Efesios 6:18 - Buglere

¹⁸ Ba ulita Chubenu mo ta gbadale gerule Chube ole diali Chube Oña kle ba ta gbe gerule kare lle ulita kle boi giti ba kira kade Chubege ene ba me age me no Chube dollale dolla Satanás takalin kare. Ba kledale ta giti me skwatige gerule Chube ole, ba mo ta gbe gwangerugu gerule diali Chube ole kwian na ulita Cristo gerua gaba giti.

Efesios 6:18 Referans Kwoze

1 Tesalonicenses 5:17

Ba ulita gerudale Chube ole diali.

Colosenses 4:2

Ba kwian ulita Cristo gerua gaba, ba mo ta gbadale gerule Chube ole diali lle ulita giti. Ba kledale ta giti me skwatige gerule Chube ole me tañachuge lle ngwale alin giti ba kle gerule Chube ole gire. Diali ba gerudale no Chube ole ama kle age ba alin giti.

Filipenses 4:6

Ba me tañachugadale tanre ba boi daga ngwale giti, ma no ba gerule Chube ole ulita kle boi ba ole giti, ba e ulita jige Chubege. Ba mo chudaboi ulita kade Chubege, ene Chube be ba chudaboi, Chube be age no ba alin. Ba me mo chudaboi alin kade Chubege, kaire ba gerudale Chubege: “Chube, noare ba kle cha keruchuge, noare ba kle cha chudaboi diali.”

1 Timoteo 2:1

Cha gerule ba ole, ba ulita bai kaire Chube gaba ulia gerudale Chube ole kwian nga ulitage giti, ba chudaboi kade Chubege kwian ulita alin diali. Chube age no kwian ene alin gire ba gerudale: “Chube, noare ba kle kwian ulita chudaboi, noare ba kle ama manade.”

Judas 1:20

Cha gerule no no ba ulita ole cha bitalla Jesucristo giti, ba mo ta gbadale trate diali chage ta giti Chube ole, ba mo ta gbadale ma no diali Chube gerua gai ulia, ba Chube Oña chugale ngwadi ba ta gbe suge, ene ba ñage gerule no Chube ole Chube takalin kare.

Marcos 14:38

Ba ulita mo ta gbadale chege gwade, ba gerudale Chube ole mo chudaboi kade amage, ene ba me ta jwlite age me no ba takalin kare. Uñale chage ulia ba ta agekalin ulita cha kle gerule kare, agwa ba me kira molen age cha takalin kare, malen ba gerudale Chube ole kira kade amage mo ta kira gbagda.

Lucas 21:36

Ba ulita kledale biale trate ta no ole cha ngwange, ba kira kadadale Chubege ba gerudale chui gdale Chube ole, ene ba be kle biale ba ñage tien gitiru lle ulita be boi me noge chui bdaglige, ba kle biale ene chui ege ba be kle cha ole ba mi ibule cha ngeru —Jesu gerudu ene ulita kwian geru jwannga ole.

Mateo 26:41

Ba ulita mo ta gbadale chege gwade, ba gerudale Chube ole mo chudaboi kade amage, ene ba me ta jwlite joge siere cháge age me no. Uñale chage ulia ba ta agekalin ulita cha kle gerule kare agwa ba me kira molen age cha takalin kare, malen ba gerudale Chube ole kira kade amage mo alin.

Efesios 1:16

Ba kwian ene malen cha gerule no Chube ole Chube kle ba ta gbe age ene giti, nga suga noare chadige Chube kle age no ba alin ama kle ba ta gbe toi no daba na ole.

Romanos 12:12

Chui be chke gire Jesucristo be ba dbe ule ama ole toi ama kle ngwadi diali chui tangle, ba mo ta dbadale nga suga no ole e giti chui e manade ngwange. Ba mo ta gbadale jage boi daga ngwalege. Ba gerudale Chube ole diali.

Marcos 13:33

Cha gerule ulia ba ole, me uñale bage ngaminegire cha be chieni malen ba kledale ta giti diali chui ulitage, ba ta kledale biale cha chieni chuia ngwange, me skate alenske ta me gbaba biale cha be chieni chuiage.

1 Pedro 4:7

Chui bdagli chege kodi malen ba ulita Chubenu mo ta gbadale tañachuge no trate diali Chube takalin kare me mo chuge ngwadi tañachuge age me no, ene ba ñage gerule no Chube ole ta no trate giti diali.

Hechos 1:14

Una Jerusalénge ama ulita kledu mo lite ule diali gerule Chube ole, kaire Jesu daballanu ulita kaire Jesu chebia kadakle María kaire muinga na kledu mo lite diali ule gerule Chube ole.

Lucas 22:46

Jesu gerudu: —¿Mineade ba ulita kle gbe? Chke bduge gerule Chube ole, ene ba me ta jwlite joge siere chage age me no.

Hebreos 5:7

Jesucristo kledu toi nga dba ai giti gire ama gerudu kiraske Chube ole ta olire tanre ama bebi jogekeda sugetigebi gire, ama gerudu Chube ole: “Cha Ñenua, uñale chage ba kiraske tanre, cha takalin ba cha jwen siere boi daga ngwalege ene cha me jogekeda. Agwa ulia cha ta agekalin ulita ba takalin cha age kare.” Jesucristo gerudu ene Chube ole chudaboi kade Chubege Chube me ama chuge ngwadi jogeda. Ulia Jesucristo Chube Kirolla, ama tadu agekalin ulita ama Ñenua Chube takalin kare, malen Chube Jesucristo keruchugu ama Jesucristo ta gbu kiraske mo chuge ngwadi boi daga ngwale gwaleda kwian ulita agenga me no giti Chube tadukalin kare. Jesucristo boidu giti sugedu Jesucristoge mnoare Chube gerua gbe gdadi age diali Chube takalin kare, agwa ama mo ta gbu age Chube takalin kare boi daga ngwaleske.

