Efesios 3:12 - Buglere

¹² Che ulita Jesucristo gerua gai ulia giti suge chege che ñage gerule ta no ole Chube ole me ta kennga ole, suge trate chege Chube che keruchuge che kerua gai ngwange no.

Efesios 3:12 Referans Kwoze

Efesios 2:18

che ulita Chube gerua e Jesucristo giti gau ulia gire Chube mo Oña kagu che alin ulita malen nege che ulita ñage gerule Chube che Ñenua ole salengwli Chube Oña gdaitre alin giti.

Romanos 5:2

Che Jesucristo gau ulia, ene Jesucristo giti che chege no trate Chube gwage, kaire Jesucristo giti Chube kle age no che alin diali, che kle toi nga dba ai giti gire Chube kle che ulita ole diali, kaire chui bdagli che be joge toi Chube ole nga noge, che kle chui e manade nga suga no ole.

Juan 14:6

Jesu jaindunga: —Cha agali jonkare kwian ulita alin, cha giti alin allabi kwian ñage joge chke cha Ñenua ngwadi, cha giti geru ulia cha Ñenua giti chke uñale kwiange, kaire cha giti kwian ñage toi diali chui tangle cha Ñenua ole.

2 Corintios 3:4

Cristo giti uñale trate trate chage cha kle lle boi no Chube alin Chube takalin kare.

Romanos 3:22

Jesucristo alin giti Chube kwian jwen siere ji chugege kwian agedu me no gdale, kwian ulita bai kaire mo ta gbe Jesucristo gai ulia mo tale, kwian ene ulita israelita me israelita chege no trate Chube gwage.

Hebreos 3:6

Agwa ulia Chube Kirolla Jesucristo chku gire ama chegu ma trate ma kweri Moisége salengwli kwian u mauña kirollanu kle chege ma kweri lle boanga gwa ama alinge kare. Jesucristo agedu ulita no trate che kwian Chubenu alin ama Ñenua Chube ama gbu age kare. Ulia che ulita mo ta gbadale kiraske diali Jesucristo gai ulia gwangerugu tañachuge ulia ama ñage che chudaboi lle ulitage chui tangle dale gire ene che chege Chube oliale ulia Jesucristo giti.

Hebreos 10:35

Cha gerule ba ulita ole, ba mo ta gbadale kiraske Chube gerua giti ba kle boi daga ngwaleske, boi daga ngwaleske Chube be age no ba alin.

1 Pedro 3:18

Cristo kaire ji chugu age no giti, Cristo jokeda che ulita agedu me no alin, ama che ulita agedu me no jia junnga bitaitre alin ulita, ene che ulita chege no Chube gwage ama gai ulia giti, ama gai ulia giti che ta chege no Chube ole. Cristo me jiske, ama me agedu me no ni sidri agwa ama jokeda kwian ulita agenga me no giti. Cristo jegwale alin ji chugu tanre daga ngwale kaire ama jokeda, agwa ama oña chegu gwade,

1 Juan 2:28

Cha gerule ba ulita ole ba ulita cha olia kare Jesucristo giti, che ulita mo ta gbale ule Jesucristo ole diali, ene suge chege ama chieni chuiage che mi skwen kennga amage ni ibule ama ngeru che ageba me no gdale.

1 Juan 3:21

Ba ulita cha bitalla Jesucristo giti, cha no ba ole, cha gerule ba ole, ulia che tale che me suge moge jiske lle gweale giti Chube gwa giti gire ene ulia che me mo ta dbalenga kennga gerule Chube ole, uñale chege che kle no trate ama gwa giti ama be che kerua gai ngwange no.