Efesios 4:12 - Buglere

¹² Cristo ta kete ene kwian ama gerua gabage gdaite gdaite kaire kaire, ene kwian ñage age Cristo takalin kare daba chudaboi, ñage daba kira gbe lle boi kaire Chube alin. Ene che ulita Cristo gerua ganga ñage kira gai ma ngle ule kwaitre alin,

Efesios 4:12 Referans Kwoze

Efesios 4:16

Cristo che ulita gdaite gdaite gbu ule kwaitre alin ama jegwalenu kare, malen che ulita mo chudaboadale ongoru ongoru ene che ñage chege mne gdaite salengwli ule ta no ole. Che ulita gdaite gdaite mo ta gbadale lle boi salengwli Cristo ta kete chege kare daba chudaboagda, ene che ulita ñage kira gai moge ongoru ongoru, che ñage toi no ule ta no ole.

1 Corintios 12:27

Ene kaire ba ulita Chubenu, ba Cristo jegwalenu kare, ba ulita gdaite gdaite Cristo jegwale gwealenu kare.

Romanos 15:14

Cha daballa cha ibotea Jesucristo giti, uñale chage trate ba giti ba ulita kle mo ta gbe age no modi ulita daba alin, ba geru ulia uñe trate, uñale bage trate ba chagedale mine Chube takalin kare, ba ñage tachke ngle daba tke tangle modi ongoru ongoru chage no Chube takalin kare.

1 Corintios 14:26

Cha daballa cha ibotea Jesucristo giti, cha takalin suge ba ulitage cha kledu gerule kare, ba ulita mo lite ule Chube geruadi, gweale ñage mo gate Chube giti, na gweale ñage daba tke tangle, na gweale ñage Chube gerua kete dabage Chube ama ta gbe gerule kare, gweale na ñage gerule kwira nale me jwanba, gweale na ñage kwira nale blite tragale daba ole daba e kwirale. Ba ulita gdaite gdaite kle lle ene kare boi kaire kaire daba Chubenuske, ba mo ta gbale tañachuge daba Chubenu na giti Chube gerua gbe chke ma ngle daba tale, ene daba mo ta gbe chage ma no Chube geruadi.

Romanos 14:19

Ma no che ulita Chubenu mo ta gbadale age no daba ulita ole, ta ene giti che ulita ñage mo chudaboi ongoru ongoru salengwli ta gbe suge ma ngle geru Cristo gitige, ene che ulita ta chege ule kwaitre alin.

1 Timoteo 1:12

Jesucristo che Chugagwalla diali kira kete chage lle boi ama alin, nga suga noare chadi e giti. Uñale amage cha be lle boi no ama alin, malen ama cha gau ama cha gbu geru amanu trage no diali kwian ulita ole, nga suga noare chadi.

1 Corintios 14:12

Malen cha gerule ba ulita ole, ba ulita takalin Chube Oña ta kete bage lle gweale boi Chube alin daba Chubenuske, ma no ba ta kade Chube Oñage daba Chubenu na tkale tangle Chube geruage daba kle gerule kare kwirale, ene ba daba na Chubenu ulita chudaboi ta gbe ma no chage Chube geruadi.

Hebreos 13:17

Cha gerule ba ulita Chubenu ole, ba mo chugagwalla ba ta mananga Chube geruadi gadale dage ba agedale ama gerule kare, ama kle ba ulita manade no gerudi diali kle tañachuge ba giti kle ba chudaboi chage no Jesucristo geruage, ama me skwatige mo ta gbe ba tke tangle diali no Chube geruage. Ama kle mo ta gbe ene ama kle ba manade no, uñale amage bdagli ama gerudale Chube ole ama lle bo ulita giti ba ulitaske. Ba kwian ene gadale dage ba chugagwallale, ba agedale ulita ba chugagwalla e gerule kare gire amadi nga be suga noare. Agwa ba me ama gerua gbe gdadi gire ama be chege ta olire ole, kaire Chube mi age no ba alin ba tale chugagwalla e giti, malen ba mo ta gbadale ba chugagwalla gerua gbe gdadi Chube takalin kare.

