Juan 11:52 - Buglere

⁵² me kwian israelita chudalla alin allabi, kaire Jesu be jogeda kwian chudalla na ulita alin kle toi bate nga nage kaire kaire, ene Jesu giti kwian e ulita be chege mneitre alin bai kaire Jesu gai ulia.

Juan 11:52 Referans Kwoze

Juan 10:16

Kwian na ngle chudalla me israelita chanu kaire kle, ama bebi cha Ñenua Chube uñe, cha gerua jogedale chke amage gire ama be cha gai ulia, cha giti kwian israelita kaire kwian me israelita be cha Ñenua uñe, gire kwian israelita kwian me israelita be chege mneitre alin, cha ama ulita mananga.

1 Juan 2:2

Jesucristo agali mo ketu gwaleda kruge che ulita agedu me no ulita giti, Jesucristo jokeda giti che ulita chegu trate Chube gwage me jiske, Jesucristo me jokeda che alin allabi agwa kaire Jesucristo jokeda kwian nga ulitamu alin, kwian ulita agenga me no, Jesucristo jokeda giti kwian ulita chege trate Chube gwage me jiske, kwian agedu me no Chube talla e ulita mlienga kwian Jesucristo gai ulia giti.

1 Pedro 1:1

Cha Pedro chada ai degange ba kwian ulita Chubenu alin nu jogeba kige bate kle toi nga nage me mo jwiage: Cha Jesucristo gerua ketanga cha gbi kage chada ai giti ba ulita alin bai kle toi nga Pontoge nga Galaciage nga Capadociage nga Asiage nga Bitiniage, ba ulita alin cha gbi kage.

Apocalipsis 5:9

Kwian mangire batre ulita kledu ne ngwadi ama ulita mo gatu biale geru no jagere giti Bda Cordero alin ene: “Cha ulita no ba ole. Ba ulia no trate malen ba ñage chada e gai kote lle chada gatagda gdaguke jwennga. Ba jo boaba daga ngwale gwabada kwian agedu me no giti. Ba boidu daga ngwale ba jokeda kruge kwian ulita alin ene kwian ulita ba gai ulia ñage chege Chubenu, ba agedu ene kwian chudalla ulita alin kaire kwian gerunga kwira ulita alin kaire kwian toinga nga ulitage alin. Ene ba jokeda giti kwian ulita ñage Chube uñe.

Romanos 3:29

Che kwian israelita ulita me ñage tañachuge: “Chube che kwian israelita alin allabi Chubea, Chube me kwian me israelita Chubea.” Me ene, Chube kwian me israelita Chubea kaire, Chube amaña kwian ulita chudalla Chubea,

Lucas 2:32

Cristo giti kwian me israelita be ba uñe, ba Cristo kagu jichra kare kwian me israelita alin, ene kwian me israelita be ba uñe, kwian me israelita be gerule no no kwian banu israelita giti.”

Santiago 1:1

Cha Santiago chada ai dege ba ulita kwian israelita mne gdataboko giti gdaboke alin nga baini kaire ba ulita kle toi ngwadige: Cha lle boanga Chube alin kaire cha Chugagwalla Jesucristo alin cha ama gerua dbanga kwiange, cha gbi kage ba ulita kwian israelita Chubenu alin.

Efesios 3:11

Chube agedu ene ulita, ama mo ta gbu gwangea kare ama age no kwian ulita alin che Chugagwalla Jesucristo giti.

Efesios 1:5

Chubege ulita uñadu unsuialin tangle che be mo ta gbe no ama ole, ama ta du no che alin, unsuialin tangle ama mo ta gbu che gai Jesucristo giti mau alin nga suga no ole ene che ulita chege ama oliale ama takalin kare.

Romanos 4:17

Chube gerua degaba unsuialin gerule e giti, chada e gerule: “Chube gerudu Abraham ole: ‘Cha ba gbu kwian ngle nga ulitage ñenua kare.’ ” Chube gerudu ene Abraham ole Abraham Chube gerua e gau ulia, uñadu Abrahamge Chube kwian jaba gbanga gwade, kaire lle me boale dodadale Chube lle ene dodade. Uñadu Abrahamge Chube kira ene molen, malen sugedu trate trate Abrahamge Chube ñage kirogwa kete ama kwian juma jumage Chube gerudu kare.

Hechos 18:10

Cha kle ba ole diali ba manade, ene una aige kwian be mo ta gbakalin age gweale me no ba ole me ñage age, ba mo ta gbale gerule kwian ole no cha giti, una aige kwian tanre be cha gerua gai ulia.

Juan 12:32

Cha be kwian me no chuge ngwadi cha gbe kruge ngaña, cha be mo chuge ngwadi jogeda kwian ulita agenga me no alin, cha jogeda giti cha be kwian tanre nga ulitage ta gbe mo ta blite cha ole cha gai mo Chugagwallale.

Juan 1:29

Nagbietege Juan-Bautista gwagedu Jesudi chie ama ngnagu, gire Juan-Bautista gerudu Jesu giti kwian ulita kledu ne ngwadi ole: —¡Gwagede, kwian e cha geruadu! Ama be mo chuge ngwadi jogeda kwian ulita alin bda cordero gwakle kwian kle age me no giti alin kare, Chube ama kagu nga dba ai giti kwian jwen siere ji chugege kwian age me no gdale. Cha gerudu ama giti kwian ole: “Be chie cha nate ama ma kweri chage, ama kledu ngeru chage, gwangea ama klebi enebi Chube ole.” Cha gerudu ene ama giti, nege ama kle chie che ngnagu.

Juan 1:12

Agwa kwian bai kaire ama gau ngwange no kwian ama gau ulia, ama kwian ene gbu Chube oliale.

1 Juan 3:1

Ulia cha takalin bage suge Chube giti trate, che Ñenua Chube no no che ulita ole, che ama gerua gai ulia gire che ulita chege ama oliale, uliabi Chube che gau ama oliale, malen kwian me Chubenuge me suge che kwian Chubenu mine, kwian ene me Chube uñe malen kwian ege me suge che Chube olia kle toi giti.

1 Juan 3:2

Ba cha bitalla ulita Jesucristo giti, ba ole cha gerule ulia, che ulita Chube oliale che ama gerua gaba giti. Chege me uñale trate che be chege mine bdagli, agwa uñale chege Jesucristo chieni gire che be gwage amadi agali mo gwagwa giti, chege be suge trate ama giti, chui ege che be chege no trate ama kare.

1 Juan 3:10

Kwian kle mo ta gbe age giti chke nate uñale chege trate ama Chubenu o ama che dolla Satanánu. Kwian bai kaire kle chage age me no, kwian kle age giti chke nate uñale chege ama me Chube oliale dale, ama che dolla Satanás oliale ama kle mo ta gbe agenga diali me no. Kaire kwian bai kaire me kle mo ta dbe no daba ole, e giti chke nate uñale chege ama kaire me Chube oliale dale, ama che dolla Satanás oliale.

Lucas 15:8

Jesu geru na ñachugu kwian fariseo ulita alin kaire kwian daba tkanga tangle Moisés chadalla giti ulita alin: —Muinga gdaite igi molen gugataboko, igi e gugaite jogenga muinga ngeru, ¿muinga be age mine igi e nate? Muinga be jichra gwadege, jichra giti muinga be igi jinade nate trate gwa ugdo jegwale, muinga be nga lite ulita gwa tangle, bdagli ene igi be skwen nate muingage.