Efesios 3:7 - Buglere

⁷ Uñale chage cha me ñage geru dbe kwianske gballa mo kiralla giti agwa Chube agedu no cha alin Chube cha gbu geru no amanu Jesucristo giti dbe ama kiralla giti ba ulita me israelitaske.

Efesios 3:7 Referans Kwoze

Efesios 1:19

Kaire ba ama ta gbe suge ba kiraske tanre lle ulita giti ba ñage age ulita ba takalin kare cha ulita Jesucristo gerua ganga alin. Ene nobi Chube.” Cha kle gerule ene ulita ba giti Chube ole. Chube agedu no ba alin mo kiralla giti ene kaire kira ai amaña giti Chube Cristo gbuni gwade. Ama Cristo gbuni gwade gire Chube Cristo gbu toi dba mo ngena ko taingwli giti nga ngaña giti kwian ulita nga ulitage Chugagwallale. Chube Cristo gbu ma kweri ma kiraske kwian ulitage nga dba ai giti kaire lle boanga Chube alin nga ngaña gitige kaire che dolla Satanáge kaire dolla Satanás chudaboangallage, Cristo chegu ma kweri ma kiraske ama ulitage chui negege tangle kaire chui tangle diali.

Efesios 3:20

Cha kle gerule ene Chube ole ba ulita giti, uñale chage che lle ulita kade Chubege ama ñage age ulita mo kiralla giti, ama kira molen lle ulita boi. Kaire Chube age ma ngle che alin ama takalin kare che kle lle kadege kaire che kle tañachuge gitige, che me ñage tañachuge Chube me ñage che chudaboi lle gweale che takalinge giti. Uñale chage Chube Oña kiralla giti Chube ñage age no ma ngle che kle tañachuge karege. Chube Oña kle che tale, ama giti kle suge chege Chube kle age no diali che alin ta no giti.

Efesios 3:2

Bage uñale Chube agedu no ba alin cha giti, Chube cha gbu geru no Jesucristo giti kete bage.

2 Corintios 3:6

Unsuialin Chube Moisés ta gbu Chube gerua dege kwian israelita alin, Moisés geru e degu kwian alin, kwian me ñadu age geru e ulita gerule kare, malen geru e giti kwian chegu jiske sugekare Chubege. Agwa nege tangle Chube cha gau Chube cha gbu geru no jagere trage kwian ulita ole, Chube kle kira kete chage kle ta kete chage geru e jagere dbe kwianske, Chube Oña giti geru e suge kwiange, kwian geru e gai ulia giti kwian chege toi diali chui tangle ule Chube ole.

1 Tesalonicenses 2:13

Diali cha gerule Chube ole ba ulita giti ta suga noare ole, ba ulita cha keruchugu Chube gerua Jesucristo giti trage, ba Chube gerua keruchugu gire ba Chube gerua gau ulia, sugedu bage ulia e Chube gerua me kwian gerua, ulia ba Chube gerua Jesucristo giti gau, geru e ba ta blitu, nege ba kle mo ta gbe toi Chube gerua gerule kare.

Colosenses 1:29

Cha takalin chege cha kle gerule kare malen cha kle mo ta gbe kiraske lle boi diali Chube takalin kare Chube kirallaske kwian ulita alin.

1 Corintios 15:10

Chube agedu no no cha alin, ama cha gau lle boi ama alin, ama ta ketu chage lle boi ama alin ama takalin kare. Chube me cha gau ngwale dale, me ene, cha kle lle boi no no, cha kle lle boi ma giti dare kwian Jesucristo gerua ketanga na ulitage. Cha kle lle boi ene cha me kle age mo kiralla giti, Chube no no cha ole, Chube mo kiralla giti cha chudaboi lle boi no.

1 Corintios 3:5

Cha Pablo kaire Apolos bonate salengwli lle boanga Chube alin, cha Pablo me ma kweri Apologe, Apolos me ma kweri chage, cha boke lle bo mo kaire kaire Chube gerua amaña dbe Chube cha ta gbu lle boi kare, cha giti Apolos giti ba Chube gerua keruchugu ba geru gau ulia.

Romanos 1:5

Jesucristo giti Chube agedu no cha alin, ama cha gau geru Jesucristo giti ketangale kwian ulitage, ene geru Jesucristo giti ñage joge kwian me israelita ulitaske, ene kwian me israelita tanre be geru Jesucristo giti gai ulia be Jesucristo gai dage be age Jesucristo takalin kare.

Efesios 4:16

Cristo che ulita gdaite gdaite gbu ule kwaitre alin ama jegwalenu kare, malen che ulita mo chudaboadale ongoru ongoru ene che ñage chege mne gdaite salengwli ule ta no ole. Che ulita gdaite gdaite mo ta gbadale lle boi salengwli Cristo ta kete chege kare daba chudaboagda, ene che ulita ñage kira gai moge ongoru ongoru, che ñage toi no ule ta no ole.

Efesios 3:8

Chage cha suge moge cha kwian ngwale ma soli kwian na ulita Chubenuge agwa Chube agedu no cha alin Chube cha gbu ama gerua Jesucristo giti dbe kwian me israelitage. Nga suga no chadige geru no Jesucristo giti kete kwian ulita me israelitage, geru e gerule Chube diali agekalin no no che ulita alin che kwian bai Jesucristo gerua gai ulia alin. Geru e cha kle kete chkedale uñale kwian ulitage.

Gálatas 2:8

Chube Pedro gau ta gbu kagu Jesucristo gerua ketangale kwian israelitaske, kaire Chube cha gau, Chube cha ta gbu, Chube cha kagu Jesucristo gerua ketangale ba kwian me israelitaske.

2 Corintios 4:1

Chube taidu dage chage agedu no cha alin, ama agali cha gau cha gbu ama gerua jagere Jesucristo giti dbe kwianske, malen cha me skwatige cha me e chuge ngwadi, cha mo ta gbe gwangerugu geru dbe Chube alin.

Hechos 9:15

Jesu gerudu Ananías ole: —Joga, ba kle gerule kare ama giti e ulia, agwa nege cha ama gau mau alin kagadale cha gerua dbe kwian tanrege, ama be cha gerua kete kwian israelitage kwian me israelitage kaire ama be cha gerua kete kwian nga ulitamu chugagwallage, cha be ama kage cha gerua trage kwian ene ole.

Romanos 12:3

Chube mo ta gbu no cha ole, ama cha gbu ama gerua ketangale. Cha gerule ba ulita ole, ba gweale me ñage tañachuge mo tale mo giti: “Cha ma no daba nage, cha kle lle boi Chube alin ma no daba na ulitage.” Me no tañachuge ene mo giti, agwa ma no gdaite gdaite tañachuge trate mo kaire kaire Chube ba ta gbu kare ba mo ta gbu Chube gai kare, ba gdaite gdaite mo kaire kaire tachkedale lle boi no Chube alin, gweale lle ma kweri boi, gweale lle soli boi Chube ba ta gbe lle boi kare, Chube ba ta gbe mo kaire kaire lle boi ama alin ama takalin kare.