Hebreos 6:1

Ma no che ulita chege ene kwian juma bligda ulita gutanga kare. Ulia cha gerule ba ulita ole, ba mo ta gbadale gwangerugu Chube gerua ulita jwen ma no trate. Ba me ñage chege geru amaña ba gau gwangeabi alin jwen diali, ba geru e amaña jigadale mo tale mo nate gire ni chege geru e alin jwen diali, geru e klebi uñale ba tale. Ba mo ta gbadale geru na Jesucristo giti jwen ma ngle diali. Ba me mo ta gbadale tañachuge diali ba agedu me no gire ba mo ta blitu Chube ole giti. Ba me mo ta gbadale tañachuge diali ba Jesucristo gerua gau ulia giti alin allabi.

2 Corintios 6:3

Cha kle lle boi Chube alin geru Jesucristo giti dbe kwian ulitaske, diali cha kle mo ta gbe chage ta giti trate me age sidri me no kwian ulita gwa giti, ene kwian gdaite me ñage gerule me no Jesucristo geruadi cha kbiale.

2 Corintios 5:18

Chube alin ñage age ene kwian tale Cristo giti. Ngeru cha kledu tañachuge ulita age ulita Chube dollale, agwa Cristo giti Chube cha gbu ama skatemanallale, ene nege Cristo giti cha ta chege no Chube ole, nege Chube kle cha kage geru Cristo giti kete kwian nage, ene kwian na kaire ñage chege Chube skatemanallale Cristo gai ulia giti.

Lucas 22:32

Gire cha gerudu tanre ba giti Chube ole: “Cha Ñenua, cha takalin ba Simón ta gbe chage no cha alin ole diali me mo ta blite Satanás ole. Ba kira kete amage, ene ama mi joge siere cha geruage.” Cha gerudu ene Chube ole ba giti. Uñale chage ba be mo ta blite sugeti Satanás ole, gire bigwa ba be tachkeni chage, ba be mo ta bliteni cha ole naskuni gire ba geru jwannga na ulita chudaboadale chage no kiraske diali cha geruage.

2 Timoteo 4:5

Timoteo, ba mo ta gbadale tañachuge no trate geru ulia alinge, ba me mo chuge ngwadi tañachuge nganake. Ba boi daga ngwale Chube gerua giti ba mo ta gbadale diali lle boi ngerugu Chube alin. Ba chagedale ngage kaire kaire gerule kwian ole Jesucristo giti, Chube ba gau ba gbu lle boi ama alin, ba lle e boadale no no diali.

Colosenses 4:17

Ba gerudale Arquipo ole cha Pablo kle geru kage ama alin ene: “Ba Arquipo cha daballa Cristo giti, ba diali agedale ulita Chube kle ba ta gbe age ama alin kare. Ba me ñage mo ta blite me lle boi Chube alin, ba diali tañachugadale lle boi Chube alin Chube ba gau kare.” Ba geru ai kete ene cha alin Arquipoge.

Colosenses 1:28

Geru ai amaña Cristo giti cha kle chage dbe kwian ulitaske kwian ulita tke tangle Cristo gerua ulia giti Chube kirallaske kaire cha kle kwian ta gbe ama toidale mine Chube gwa giti, cha kle geru kete ene kwiange ene chui bdaglige Chube gwa giti kwian ulita Cristo ganga ulia ñage chege no trate ta ole Chube gerua giti Chube gwa giti.

Colosenses 1:24

Geru Cristo giti cha kle dbe kwiange, e gdale cha kle boi daga ngwale Cristo gerudu gwangeabi kwian ama gerua ganga be boi kare. Agwa kaire chadi nga suga no cha kle boi daga ngwale giti ba ulita Cristo gerua ganga ulia alin. Chage suge cha kle mo boange daga ngwale Cristo gerua gdale Cristo bole kare che ulita ama gerua ganga alin, ene che ulita ñage chege ama jegwalenu kare kwaitre alin.

