Gálatas 5:1 - Buglere

¹ Ngeru che ulita chegu tañachuge diali age Moisés chadalla alin gerule kare ene che tañachugu che Chubenu, che chegu age geru e gerule kare kwian lle boanga chege age mo mauña alin kare, che me ñadu joge siere ege. Che ene gire Cristo che jun siere age enege, sugedu chege Cristo alin giti che Chubenu. Nege ba ulita mo ta gbadale diali Cristo ole me mo ta blite chege age nge kare naskuni Moisés chadalla alin gerule kare.

Gálatas 5:1 Referans Kwoze

2 Corintios 3:17

Chugagwalla Jesucristo ule Chube Oña ole gdaitre alin, kwian bai kaire Jesucristo gai ulia kwian ene tale Chube Oña kle toi, kwian ene me chege dare tañachuge Moisés nu Chube gerua degaba alin giti age geru e alin gerule kare, Chube Oña kle kwian ene ta gbe suge age Chube takalin kare.

Gálatas 5:13

Ba ulita cha daballa cha ibotea Chubenu, Cristo giti Chube ba ulita gau mau alin, Cristo alin giti ba Chubenu, ba ene ba me mo ta gbadale age ulita Moisés chadalla gerule kare. E me gerule ba agedale me no ulita ba takalin kare, me ene, ba mo ta gbadale age trate ulita Chube takalin kare ta dbale no daba na Chubenu ulita ole ba mo ta gbale daba na chudaboi diali Chube takalin kare.

1 Pedro 2:16

Ba ulita Chubenu tiun gitiru Jesucristo giti ji chugege age me no gdale, agwa e me gerule ba ñage mo chuge ngwadi age me no dare, ba me ñage tañachuge: “Cha ñage age me no, Jesucristo e jia junnga, mi boi cha ole cha age giti.” Me ene, ba tiun gitiru Jesucristo giti mo ta gbadale age no Chube alin Chube takalin kare, ba agedale no diali kwianske Jesucristo takalin kare.

Romanos 6:14

ene Chube kirallaske ba mi mo ta dbe diali age me no ba ta agekalin kare. Ba ulita me ñage tañachuge ba ñage chege siere age me noge Moisés nu Chube gerua degaba giti, me ene, Chube agedu no ba alin Jesucristo giti, e alin giti ba ñage chege siere age me noge.

Romanos 8:2

Chube Oña che ta gbu Jesucristo gai ulia, ene che Jesucristonu, Jesucristo che jun siere ji chugege che agedu me no gdale, nege Jesucristo giti che me chege sugekare Chubege, Jesucristo giti che me chege mo ta dbe age me no diali che agedu nge kare.

Gálatas 4:9

Ngeru ba kledu ene, agwa nege ba Chube ulia uñe, ba agali me mo ta blitu Chube ulia gai, Chube ba ta gbu ama uñe trate. Chube agedu ene ba alin, malen me suge chage mineade nege ba mo ta blitakalin chege age nge kare naskuni kwian gweale ngwale nu geru gbaba gerule kare, geru e ngwale, geru e giti ba me ñage age ulita Chube takalin kare, ni Moisés chadalla giti.

Hebreos 10:23

Sugedale chege Chube mi geru blite nganake, Chube gerudu kare Chube be age ulita che alin Jesucristo giti. Malen che mo ta gbadale Chube gerua Jesucristo giti gai ulia kiraske gwangerugu che geru gau kare tañachuge diali Chube be age no che alin giti ama gerudu kare che ole.

Gálatas 2:4

Cha kledu mo litaba kwian Jesucristo gaba chugagwalla ulita ole gire kwian gweale ta boke ole chku mau tale cha ulitaske. Kwian e ta me no, ama me no Chube gerua ulia ole, ama gerudu ama Chubenu, agwa me ene ulia. Ta me no ole ama tadu cha ulita keruchugakalin gerule Jesucristo giti, uñadu amage cha kledu gerule Jesucristo alin giti kwian chege Chubenu, me Moisés nu Chube gerua degaba unsuialin kwian israelita alin giti kwian chege Chubenu. Kwian e me no geru Jesucristo alin giti ole, ama tadu cha ulita gbakalin naskuni chage diali Moisés chadalla ulita gerule kare.

