Gálatas 1:1 - Buglere

^1-2 Cha Pablo chada ai degange ba ulita nga kweri Galaciage Jesucristo gaba ulia alin: Cha Jesucristo gerua ketanga, che salengwli me cha gau, che salengwli me cha gbu Jesucristo gerua ketangale. Chube che Ñenua Jesucristo jaba gbuni gwade, Jesucristo e amaña ule Chube ole cha gbu geru amanu ketadale kwiange. Daba Jesucristo gaba ngle kle aini cha ole, cha ule ama ulita ole gbi kage ba Jesucristo gaba ulita alin bai kle toi una kaire kairege kle mo lite Jesucristo geruadi nga kweri Galaciage.

Gálatas 1:1 Referans Kwoze

1 Corintios 1:1

Cha Pablo chada ai degange ba ulita Chubenu alin kle mo lite Chube geruadi una Corintoge: Chube tale Chube cha gau cha gbu Jesucristo gerua ketangale. Jesucristo gai ulia giti mo alin ba ulita chegu trate Chube gwage, Jesucristo giti ba ulita chegu Chubenu, kaire kwian tanre nga na ulitage chegu Chubenu Jesucristo giti, kwian ene ulita kle mo ta gbe ba kle mo ta gbe kare Jesucristo gai mo Chugagwallale gerule no no modi Jesucristo giti, Jesucristo che Chugagwalla, kaire Jesucristo ama ulita Chugagwalla. Cha Pablo ule daba Sóstenes ole gbi kage chada ai giti ba kwian Chubenu ulita una Corintomu alin.

Apocalipsis 1:5

Kaire cha takalin Jesucristo age no ba alin ba ulita ta gbe nga suga no ole. Jesucristo kledu toi nga dba ai giti kwianske gire ama diali gerudu salengwli ulita ama Ñenua Chube ama kagu gerule kare. Jesucristo jokeda gire Chube ama jaba gbu chkeni gwade ngerutabi kwian jaba na darege, ama mi jogekeda dareni ama be chege toi chui tangle diali. Kaire ama kwian chugagwalla ulita nga dba ai giti Chugagwalla kweri. Jesucristo no che ulita ole, malen ama mo chugu ngwadi mo boange daga ngwale ama jokeda kruge che age me no giti. Che ama gerua gai ulia gire ene che tien gitiru ji chugege che agedu me no gdale.

Romanos 1:1

Cha Pablo lle boanga Jesucristo alin chada ai degange ba kwian Chubenu ulita una Romage alin: Chube cha gau Chube cha gbu geru amanu ketangale kwian ulitage, geru e kwian jwangda siere ji chugege age me no gdale.

Efesios 3:8

Chage cha suge moge cha kwian ngwale ma soli kwian na ulita Chubenuge agwa Chube agedu no cha alin Chube cha gbu ama gerua Jesucristo giti dbe kwian me israelitage. Nga suga no chadige geru no Jesucristo giti kete kwian ulita me israelitage, geru e gerule Chube diali agekalin no no che ulita alin che kwian bai Jesucristo gerua gai ulia alin. Geru e cha kle kete chkedale uñale kwian ulitage.

Tito 1:3

Chube gerudu ngeru chku uñale chege chui gwealege Chube chui gbu kare. Chube che jwannga siere ama tale ama cha gau, ama mo gerua ketu chage gire ama cha kagu ama gerua trage kwian ole ulita.

2 Corintios 1:1

Cha Pablo chada ai degange ba ulita Chubenu alin kle mo lite Chube geruadi una Corintoge kaire daba Chubenu na ulita alin kle toi una na kaire kairege nga kweri Acayage: Chube tale Chube cha gau cha gbu Jesucristo gerua ketangale, cha ule daba Timoteo ole gbi kage chada ai giti ba ulita Jesucristo gerua gaba alin.

2 Timoteo 1:1

Cha Pablo chada ai degange ba alin Timoteo: Chube tale Chube cha gbu Jesucristo gerua ketangale, sbali Chube gerudu Jesucristo alin giti allabi kwian ñage toi chui tangle diali Chube ole, malen Chube cha gbu geru e trage kwian ole.

Romanos 10:9

Ba agali gerule kwian na ole Jesu ba Chugagwalla, kaire ba geru gai ulia mo tale Jesu jokeda Chube Jesu gbuni gwade, ene Chube ba jwen siere ji chugege age me no gdale.

Hechos 22:10

Cha geru kadu: “¿Ba takalin cha age mine cha Chugagwalla?” Gire Jesu gerudu cha ole: “Chkede gdate, chagede gwangerugu una Damasco ngnagu, una ege geru ketabe bage ba agedale giti ulita chui aige gwangerugu.”