2 Corintios 12:19

Ba gweale ñage tañachuge chadi cha kle chada ai degange ba ulita alin ba ta blitagda tañachuge no cha giti me tañachuge dare cha agedu ulia me no ba kle tañachuge kare, me ene, ulita cha kle gerule kare ba ole ba ulita chudaboagda ta suge ma no gwangerugu Cristo giti, suge chage cha kle gerule Chube gwa giti ba ole cha Cristo uñanga ulia age Cristo takalin kare. Ba ulita cha bitalla kare Cristo giti, cha no no ba ulita ole malen cha gerule ene ba ole, cha takalin ba ta chege no Cristo ole me tañachuge nganake.

2 Corintios 7:1

Cha bitalla Cristo giti, cha no no ba ulita ole, cha gerule ba ulita ole ulia Chube age ene ulita che alin ama gerudu kare, malen che ulita Chubenu mo ta gbadale chege sugekare age me no ulitage tañachuge me no ulitage, che mo ta gbadale Chube gai dage, ene che be age ma no tañachuge ma no trate diali Chube takalin kare.

2 Corintios 4:1

Chube taidu dage chage agedu no cha alin, ama agali cha gau cha gbu ama gerua jagere Jesucristo giti dbe kwianske, malen cha me skwatige cha me e chuge ngwadi, cha mo ta gbe gwangerugu geru dbe Chube alin.

2 Corintios 3:8

Geru e chku kwianske Moisés giti Chube chralla ole, geru e no, agwa ulia Chube gerua jagere ma no ma kiraske ulita, geru jagere joge chke kwian tale Chube Oña kiralla giti, geru jagere giti Chube Oña kwian ta blite Chube ole ene kwian ñage age no ulita Chube takalin kare.

1 Corintios 14:14

Cha gerule Chube ole daba Chubenuske kwira nale me daba kle gerule kare kwirale ni cha kle gerule kare kwirale, cha gerule Chube ole kwira enere Chube Oña cha ta gbe kare, cha kle gerule Chube ole agwa geru e me suge dabage ni suge chage, cha kle gerule ene alin e me daba chudaboi.

Romanos 15:29

Uñale chage Cristo be age no cha alin kaire ba ulita alin cha kle baske gire.

Romanos 15:2

Che ulita mo ta gbadale age no daba na me geru uñe taneke alin me tañachuge mo giti che ta agekalin mine mo alin, ene che giti geru ulia ñage suge ma trate dabage, ene daba ñage mo ta gbe ma no diali geru uliage.

Romanos 12:7

Chube ta kete che gwealege daba na chudaboi che mo ta gbadale daba na chudaboi no. Chube ta kete che gwealege daba na tke tangle Chube geruage che mo ta gbadale daba na tke tangle no.

Hechos 20:28

Ba agali kwian Chubenu chugagwalla ulita chagedale ta giti, kaire ba kwian Chubenu na ulita manadale no ta giti. Chube Oña ba gau ba gbu kwian Chubenu manade, malen ba mo ta gbadale kwian Chubenu ulita manade no Chube gerua Jesu gitidi. Jesu jokeda giti kwian Jesu gau ulia kwian ene ulita Chubenu ba manadale no Chube geruadi.

Hechos 20:24

Chube lle ketu boale chage nga dba ai giti ama gerua dbe kwian ulitage, malen cha chage ta suga no no ole Chube gerua Jesu giti trage kwian ole nga ulitage, Chube no kwian ole geru amanu kwian ulitage chkedale uñale. Cha toi gwade o cha jogeda e giti cha me tallade, agwa cha Chube gerua ketakalin kwian ulitage, Chube gerua Jesu giti chkedale uñale kwian ulitage.

Hechos 11:23

Bernabé jo chke llani kwian una Antioquíamu nu Jesu gerua gabadige, gire Bernabé gwagedu Chube ageba no tanre ulia kwian una Antioquíamu alin, e giti Bernabédi nga chegu suga noare kwian Jesu gerua gaba giti. Bernabé kwian Jesu gerua gaba una ege ta gbu, Bernabé gerudu: —Ba mo ta gbe ulia Jesuge chage no diali gwangerugu Jesu geruadi.