2 Timoteo 1:3

Cha kle lle boi Chube alin ta no trate ole cha enusulian unsuialin lle bo Chube alin kare. Cha kle gerule Chube ole gire diali cha tachke bage, cha gerule ba giti Chube ole ai kare: “Chube, noare Timoteo kle ba gerua gai ulia, cha takalin ba ama chudaboi lle ulitage.” Cha gerule ene kare Chube ole ba giti diali.

Efesios 6:19

Kaire agwe ba gerudale Chube ole cha giti Chube cha ta gbe gerule trate kwian ole Cristo giti, kaire ama cha ta gbe gerule no trate ama kirallaske kwian ole me kennga gerule kwian ole, ene cha giti kwian ulita israelita kaire me israelita ñage geru Cristo giti keruchuge ñage geru Cristo giti gai ulia, ene ama ñage chege no salengwli kwaitre alin Chube gwa giti.

Hechos 12:5

Pedro tkere skage, guardia kwian skage mananga Pedro manade no ene Pedro me kige. Pedro kle skage gire kwian nu Jesu gerua gaba ulia me chegu ta chuge gerule Chube ole Pedro kle skage giti, kwian ulita kledu gerule Chube ole ene: “Chube, noare ba Pedro chudaboi ba ama jwen siere skage.”

Hechos 10:2

Cornelio diali mo ta gbu chage trate no Chube gwa giti Chube gai dage, ama ule mo muiralla ole mo olia ulita ole Chube gau dage, ama igi ketu ngle kwian israelitage bai me lle molen chudaboi kaire ama diali mo ta gbu no gerule Chube ole.

Hechos 6:4

Ene cha ulita gdataboko giti gdaboke be mo ta gbe kwian tke tangle geru Jesu gitige alin allabi, kaire cha ulita be mo ta gbe gerule Chube ole lle ulita giti kaire ba ulita giti diali ngerugu.

Efesios 3:18

malen cha gerule ba ole Chube, ba ama ta gbe kaire ba kwian na ulita nu Cristo gaba ulia ta gbe suge trate ulia mo tale Cristo no no ama ole chui tangle diali.

Efesios 3:8

Chage cha suge moge cha kwian ngwale ma soli kwian na ulita Chubenuge agwa Chube agedu no cha alin Chube cha gbu ama gerua Jesucristo giti dbe kwian me israelitage. Nga suga no chadige geru no Jesucristo giti kete kwian ulita me israelitage, geru e gerule Chube diali agekalin no no che ulita alin che kwian bai Jesucristo gerua gai ulia alin. Geru e cha kle kete chkedale uñale kwian ulitage.

Romanos 8:15

Ba Chube olia, Chube Oña me ba ta gbe kennga ba mo ta du kennga ngeru kare tañachuge Chube be ji gbe ba alin, me ene, Chube Oña ba ta gbe no Chube ole, ene Chube Oña giti suge trate bage Chube no ba ole Chube ba gau mo oliale, ene ba gerule Chube ole ta me kennga ole: “Chube, ba cha Ñenua.”

Efesios 2:22

Jesucristo giti ba kwian me israelita chegu no kwaitre alin ule cha kwian israelita ole salengwli u gbaite gbakle kare. Chube mo Oña kagu toi che ulita tale, ene Chube Oña giti Chube kle che ole diali kaire che ta chege ama ole diali.

Lucas 3:37

Lamec Matusalén kirolla, Matusalén Enoc kirolla, Enoc Jared kirolla, Jared Mahalaleel kirolla, Mahalaleel Cainán kirolla,

Gálatas 4:6

Nege che Chubenu ulia, malen Chube mo Kirolla Oña kagu che tale, Chube Kirolla Oña che ta gbe gerule Chube ole: “Chube, ba cha Ñenua.”

Lucas 3:26

Nagai Maat kirolla, Maat Matatías kirolla, Matatías Semei kirolla, Semei Josec kirolla, Josec Judá kirolla,

Colosenses 1:3

Chage geru chku uñale ba Chube gerua Jesucristo giti keruchugu ba geru e gau ulia ba mo ta gbu ulia ulia gwangerugu geru Jesucristo giti gai mo tale, kaire chku uñale chage ba kle mo ta dbe no daba na ulita Chubenu ole. Geru e ulita ba giti chku uñale chage malen diali cha kle gerule Chube che Chugagwalla Jesucristo Ñenua ole ba giti, Chube ole cha kle gerule no ba giti ai kare: “Chube, noare kwian gweale una Colosamu ba gerua Jesucristo giti gau ulia, ama ulita kle toi no modi ongoru ongoru.” Cha kle gerule ene no ba ulita giti Chube ole.

Mateo 17:21

Kwian jwligebanga dolla tirare kote kirogwa e kare, ba ta dolla e kare kagakalin siere kwiange ba mo ta gbadale mo tke bage bligdage gerule tanre Chube ole kira kade amage dolla kagagda siere kwiange, ene ba ñage. Ba me mo tke bage bligdage ni gerule Chube ole kira kade amage, ene ba me ñage dolla e kare kage siere kwiange —Jesu gerudu ene kwian geru jwannga amage ulita ole.