Gálatas 4:31

Che ulita me muinga lle boanga mo mauña alin kada Agar kirolla kare, kwian Agar kirolla kare chege tañachuge age diali Moisés chadalla alin gerule kare ene ama tañachuge ama Chubenu, agwa me dale ene, ama chege sugekare Chubege. Che muinga me lle boanga kwian na alin kada Sara kirolla kare, che geru Cristo giti gau ulia, uñale chege Cristo alin giti che ulia Chubenu, lle ulita Chubenu chenu kaire Cristo giti.

Apocalipsis 3:3

Ba tachkedale geru Chubenu ba tkere tangle giti, geru e ba gaubi gwangeabi ulia. Ba geru e gadale ngerugu mo tale, ba geru e gbadale gdadi, ba mo ta blitadale naskuni Chube ole me age me no dare ba kle age nege kare. Agwa ba me jain age cha kle gerule ba ole kare, gire ene cha be joge ji gbe ba giti salengwli kwian skwe boanga kle joge skwe boi kwian ngeru me kle chke uñale kwiange kwian skwe boanga be chke ngaminegire ama llea jwen ulita, ene kaire me chke uñale bage ngamangirege cha be joge ji gbe ba giti ba kle age me no gdale.

2 Pedro 2:19

Kwian daba tkanga tangle geru ngwalege gerule kwian ole: “Ba age cha kle age kare, e no che ulita alin, age ulita che takalin kare e gerulla me.” Ama gerule ene kwian ole agwa ama agali talla me no ulita kle tale, talla e kle ama kage age me no diali, kwian ene ulita ta ngle me no molen.

1 Corintios 16:13

Ba ulita Chubenu kledale ta giti mo ta gbe ma no diali Jesucristo gerua ulitage. Ba ulita me mo ta dbale kwachie ba kle geru gai giti, ba me ta dbale kwachie gerule kwian na ole geru ba kle gai giti, ba ulita mo ta gbale gwangerugu kiraske gerudi, ene ba me mo anblitange, ene kwian geru dollale me ñage ba ta blite nganake.

Romanos 7:6

Agwa Cristo chku che alin, nege Cristo giti Moisés chadalla me kle che kage dare ngeru kare, nege Cristo giti Chube ta jagere ketu chege toigda age Chube takalin kare me toi geru juda kle gbaba kare alin giti. Malen nege che ta me nge kare tañachuge Moisés chadalla alin giti, nege Chube Oña kle che tale, ama kle che ta gbe diali che chagedale mine, ene che ña age no Chube takalin kare.

Romanos 6:18

Ba ulita kledu age me no diali ba tadu agekalin kare, ba agali gballa me ñadu joge siere age me no enege, agwa ba Jesucristo gau ulia giti ba mo ta blitu, Jesucristo ba gbu age nganake, ene ba me chege age me no ba agedu diali ngeru kare, nege ba ulita kle mo ta gbe no trate Chube ole toi trate Chube gwa giti Chube takalin kare.

Hechos 15:10

¿Mineade ba mo ta gbakalin ma kweri Chubege? Jesu giti Chube agedu ulita kwian alin, kwian me israelita Jesu alin gadale ulia, ene ama chege no trate Chube gwa giti. Me no che kwian israelita gerule kwian me israelitage ama che suia ulita jwandale mo alin ene ama chege no trate Chube gwa giti. Che kaire che enusulian unsuialin me ñadu age ulita Moisés chadalla gerule kare, malen che me ñage daba na me israelita gbe age che takalin ama agedale kare Moisés chadalla gerule kare.