Hechos 9:31

Gire chui sbali kwian Jesu gerua dollale me chagedu dare kwian Jesu gerua ganga nate tkale skage Jesu gerua gdale, kwian Jesu gerua ganga ulita nga Judeage nga Galileage nga Samariage chegu toi no me boi daga ngwale Jesu gerua gdale. Chube Oña kwian Jesu gerua ganga ulita chudabo tanre, ene kwian kira gau toi ma no Jesu takalin kare, kaire kwian mo ta gbu Jesu gai dage ma no ulia mo Chugagwallale. Diali kwian na dare Jesu gerua gau ulia, gire ama ulita mo litu ule kaire daba na ulita ole Jesu geruadi.

Hechos 1:25

Daba boke ai ba gdaite gai ene ama chege lle boi Jesu gerua ketangale cha ole Judas-Iscariote tanege. Judas-Iscariote me agedu no Jesu ole malen Judas-Iscariote me ñadu lle boi dare Chube alin, Judas-Iscariote oña jo nga ji chugangwage nga dbigu giti.”

Hechos 1:17

Judas-Iscariote ama geru jwannga Jesuge ama lle boanga Chube alin cha ulita gdataboko giti gdaite ole ule.

2 Timoteo 4:11

Lucas alin kle aini cha ole. Timoteo, ba chie ba joge Marcos nate, ba chie Marcos dbe ule, Marcos ñage cha chudaboi lle boi Chube alin aini.

Efesios 4:29

Ba ulita Chube gerua Cristo giti gau ulia ba me gerudale jain jain sugaska, ba geru no jwandale mo kate diali daba kira gbe geru no ba kle gerule giti kaire ba daba ta gbe nga suga no ole, geru ulita no ba jwandale mo kate daba na ologe, ba gerule no ene giti daba ñage mo ta gbe no Chube ole, ene ba kle age no daba alin Chube gwa giti.

Efesios 4:4

Che ulita Cristo gerua gaba ulia che chege salengwli Cristo jegwalenu kare, che ulita kwian gdaitre alin kare Cristo giti che ulita ta chege salengwli, Chube Oña gdaitre alin kle che ulita Cristo gerua gaba ulia tale, che mo ta gbadale suge moge ulia Chube be age no che alin che be toi ama ole nga ngaña giti chui bdaglige.

2 Corintios 13:9

Nga suga no no chadi joge chke baske me ka boi ba ole me gerule mno kiraske ba ole ba gbe ji chuge ba kle age me no giti. Cha me gerule mno kiraske ba ulita ole kwian gweale ñage tañachuge cha giti cha kwian ngwale cha me kle gerule Jesucristo kiralla giti, cha me tallade kwian kle tañachuge ene cha giti, ma no cha alin ba ulita skwen cháge mo ta gbaba age no ulita joge siere age me no ulitage, ene nga suga no chadi ba ulita giti. Diali cha kle gerule Chube ole ba ulita giti cha takalin Chube ba ta gbe ma no ama ole diali age ma no diali ama takalin kare.

1 Corintios 12:7

Kwian Chubenu gdaite gdaitege Chube Oña ta kete lle kaire kaire boi daba na Chubenu ulita chudaboagda ta gbe ma no Chube geruadi, Chube Oña kiralla giti kwian Chubenu ñage age ene daba chudaboi.

Romanos 12:5

Ene kaire che ulita Chube gaba ulia, che ngle Cristonu, agwa Cristo giti che ulita mo kaire kaire kle ule kwaitre alin kwian jegwale ulita kle ule gdaitre alin kare.

2 Corintios 13:11

Bdagli cha gerule ba ole chada ai giti ba ulita cha bitalla kare Jesucristo giti, cha takalin ba ulita toi ta suga no ole, cha takalin ba ulita mo ta gbe toi trate Chube gwa giti Chube takalin kare ba ulita mo ta gbale kira gbe modi ongoru ongoru chage gwangerugu Jesucristo geruadi ba ulita toidale ta suge salengwli modi ta taingwli ole me kira bate modi, ba ulita toi ene Chube che ta gbanga no daba na ole che ta gbanga nga suga no ole, ama be kle ba ulita ole diali.