Gálatas 4:15 - Buglere

¹⁵ Ngeru cha geru Jesucristo giti tragu ba ulita ole, geru e giti ba ulita nga du suga no no mo tale geru ole, agwa nege ba me ta ene molen. Uñale chage ulia ngeru ba no no cha ole cha Jesucristo gerua tragu ba ole giti, e giti ba tañachugu no cha alin ba tadukalin mo gwagwa no jwennga kete chage, ene cha ña chage gwagwa no ole.

Gálatas 4:15 Referans Kwoze

Romanos 5:2

Che Jesucristo gau ulia, ene Jesucristo giti che chege no trate Chube gwage, kaire Jesucristo giti Chube kle age no che alin diali, che kle toi nga dba ai giti gire Chube kle che ulita ole diali, kaire chui bdagli che be joge toi Chube ole nga noge, che kle chui e manade nga suga no ole.

Colosenses 4:13

Uñale chage Epafras kwian no malen cha ñage gerule trate ba ole Epafras giti, Epafras kle tañachuge tanre no ba giti ama takalin ba toi no Chube gwa giti baini kaire ba ulita kle ngwadi. Kaire ama kle tañachuge tanre kwian Chubenu toinga una Laodiceage giti kaire kwian Chubenu toinga una Hierápolige giti.

1 Tesalonicenses 5:13

Daba ene kle lle boi no Chube alin baske ba ta dbadale no ama ole diali, ba ama gadale dage no. Kaire ba Chubenu ulita toidale ta no giti daba Chubenu na ulita ole diali.

1 Tesalonicenses 2:8

Cha noare ba ulita ole, malen cha geru Jesucristo giti du bage, me e alin, kaire cha kledu biale mo ta gbaba jogeda ba ulita giti geru dbe bage giti, cha no no ba ulita ole.

Gálatas 6:4

Ma no kwian ulita mo ta gbe tañachuge trate ulia mo giti, ene chke uñale kle mo ta gbe age no o me kle mo ta gbe age no, me tañachugale ama kle age ma no daba nage o me. Suge amage ulia ama kle age no ulita gire nga be suga no amadi mo tale e giti.

Gálatas 5:22

Kwian mo chuge ngwadi age kwian takalin kare, kwian ene be age me no diali, agwa kwian Chube Oña chuge ngwadi age ama tale, Chube Oña kwian ene ta gbe ai kare: Chube Oña kwian ta gbe mo ta dbe no daba na ulita ole. Chube Oña kwian ta gbe nga suga no ole. Chube Oña kwian ta gbe suga no me tañachuge boi daga ngwale giti. Chube Oña kwian ta gbe jage ulita boi daga ngwalege me skochie me skwatige. Chube Oña kwian ta gbe gerule ta no ole daba na ole. Chube Oña kwian ta gbe age no daba na alin daba na chudaboi. Kwian gerule be age gweale daba na alin, Chube Oña kwian ene ta gbe age ulia kwian gerudu kare.

Gálatas 4:19

Agwa cha me mo ta dbe ene ba ole, ba ulita cha kirolla cha jian kare Jesucristo giti, cha no ba ulita ole, cha kle tañachuge tanre diali ba ulita giti cha kle ba ole suiale cha me kle ba ole suiale. Ngeru ba me Cristo uñu cha ta olidu tanre ba giti, nege ba Cristo uñe, agwa ba kle joge siere geru ulia Cristo gitige, malen nabitaite cha kle ta olire tanre ba ulita giti muinga kle skibachie tanre kirogwa suiale kare, cha ta ene molen ba ulita giti. Cha takalin ba ulita Cristo gai mo Chugagwallale ene ba chage Cristo takalin kare, e giti nga be chege suga no chadi ba ulita giti, ene cha mi chege ta olire dare ba giti.

Gálatas 3:14

Jesucristo ji chugu che giti ama jokeda gli dodaba krulege ngaña che giti, ene Jesucristo giti Chube agedu no kwian alin, me kwian israelita alin allabi, agwa kwian me israelita alin kaire. Chube gerudu kare Abraham ole unsuialin, ene kaire che Jesucristo gai ulia mo tale Chube mo Oña gbe che tale ama gerudu kare sbali.

2 Corintios 8:3

Diali ama ulita kle igi kete daba na chudaboagda ama ñage kare, kaire kle mo ta gbe igi kete ma ngle ta no giti ama kle ketege, uñale chage trate ama ulita kle age ene.

Romanos 15:13

Isaías Chube gerua degu ene unsuialin Cristo giti, Chube kwian jwannga siere Cristo kagu nga dba ai giti kwian alin, ba ulita Cristo gau ulia mo jwanngale siere, cha takalin Chube ba ulita ta gbe nga suga no ole diali e giti, kaire Chube ba ulita ta gbe no modi daba bai ulita nu mo ta gbaba Cristo gai ole. Cha takalin Chube mo Oña kiralla giti ba ulita ta gbe tachke diali ma ngle ba jwannga siere giti, ene diali ba be chege chui manade nga suga no ole, chui ege ba jwannga siere be ba gbe siere boi daga ngwale ulitage.

Romanos 10:2

Uñale chage cha bitalla israelita me Chubenu kle mo ta gbe age no Chube alin, agwa ama me kle age no ulita Chube takalin kare, ama kle mo ta gbe nganake geru ulia Cristo gitige.

Lucas 8:13

Kwian gweale kle boi Chube gerua ole chude jo chke dba dbi arale ke giti ngwadi kare. Kwian e Chube gerua keruchuge, geru e gai, nga suga noare amadi geru e giti agwa ama me mo ta gbe ulia Chube ole me kle Chube gerua gai jumale ulia malen ama tale geru me ñage tige no kiraske chude me ñage sera joge dbiske ke giti me ñage tige no kare. Kwian e Chube gerua gai ulia bedre me kira ole gwangerugudba geru e gai ulia, ama boi daga ngwale Chube gerua gdale, gire ama geru e chuge ngwadi, ama jogeni naskuni chage ngeru kare.

Gálatas 4:14

Cha chku baske cha kledu oga me no me no, jingme e ngeru ba ñadu cha mlienga sugekare, agwa ba me tañachugu cha mlienga, ba ulita cha gau ngwange no lle boanga Chube alin nga ngaña giti kare, ba cha gau ngwange talla ole ba Jesucristo agali gai ngwange kare, ba ulita cha chudabo no. Ba ulita cha gau ngwange ta suga no ole cha Jesucristo gerua tragu giti.

Gálatas 4:16

Nege cha kle ka boi ba ole ba geru ulia chuge ngwadi gdale, e giti ba me tañachuge cha kle mo ta blite ba dollale cha kle mo ta dbe me no ba ole. Me ene, cha me kle gerule ba ole ta me no ole, cha me takalin ba joge siere geru uliage, e giti cha kle gerule ba ole.