1 Corintios 7:22

Kwian bai kaire lle boanga mo mauña alin gire Chube kwian ta gbe Chube gai ulia, Cristo giti Chube kwian ene ta gbe joge siere age me noge, agwa ama chege lle boi mo mauña alin kaire Cristo alin. Kwian na me lle boanga mo mauña alin gire Chube kwian e ta gbe Chube gai ulia, Cristo giti Chube ama ta gbe joge siere age me noge kaire, kwian ene chege lle boangale Cristo alin.

Judas 1:3

Ba cha bitalla muirenu onbrenu Jesucristo giti, cha no ba ulita ole, cha ta chada degakalin ba ulita alin Jesucristo agedu giti ba ulita alin kaire cha alin, Jesucristo giti che ulita tiun gitiru ji chugege che age me no gdale. Cha ta chada degakalin e giti ba ulita alin agwa suge chage ma no cha gerule ba ole chada ai giti ba ulita mo ta gbadale kiraske diali geru Jesucristo gitidi. Ba ulita mo ta gbu geru e gai no gwangea ba mo ta gbadale no gwangerugu, ba me mo ta blite. Chube agali geru ulia Jesucristo giti ketu kwian amanuge tragadale kwian na ole, geru e amaña chku uñale bage, geru e me jwlite, geru e chege diali kwian ulita chudalla alin.

Filipenses 1:27

Ba me tañachuge cha joge chkeni ba ngwadi giti o cha me joge chkeni ba ngwadi giti, ma no ba mo ta gbe toi Jesucristo gerua gerule kare che Chubenu toidale Chube takalin kare. Cha takalin geru ba giti chke cha kote gerule ba ulita kle chage no Chube ole lle amaña alin boi ule diali geru Jesucristo giti dbe kwian nage,

Efesios 6:14

Ba mo ta gbadale kiraske dolla Satanás ngeru salengwli guardia donga kle mo gbe biale dole kare: Guardia donga kle lle mno luge mo bonga tangle, lle e giti lle na ulita ama kle gbe mo jegwale kle chege kejre ama jegwale. E kare ene geru ulia chegedale ba tale ba gerudale diali ulia daba gwale me sole ni sidri, ene dolla Satanás me ñage age ba ole, ba kle chege Chube geruaske. Guardia donga kle lle gbe mo ta ngnagu mo ta managda, e kare ene ba mo ta gbadale chagé no trate Chube gwa giti, ene dolla Satanás me ñage age ba ole ba mo gbe chage no Chube ole giti.

Apocalipsis 2:25

Agwa cha gerule sidri ba ole, ulia ba mo ta gbadale gwangerugu ba kle mo ta gbe nege kare me chage geru ngwale nate, ba kledale mo ta gbe kiraske gwangerugu Chube gerua giti cha be jogeni kaire baske.

Hebreos 4:14

Jesucristo Chube Kirolla ama kle nga ngaña giti Chube ole ule, Jesucristo gerunga che alin Chube ole che ka chudaboanga, ama ma kweri ma kiraske kwian gerunga Chube ole daba alin na ulitage. Malen che mo ta gbadale chage gwangerugu diali che Jesucristo gau ulia kare ngeru.

Hebreos 3:14

Che ta chegekalin Chube ole ule Jesucristo ole diali dale alin gire ene che mo ta gbadale ulia kiraske Jesucristo gerua giti chui tangle kaire tañachuge ulia Chube ñage che chudaboi che ama gerua gau gwangea kare gire.

Hebreos 3:6

Agwa ulia Chube Kirolla Jesucristo chku gire ama chegu ma trate ma kweri Moisége salengwli kwian u mauña kirollanu kle chege ma kweri lle boanga gwa ama alinge kare. Jesucristo agedu ulita no trate che kwian Chubenu alin ama Ñenua Chube ama gbu age kare. Ulia che ulita mo ta gbadale kiraske diali Jesucristo gai ulia gwangerugu tañachuge ulia ama ñage che chudaboi lle ulitage chui tangle dale gire ene che chege Chube oliale ulia Jesucristo giti.

