cha gerule cha Ñenua ole: “Cha Ñenua, cha takalin ba age mo kiralla giti cha ole ba takalin kare, ene ba be chege no kweri kwian ulita gwa giti, kwian be gerule no no ba giti cha Ñenua.” Jesu gerudu ene gire Chube gerudu nga ngaña giti sugedu nga dba ai giti, Chube gerudu Jesu ole: “Cha ba gbu age cha kiralla giti, kwian tanre gerudu no no cha giti ba agedu giti, cha be ba gbe age dare cha kiralla giti nabitaite, ene kwian be gerule no no cha giti dare.”

Juan 12:28 Referans Kwoze

Mateo 26:42

Jesu gerudu ene gire Jesu jo sugekare nakwaite gerule Chube ole: “Cha Ñenua, ba me takalin cha jwen siere cha be boi daga ngwalege, ba ñage age ulita ba takalin kare cha ole.”

Mateo 17:5

Pedro kledu gerule ene Jesu ole, gire bogakwa jutre chra gwadetranga chku blike ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole, nga suga noare chadi ama giti, ba ulita ama keruchugadale no, ba mo ta gbadale ama kerua gbe gdadi no diali.”

Mateo 3:17

Gire Chube gerudu nga ngaña giti Jesu giti, ama kerua sugedu nga dba ai giti, ama gerudu: “Ai cha Kirolla, cha no no ama ole, nga suga noare chadi ama giti.” Chube kerua sugedu ene gerule mo Kirolla Jesu giti.

2 Pedro 1:17

Chui gbaitege cha gdamai kledu ule Jesucristo ole ngaske jwichuga giti Chube kiralla chku dba ngwadi, chui ege Chube Jesucristo Ñenua gerudu no no Jesucristo giti, Chube gerudu ene: “E cha Kirolla, cha no no ama ole, nga suga noare chadi ama giti.” Cha gdamai agali geru keruchugu mo olodi, e Chube kerua, keru e chiu nga ngaña giti chku cha ulita kledu Jesucristo ole ngwadi.

Efesios 3:21

Che ulita nu Jesucristo gerua gaba che gerudale no Chube giti Chube agedu no che alin ulita Jesucristo giti. Che gerudale no ngle Chube giti chui tangle diali, ene suge kwian na ulitage Chube noare Chube kweri. Ene nobi.

Efesios 3:10

Chube kwian me israelita Jesucristo gerua ganga gau mau alin gbu ule ulita kwaitre alin kwian israelita Jesucristo gerua ganga ole. Chube agedu ene, ene nege tangle ñage suge ma trate lle boanga Chube alin nga ngaña giti ulitage ulia Chube ta ngle ole age no ulita.

Efesios 2:7

Jesucristo giti Chube agedu no ene che alin ene chui aige gwangerugu be chke nate uñale ulita Chube no no che ole ulia Chube agedu tanre no che alin Jesucristo giti che bai nu Jesucristo gaba ulia.

Juan 18:11

Pedro Malco ologa tkunga ene gire Jesu gerudu Pedro ole: —Ba sbadi gbe naskuni sbadi kwarage. Ba kle tañachuge ba kira bate cha gdale ene kwian mi cha gai boadale daga ngwale, me ene, ba me ñage dole sbadi giti cha gdale, cha mo chugadale ngwadi boi cha Ñenua takalin kare kwian me noge.

Juan 11:4

Kwian jritenga Lázaro chada ole jo chke Jesu kle ngwadi, gerudu Jesu ole: —Cha Chugagwalla, ba skatemanalla no no oga kirale kirale. Jesu ama keruchugu gerule ene Lázaro giti, Jesu gerudu: —Lázaro jingmea kote Lázaro mi chege jogebada diali, Chube be age no ama alin mo kirallaske, ene kwian ulita ñage gerule no Chube giti kaire gerule no cha Chube Kirolla giti.

Juan 9:3

Jesu gerudu kwian geru jwannga ole: —Onbre e ene gwagwa me, ni ama ñenua ni ama chebia ni ama agali agedu gweale me no gdale malen ama chegu ene, me ene, ama medunga chebia kote ene gwagwa me, ene Chube ñage age no ama alin mo kiralla giti, Chube ama gwagwa dodade ene kwian ulita ñage gwage Chube kiralladi ama gwagwa dodade giti.

Lucas 9:35

Gire bogakwaske Chube kerua sugedu ama ologe gerule: “Ai cha Kirolla, cha no no ama ole, ba ulita ama keruchugadale no, ba mo ta gbadale ama kerua gbe gdadi diali.”

Lucas 3:22

Chube Oña chku dba Jesu giti beusi kare, gire Chube kerua sugedu Jesuge gerule nga ngaña giti, Chube gerudu Jesu ole: “Ba cha Kirolla, cha no no ba ole, nga suga noare chadi ba giti.” Kwian kledu enige Chube kerua sugedu ene gerule no mo Kirolla Jesu ole.

Marcos 9:7

Pedro kledu gerule ene Jesu ole gire bogakwa jutre chra gwadetranga chku blikare ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole. Ba ulita ama keruchugadale no, ba mo ta gbadale ama kerua gbe gdadi no diali.”

Marcos 1:11

Gire Chube kerua sugedu Jesuge gerule nga ngaña giti, Chube gerudu Jesu ole: “Ba cha Kirolla, cha no no ba ole, nga suga noare chadi ba giti.” Chube kerua sugedu ene gerule mo Kirolla Jesu ole.

Mateo 11:25

Gire ne suialege tangle Jesu gerudu Chube ole: “Cha Ñenua, ba nga ngaña giti nga dba ai giti ulita Chugagwalla, nga suga noare chadi ba giti, ba noare ulita. Kwian me geru molen ama ta ba gerua gakalin ulia blike salengwli kirogwa geru gai blike kare, noare ba kwian ene ta gbu, ene amage ba gerua sugedu. Agwa kwian geru molen geru jun tanre lle ulita giti, kwian enege ba gerua me sugedu, ba gerua chegu ogabada kare amage.

Mateo 11:26

Chadi nga suga noare ba giti, ba kle kwian ta gbe ba takalinge kare, e no cha Ñenua.”