Juan 1:10 - Buglere

¹⁰ Cristo nga ulita lle ulita kwian ulita dodadu, Cristo ulita mauña. Ama chku nga dba ai giti kwianske agwa me chku uñale kwian ulitage ama chema.

Juan 1:10 Referans Kwoze

Juan 17:25

Cha Ñenua, ba no trate, cha gerule ba ole, kwian me banu me ba uñe, me uñale ama ulitage ba mine, agwa cha ba uñe, kaire kwian ai ba ta gbu chage cha ole, amage uñale ba cha kagu,

1 Juan 3:1

Ulia cha takalin bage suge Chube giti trate, che Ñenua Chube no no che ulita ole, che ama gerua gai ulia gire che ulita chege ama oliale, uliabi Chube che gau ama oliale, malen kwian me Chubenuge me suge che kwian Chubenu mine, kwian ene me Chube uñe malen kwian ege me suge che Chube olia kle toi giti.

1 Corintios 2:8

Kwian chugagwalla nga dba ai giti ni gdaitege sugedu Jesucristo ulia kwian Chugagwalla ma kweri Jesucristo ulia Chube Kirolla kagaba nga dba ai giti. Sugedu kwian chugagwallage Jesucristo Chube Kirolla, ene ama me Jesucristo gbu kruge ngaña gwadaleda, agwa kwian chugagwalla nga dba ai giti me sugedu amage Jesucristo giti.

1 Corintios 1:21

Kwian ta ngle molen geru nga dba ai giti alin ole, ta ene giti kwian kle tañachuge ama ñage Chube uñe, agwa me ene kwian kle tañachuge kare, Chube talla ngle ole Chube mo ta gbu age nganake kwian kle tañachuge karege, Chube mo ta gbu kwian jwen siere ji chugege age me no gdale geru Cristo jokeda kruge giti me kwian ta ngle molen giti. Kwian me geru Cristo giti gai ulia, kwian ene alin geru e ngwale, agwa kwian geru e gai ulia, geru e ñanaske kwian ene alin, Cristo alin giti kwian Chube uñe, Cristo alin giti Chube kwian jwen siere ji chugege age me no gdale.

Mateo 11:27

Jesu gerudu ene Chube ole gire gerudu kwian kledu ne ngwadi ama keruchuge ole: —Cha Ñenua mo kiralla mo talla ulita ketu chage. Cha Chube Kirolla, ulia ni kwian gdaite cha ta uñe trate, cha Ñenua alin allabi cha ta uñe trate. Kaire agwe ni kwian gdaite cha Ñenua ta uñe trate, cha alin allabi cha Ñenua ta uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua ta uñe trate.

Hebreos 11:3

Che mo ta gbe ulia Chube ole Chube gai ulia gire suge chege Chube lle ulita dodanga. Chube gerudu alin allabi gwangea nge jondege alin gire lle ulita chegu dodaba no ama kirallaske, Chube lle ulita dodadu mau kirallaske lle ulita me kledu gire.

Juan 1:18

Ni kwian gdaite nu gwageba Chubedi, Chube Kirolla alin giti kwian Chube uñe, Chube Kirolla gdaitre alin ama kaire Chube, ama talla kle ule diali mo Ñenua ole.

Juan 1:5

Kwian me Chube uñe chage nga jereske kare, Cristo chku jichra kare kwian ene alin, jichra chku chratigenga nga jere dbiguske, nga jere dbigu tadu jichra chra gwakalinda ene jichra me chratigenga dare, nga jere dbigu me ñadu jichra gweda.

Hechos 14:17

Agwa lle kwian gbagda toi ulita Chube me junnga kwian ngeru, Chube mo ta gbu no diali age no kwian ulita alin, ene suge kwiange ama Chube ulia. Kaire Chube kle age nege che ulita alin no diali, ene chkedale uñale che ulitage Chube kle age no che alin che Chube e ulia gadale dage. Ama kle noi kage che alin kle chude ulita gbe tige gbachie no che alin ene che ñage blire no che ulita toi nga suga no ole bligda ole.

Juan 5:17

Jesu gerudu kwian israelita ole: —Cha Ñenua Chube kle lle no boi kwian alin chui ulitage kaire undege chuiage, cha age cha Ñenua kle age kare.

Juan 1:3

Ama giti Chube nga ulita dodadu lle ulita dodadu, Chube ni lle gdaite dodadu sugekare amage.

Juan 1:11

Ama chagedu mo jwiage mo bitallanuske, ama bitallanu ulita me ama gau ngwange no.

1 Corintios 8:6

Uñale trate che ulita Chubenuge Chube gdaitre alin kle, Chube e che Ñenua. Kaire che ulita Chubenu alin Chugagwalla gdaitre alin kle, e Jesucristo. Chube kaire Jesucristo nga ulita dodadu lle ulita dodadu kwian ulita dodadu, ama giti che ulita kle toi gwade.

Colosenses 1:16

Cristo giti Chube lle ulita dodadu lle ulita che ñage tendi nga dba ai giti kaire lle ulita che me ñage tendi nga ngaña giti Chube lle dodadu ulita Cristo giti. Lle boanga Chube alin nga ngaña giti, Chube ama dodadu no ulita, Chube kira ketu amage lle boi Chube alin che me ñage ten amadi. Chube lle ulita dodadu Cristo giti kaire lle ulita e Chube nu dodaba Chube jigu Cristo kote, ene Cristo chege lle ulita mauñale, Cristo ma kweri ma kiraske lle e ulitage, Cristo ma kweri che dolla Satanáge kaire dolla na ulita Satanás chudaboangallage.