Efesios 6:1 - Buglere

¹ Cha gerule ba ole, ba kirogwa ulita muirenu onbrenu, ba mo ñenua mo chebia gadale dage diali, ba agedale ba ñenua ba chebia gerule kare Chube gerua degaba gerule kare. Ba age ene, e no trate ba Chugagwalla Chube gwa giti.

Efesios 6:1 Referans Kwoze

1 Timoteo 5:4

Muinga gweale me chege ñengulage, ama chege kirollage bdadallage, kirolla ñage mo chebia chudaboi kaire bdadalla ñage mo sulian chudaboi, kirolla kaire bdadalla me ñage chudaboi kade kwian nage mo chebia alin mo sulian alin. Chebia, sulian ama manadu no ulita jo juma, malen kirolla mo chebia chudaboadale bdadalla mo sulian chudaboadale, Chube gwage age ene e ulita no, Chubedi nga suga no kwian age ene mo bitalla alin.

Romanos 12:2

Ba ulita Chube uñe me toidale dare ba toidu ngeru kare kwian me Chube uñe kle toi kare, ma no ba mo ta gbadale tañachuge diali nganake Chube takalin kare, ene ba be toi Chube takalin kare, ene kaire be suge trate bage Chube takalin mine, ene ba ñage age no ama alin ulita no trate ama takalin kare ama gwage.

Romanos 7:12

Moisés nu Chube gerua degaba, geru e no trate ulita, geru e ni gbaite me no, geru e gbaite gbaite ulita gerule no trate Chube takalin kare.

Lucas 2:51

Jesu joni gudegu ule José ole María ole, jo chkeni una Nazarege, una ege Jesu toidu José ole María ole Jesu José gau dage María gau dage diali. Jesu boidu ulita una Jerusalénge María geru e manadu mo tale, María me ta jonga geru ege mo tale.

1 Pedro 2:13

Ba ulita mo chugagwalla ulita nga dba ai giti gadale dage age ama gerule kare, Chugagwalla Chube takalin ba mo ta gbe age no ene chugagwalla nga dba ai giti ole. Chugagwalla ma kweri chugagwalla na ulitage nga dba ai giti, ba ulita ama gadale dage,

1 Corintios 15:58

Cha daballa cha ibotea Jesucristo giti, cha no no ba ulita ole. Uñale ba ulitage bdagli ba be chkeni gwade toi diali chui tangle ule Chube ole, malen cha gerule ba ole, ba ulita mo ta gbadale diali gwangerugu Chube ole me mo chuge ngwadi ta gbe joge siere sidri Chubege. Ba ulita mo ta gbadale ma no dare lle boi Chube alin che Chugagwalla Jesucristo gerua kete kwiange, uñale ba ulitage ba mo ta gbe Jesucristo gerua dbe kwiange, lle ene boi Chube alin Chube takalin kare ba me kle lle boi ngwale.

Romanos 16:2

Cha takalin ba ama gai ngwange no che Chugagwalla Jesucristo giti, ama no Jesucristo ole. Ba daba na nu Jesucristo gaba ulia gai ngwange no kare ba muinga ai gai ngwange no ta ene ole, ba ama chudaboi no ulita ama takalin kare, ama daba na chudaboanga tanre no, kaire ama cha chudabo tanre, ene ba ama chudaboale kaire.