Hechos 1:5 - Buglere

⁵ Juan-Bautista kwian ñeu chiske gau ngaña chigage, ama agedu ene alin allabi kwian alin, agwa ama me ñadu kwian ta blite age Chube takalin kare, chui me sbali gire Chube be mo Oña gbe ba ulita tale ba kira gbagda age Chube takalin kare —Jesu gerudu ene kwian geru jwannga amage ulita ole.

Hechos 1:5 Referans Kwoze

Mateo 3:11

Ba mo ta blitadale Chube ole gire cha ñage ba ñe chiske Chube kalla giti. Cha ñage age ene ba alin, agwa kwian gdaite be chie cha nate ama ma kira molen chage, ama be ñage age ma no kwian alin chage. Ama be Chube Oña gbe kwian tale, ene diali kwian be chage Chube Oña ole, Chube Oña be kwian ta gbe age no diali Chube takalin kare. Cha ñage kwian ñe chiske alin agwa cha me ñage Chube Oña gbe kwian tale kwian ta blite age Chube takalin kare. Ulia kwian gdaite be chie cha nate ama ma no ma kweri no trate chage, cha me ñanaske ama chudaboangale ni ama zapatolla dbe ama alin.

Lucas 3:16

Kwian ulita kle tañachuge ene mo tale gire Juan-Bautista gerudu kwian ulita ole: —Cha me Cristo, agwa kwian gdaite be chie cha nate, ama Cristo, ama ma kira molen chage, ama be ñage age ma no kwian alin chage, ama be Chube Oña gbe kwian tale, ene diali kwian be chage Chube Oña ole, Chube Oña be kwian ta gbe age no diali Chube takalin kare. Cha ñage kwian ñe chiske alin, agwa cha me ñage Chube Oña gbe kwian tale kwian ta blite age Chube takalin kare. Ulia kwian gdaite be chie cha nate ama ma no ma kweri ulita chage, cha me ñanaske ama chudaboangale ni ama zapatolla jwennga ama serage.

1 Corintios 12:13

Che ulita me chudalla gdaitre alin agwa Chube Oña che ulita ta gbu ule kwian gdaitre alin kare, che gweale israelita gweale me israelita, che gweale lle boanga mo mauña alin gweale me lle boanga mo mauña alin. Che ulita mo kaire kaire kwian ene agwa Chube Oña che ulita ta gbe kwian gdaitre alin kare Jesucristo giti, Chube Oña amaña gdaitre alin kle toi che ulita tale, Chube Oña kle che ulita ta gbe ule.

Tito 3:5

ama che jun siere, ene che mi ji chuge bdagli agedu me no gdale. Ngeru che agedu me no tanre Chube dollale, ni che agedu no sidri ama alin gire ama che jun siere ji chugege age me no gdale, ama taidu dage che ulitage, ama noare che ole. Chube Oña che ta blitu, ama ta jagere ketu chege, che me toi ta ngeru kare, che toi ta jagere ole, che chage Chube takalin kare.

Hechos 19:4

Pablo gerudu ama ulita ole: —Kwian mo ta blitu Chube ole Juan-Bautista gerudu kare Juan-Bautista kwian ene ñeu chiske Chube gwa giti, agwa kaire Juan-Bautista gerudu kwian na be chie Juan-Bautista nate kwian ama gadale ulia, Juan-Bautista gerudu ene kledu gerule Jesu giti.

Hechos 10:45

Kwian israelita nu Jesu gerua gaba gweale chieba Pedro ole una Jopege, ama kwian me israelita keruchugu gerule kwira nale me jwanba gerule no Chube giti gire chku uñale kwian israelita ege Chube Oña chku kwian me israelita tale, kwian israelita e chegu tañachuge tanre e giti, ama tañachugu mo tale: “¿Mineade Chube Oña chku kwian me israelita tale?”

Juan 1:31

Ngeru cha agalige me chku uñale be chie cha nate ama chema, agwa cha agedu cha kaganga Chube gerudu kare, Chube cha kagu cha kwian ñe chiske Chube kalla giti ene cha giti ñage chke uñale kwian israelitage chema be chie ama jwanngale siere.

Mateo 3:6

Kwian e gweale mo ta blitu Chube ole, kwian ene ulita gerudu ai kare Chube ole kwian na ulita gwa giti: “Chube, cha agedu me no tanre ba dollale, cha me ta agekalin me no ene dare, nege cha ba gakalin ulia mo Chugagwallale.” Kwian mo ta gbu no ene Chube ole gire Juan-Bautista ama ñeu chiske gau ngaña chigage chi Jordánge kwian na ulita gwa giti.

Juan 1:26

Juan-Bautista jaindunga: —Cha kle daba ñe chiske alin Chube kalla giti, agwa kwian gdaite kle cheske ma kweri chage, ba ulita bebi ama uñe,