Juan 12:1 - Buglere

¹ Pascua chuia ollade chegu chui dereke chkedale gire Jesu jo una Betaniage, una ege Lázaro toidu, Lázaro e amaña Jesu nu gbaba gwadeni.

Juan 12:1 Referans Kwoze

Lucas 24:50

Jesu gerudu ene kwian ulita kle mo litaba ole gire Jesu kwian e ulita du una kada Betania ngnagu, jo chke kodi una ege gire Jesu ko gau ngaña gdabonate gerudu ama ulita ole: —Cha takalin Chube age no ba ulita alin ba ulita manade no diali, Chube ba ta gbe nga suga noare ole.

Juan 12:20

Kwian ngle jogeba chke una Jerusalénge Pascua chuia ollade manade, kwian ngleaske kwian gweale griego kledu, kwian griego e kaire jogeba chke una Jerusalénge chui ollade gerule no Chube giti ule kwian israelita ole.

Juan 11:55

Kwian israelita ulita kle tachke Chube enusulian unsuialin jun siere Egiptoge giti, e kada Pascua chuia, Pascua chuia ollade chegu kodi gire kwian israelita ngle una soli gdaite gdaitemu jo una Jerusalénge, ngeru chui e olladege kwian e ta chegekalin trate Chube gwa giti, malen ama jo bda guge ama jo mo jegwale glige kwian israelita ulita diali kle age kare, ene amage suge ama chege trate Chube gwa giti ama kle biale chui olladadale.

Juan 11:1

Onbre gdaite oga kada Lázaro, ama ibotea boke kada Marta, María, ama ulita una Betaniamu.

Mateo 21:17

Jesu gerudu ene kwian e ulita ole, gire Jesu jo siere ne ngwadige jo una soli kadakle Betaniage, chui ege ngajrege Jesu gbedu una ege.

Juan 11:44

Lázaro jaba chkuni gwade chiu jondoi mo jegwale ulita bliaba ñometraske, kaire chuga bliaba ulita ñometraske, ama ko ama sera ulita kle lugaba kejre, Jesu gerudu kwian na ulita ole: —Ba Lázaro skatrennga, Lázaro kleda jogeni gudegu.

Marcos 11:11

Jesu jo chke una Jerusalénge gire ama jo u gerungwa Chube olege, ne ngwadi Jesu gwagedu lle ulita kle boidi u ege, Jesu ta olidu kle boi giti, Jesu tadu agekalin gweale ene me boi dare eni, agwa nga jeredu malen ama joni kwian geru jwannga amage gdataboko giti gdaboke ole una soli Betaniage chege gbe eni.

Lucas 7:37

Gire muinga gdaite kle toi una ege agenga me no, muinga ege chku uñale Jesu kle blire Simón ullage, gire muinga jo Jesu nate u ege, lle chiale ñachke noare muinga du lle gweale limeta soli karege Jesu alin.

Juan 11:43

Jesu gerudu ene ulita mo Ñenua ole gire Jesu ngautu kira giti Lázaro jabage: —¡Lázaro, bai jondoi!

Juan 12:9

Kwian israelita tanrege chku uñale Jesu kle una Betaniage, gire kwian e ulita jo una Betaniage tienda Jesudi, me Jesu alindi kwian israelita ulita jo tienda, agwa kwian israelita kaire jo tienda Lázarodi, Lázaro e amaña Jesu nu gbaba gwadeni.

Juan 12:12

Boidu ene ulita una Betaniage gire nagbietege kwian ngle nga tanrege jogeba una Jerusalénge Pascua chuia ollade manade, ama ulitage geru chku uñale Jesu be joge chke una Jerusalénge.