Hechos 9:6

Cha gerule ba ole, chkede gdate, chagede gwangerugu una Damasco ngnagu, una ege geru ketabe bage ba agedale giti ulita chui aige gwangerugu.

Apocalipsis 2:8

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Esmirnamu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha amaña lle ulita Chugagwalla gwangea ngerutabi kaire cha amaña be chege lle ulita Chugagwalla chui bdaglige diali chui tangle. Cha jokeda gire cha jaba chkuni gwade, nege cha kle gwade chui tangle diali. Cha amaña kle gerule ba ulita kle mo lite Chube geruadi una Esmirnage ole,

Apocalipsis 1:18

Cha amaña kle toi gwade nege diali, cha jokeda cha jaba chkuni gwade, nege cha be chege toi diali chui tangle. Kaire cha amaña ñage kwian chuge ngwadi toi gwade nga dba ai giti kaire cha ñage kwian jwen siere nga dba ai gitige kaire cha ñage kwian jogebakeda oña kage chege toi sugekare Chubege nga kada Hadege. Cha kiraske cha ñage age ulita cha takalin kare.

1 Pedro 1:21

ama jokeda ba ulita alin gire Chube ama gbuni gwade ama duni nga ngaña giti toini ule diali, ama giti ba ulita Chube uñe ba ulita Chube gai ulia, nege Cristo giti ba ulita kle mo ta gbe Chube ole diali, bage suge Cristo giti ba kle chui manade gire ba be joge toi diali chui tangle Chube ole.

Hebreos 13:20

Ulia che Chugagwalla Jesucristo mo ketu gwaleda kwian jwen siere ji chugege age me no gdale, gire Jesucristo jokeda giti Chube geru jagere gbu egdage kwian ole chui diali dale alin. Jesucristo jokeda Chube Jesucristo gbu chkeni gwade, nege Jesucristo kle che manade no salengwli kwian bda oveja mananga no kle mo ta gbe oveja manade no kare, Jesucristo che mananga no ama kiraske kweri no trate ama kle tañachuge che giti diali. Cha takalin Chube ta suga no mauña agali ba ta gbe suga no ba ta gbe biale no trate age diali Chube takalin kare, kaire cha takalin Chube age che ulita tale ama takalin kare Jesucristo giti gire ene che ulita ñage age ulita Chube takalin kare Jesucristo kirallaske, ene Chubedi nga be suga no che ulita giti. Cha gerule no Jesucristo giti noare Jesucristo chege kweri kwian ulita gwa giti kwian ulita ama gai dage no Chugagwallale kweri chui tangle. Ene nobi.

Gálatas 1:17

ni cha jo una Jerusalénge blike geru kade kwian Jesucristo gerua ketanga ngeruge, cha cheguda una Damascoge sugeti alin tañachuge ulita Jesucristo gerudu giti cha ole gire cha jo nga kweri Arabiage gire cha chiuni una Damascoge.

Romanos 14:9

Cristo jokeda gire chkuni gwade, malen ama chegu kwian gwade kaire kwian jogeda oña Chugagwallale, che me tañachugale mo giti, ma no che tañachugale ai kare: Che toi gwade che Cristonu ama che Chugagwalla, che jogeda che Cristonu ama jogeda oña Chugagwalla.

Juan 20:21

Jesu mo kaitu ene kwian geru jwanngage gire Jesu gerudu nabitaite: —Cha takalin ba ulita ta dbe suga no. Jesu gerudu dare kwian geru jwannga ulita ole: —Cha Ñenua cha kagu lle boi ama takalin kare kwianske, ene kaire cha ba ulita kage lle boi cha takalin kare kwian me cha gerua uñeske.

Juan 10:30

Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Juan 5:19

Jesu gerudu kwian israelita ulita ole: —Cha gerule ulia ulia ba ulita ole, cha Chube Kirolla me kle age gballa mo talla giti, cha kle age ulita cha Ñenua cha ta gbe age kare, cha Ñenua kle age ulita cha gwa giti, cha age ulita ama kle age kare.

Hechos 3:15

gire ba ulita Jesu chugu ngwadi gwadaleda. Jesu alin allabi giti che toi diali chui tangle, ba ulita ama guda agwa Chube ama jaba gbuni gwade naskuni. E ulia cha kle gerule kare ba ole, cha ulita gwagedu mo gwagwa giti Jesudi boi ene ulita.

Gálatas 1:15

Cha bebi menga cha chebia kote gire ngeru Chube cha gau mau alin, Chube mo ta gbu no cha ole ngeru, malen ama cha gau geru Jesucristo giti tragadale kwian ole. Cha tigedu cha tañachugu cha enusulian israelita alin suia giti,