2 Tesalonicenses 2:15

Cha daballa cha ibotea Jesucristo giti, cha gerule ba ole, Chube agedu no no ene ba ulita alin malen ba kledale diali Chube gerua uliadi, agwa ba me geru ngwale kle chage baske gai, ba mo ta gbadale tañachuge gwangerugu Chube gerua ulia giti, geru e ulia cha ketu bage cha kledu ba ole gire, kaire cha chada degu ba alin geru ulia e giti, ba me geru ngwale gai dale.

1 Tesalonicenses 3:8

Nege uñale chage ba ulita kle mo ta gbe no trate chage che Chugagwalla Jesucristo ole diali, nga suga noare chadi ba ulita giti, kaire ba giti cha kira gai chage ngerugu geru dbe.

Gálatas 4:26

Agwa una Jerusalén na nga ngaña giti, una e kwian Chubenu ulia unalla, kwian Chubenu ulita be toi una ege, kwian ene Sara kirolla kare. Kwian Chubenu ulia me kle tañachuge age diali Moisés chadalla alin gerule kare, e salengwli Sara me lle boanga kwian na alin kare.

1 Corintios 15:58

Cha daballa cha ibotea Jesucristo giti, cha no no ba ulita ole. Uñale ba ulitage bdagli ba be chkeni gwade toi diali chui tangle ule Chube ole, malen cha gerule ba ole, ba ulita mo ta gbadale diali gwangerugu Chube ole me mo chuge ngwadi ta gbe joge siere sidri Chubege. Ba ulita mo ta gbadale ma no dare lle boi Chube alin che Chugagwalla Jesucristo gerua kete kwiange, uñale ba ulitage ba mo ta gbe Jesucristo gerua dbe kwiange, lle ene boi Chube alin Chube takalin kare ba me kle lle boi ngwale.

Mateo 23:4

Kwian daba tkanga tangle Moisés chadalla giti kaire kwian fariseo, kwian e ulita kle age me no daba na ulita ole, ama kle daba na gbe age ulita Moisés chadalla gerule kare, kaire ama kle daba gbe age geru na ama agali kle gbe gerule kare. Ama daba na ulita gbe age ene agwa ama agali me kle age. Kaire ama me kle daba na chudaboi age no geru kle gbaba kare.

Romanos 7:3

Muinga joge onbre na nate gai mo alin onbre ngeru mo jwanba kle toi gwade gire, muinga e kle age me no, e salengwli muinga kle mo chuge ke giti onbre na ole kare, muinga onbrella ngeru kle gwade muinga ene kle age me no geru kle degaba dollale. Agwa muinga mo jwanba onbrella jogeda gire muinga ña mo jwen onbre na ole, geru me muinga ene alin, e me mo chuge ke giti kare, muinga onbrella ngeru me kle gwade ama ñage mo jwen toi onbre na gdaitre alin ole diali.

Romanos 8:15

Ba Chube olia, Chube Oña me ba ta gbe kennga ba mo ta du kennga ngeru kare tañachuge Chube be ji gbe ba alin, me ene, Chube Oña ba ta gbe no Chube ole, ene Chube Oña giti suge trate bage Chube no ba ole Chube ba gau mo oliale, ene ba gerule Chube ole ta me kennga ole: “Chube, ba cha Ñenua.”

2 Corintios 11:20

Kwian ene ulita kle age tanre me no ba ulita ole, ama mo gbe ba chugagwallale ama ba gbe lle boi mo alin, ama ba llea ba igia kade bage mo alin, ama ba anblite mo gai ulia, ama age ba ole me no ama takalin kare, amage suge ama kweri ba chugagwalla malen ama ñage age ene ba ole, ama ba bate gwage, ama ulita age ene me no ba ulita ole agwa ba kle mo ta dbe no jage ulita ta no giti kwian ene ulita kote.

Lucas 5:38

Malen diali lle gbakle gage bda kwara jagerege, ene lle gage kle lie, bda kwara me skiennga, lle gage me jogenga ngwale.