Efesios 3:13 - Buglere

¹³ Malen cha gerule ba ulita ole, ba me ta olire cha giti cha kle boi daga ngwale Jesucristo gerua kete bage gdale, ba me sugedale moge jiske chage, agwa ma no ba mo ta gbe nga suga no ole cha kle boi daga ngwale giti ba alin. Sugedale bage cha kle boi daga ngwale Jesucristo gerua dbe giti e no ba alin.

Efesios 3:13 Referans Kwoze

2 Tesalonicenses 3:13

Cha daballa cha ibotea Jesucristo giti, ba ulita me mo ta gbe skwatige toi no ba kle toi kare age no kwian na alin, diali ba mo ta gbadale daba chudaboi Chube takalin kare.

Colosenses 1:24

Geru Cristo giti cha kle dbe kwiange, e gdale cha kle boi daga ngwale Cristo gerudu gwangeabi kwian ama gerua ganga be boi kare. Agwa kaire chadi nga suga no cha kle boi daga ngwale giti ba ulita Cristo gerua ganga ulia alin. Chage suge cha kle mo boange daga ngwale Cristo gerua gdale Cristo bole kare che ulita ama gerua ganga alin, ene che ulita ñage chege ama jegwalenu kare kwaitre alin.

2 Corintios 1:6

Cha ule Timoteo ole kle boi tanre daga ngwale Cristo gerua dbe giti, kaire cha boidu daga ngwale Cristo gerua dbe giti ba ulita alin ba ulitaske, ene ba geru Cristo giti keruchugu ba geru Cristo giti gau ulia ene ba ulita ta chegu suga no geru e ole, ba tiendu gitiru ji chugege ba agedu me no gdale, geru Cristo giti no no ba ulita alin. Kaire Cristo cha chudaboi ta gbe suga no boi daga ngwaleske, ene suge chage cha ba chudaboi mine ta gbe suga no ba kle boi daga ngwale Cristo gerua dbe giti cha kle boi daga ngwale kare, cha ba chudaboi ta gbe suga no boi daga ngwaleske Chube kle cha chudaboi ta gbe suga no kare, ene ba boi daga ngwale ba ñage jage ba mi joge siere Cristo geruage.

Efesios 3:1

Chube kle kwian israelita kaire kwian me israelita Jesucristo gerua ganga ulita gbe ule kwaitre alin, geru e dbe ba ulitaske giti cha kle skage, geru e Jesucristo giti no ba ulita alin agwa e giti cha kle skage.

Gálatas 6:9

Malen che ulita me skwatigedale age diali no ulita Chube takalin kare, che chege ta ene kare molen diali, bdagli Chube be age no no che alin, ene be suge trate ulita chege che agedu no Chube takalin kare che me agedu ngwale.

Hechos 14:22

Una e ulita gdamaige kwian tanre geru Jesu giti gaba, Pablo, Bernabé kwian e ulita kira gbu Jesu geruadi, gerudu kwian e ulita ole: —Ba mo ta gbadale chage diali tañachuge Jesu geruage, me ama talla mlienga. Che ulita Chubenu boidale daga ngwale nga dba ai giti kwian me Chube uñe kote, gire ene bdagli che be joge Chube kle ngwadi toi diali chui tangle Chube ole.

2 Corintios 4:1

Chube taidu dage chage agedu no cha alin, ama agali cha gau cha gbu ama gerua jagere Jesucristo giti dbe kwianske, malen cha me skwatige cha me e chuge ngwadi, cha mo ta gbe gwangerugu geru dbe Chube alin.