Efesios 1:11 - Buglere

^11-12 Chube kle age ulita ama nu mo ta gbaba age gwangeabi kare. Gwangeabi unsuialin tangle Chube mo ta gbu cha kwian israelita gai ngeru mo oliale cha Cristo gai ulia giti. Malen Chube cha kwian israelita ulita ta gbu ngerutabi mo jwannga siere ji chugege age me no gdale manade ngwange. Cristo chku Chube mo ta gbu kare gire cha kwian israelita gweale Cristo gau ulia, Chube cha israelita ulita Cristo gerua ganga gau mau alin toi Chube takalin kare gire ene diali cha ulita gerudale no Chube giti ene: “Ulia Chube agedu no no cha alin cha ama gerua gau ulia giti, malen cha gerule no ama giti cha no no Chube ole, Chube no trate ulita.” Cha kwian israelita gerudale no ene Chube giti Chube agedu no cha alin giti. Ene kaire cha israelita ulita Cristo gerua ganga giti kwian na be gerule no Chube giti.

Efesios 1:11 Referans Kwoze

Romanos 8:28

Chube nu kwian ulita bai kaire gaba mau alin, kwian mo ta dbe no Chube ole, kwian ene boi daga ngwale ñage tañachuge me no kle boi ulita giti. Agwa me ene, uñale chege boi daga ngwale ulitaske Chube diali age no kwian amanu alin.

1 Pedro 1:4

Chube me jogeda Chube me boi, ama kle nga ngaña giti kle chui manade gire ba ulita amanu be kle nga ngaña giti ama kle ngwadi, chui e be chke gire ba be toi diali chui tangle no Jesucristo ole. Chube kle ngwadi ni lle gdaite me no sugaska kle, ni age me no gdaite kle, ulita no trate nga ngaña giti Chube kle ngwadi, ba joge toi nga ege ba be toi no diali Jesucristo ole chui tangle.

Efesios 1:14

Chube Oña kle che ulita Chubenu tale, e giti chke uñale chege Cristo gai giti Chube che jun siere ji chugege agedu me no gdale. Chube Oña giti uñale chege che be joge toi chui tangle diali Chube ole ama nu chui gbaba kare. Chube agedu no ene ulita che alin ama tadukalin kare malen che toidale no trate Chube takalin kare kwian na gwa giti, kaire Chube agedu no che alin giti che Chubenu gerudale no Chube giti ene: “Chube no kweri, ama kle age no no che ulita kwian amanu alin.” Chube agedu no che alin giti chedi nga suga noare, che gerudale no ama giti ama gbe kweri no kwian na gwa giti gire ene kaire agwe kwian na be gerule no Chube giti.

Efesios 3:11

Chube agedu ene ulita, ama mo ta gbu gwangea kare ama age no kwian ulita alin che Chugagwalla Jesucristo giti.

Efesios 1:5

Chubege ulita uñadu unsuialin tangle che be mo ta gbe no ama ole, ama ta du no che alin, unsuialin tangle ama mo ta gbu che gai Jesucristo giti mau alin nga suga no ole ene che ulita chege ama oliale ama takalin kare.

Gálatas 3:18

Kwian bai kaire kle tañachuge Chube kle age no kwian alin kwian kle Moisés chadalla gai dage alin giti, e me ulia, kwian ene me kle tañachuge no. Chube kle age no kwian alin Cristo alin giti, ngeru Moisés chadallage Chube agali gerudu no Abraham ole Chube be age no kwian ulita alin Chube takalin kare, Abraham oindallaske Chube be gdaite gbe kwian ulita alin, e Cristo. Chube agedu ene ulia ama gerudu kare, e sugekare Moisés chadallage.

Hebreos 6:17

Chube tadukalin chke uñale kwiange ama kle gerule geru gbaitre alin giti ama mi geru blite nganake me age ama gerudu kare, malen Chube gerudu mo kiralla giti geru gbe egdage kwian ole ulia Chube be age no kwian alin, e giti ñage chke uñale trate kwian baige ama gerudu ole Chube be age ulia ama gerudu kare.

Tito 3:7

Chube mo ta giti agedu no che alin, Chube che jun siere ji chugege age me no gdale, ene Chube gwage chedi che no trate me jiske, kaire bdagli che be toi diali ule Chube ole chui tangle, che kle chui e manade.

Romanos 8:17

Che Chube olia, malen Chube age no che alin Chube age no mo Kirolla Cristo alin kare, Cristo kle toi nga ngaña giti Chube kle ngwadi, kaire bdagli che ulita Chube olia be toi diali chui tangle Cristo ole nga ngaña giti Chube kle ngwadi. Cristo boidu tanre daga ngwale nga dba ai giti, che kaire boi daga ngwale nga dba ai giti Cristo gerua giti, che me talladale, bdagli che be kle ule Cristo ole nga ngaña giti, Chube be gerule no che giti Chube gerule no mo Kirolla Cristo giti kare.

Colosenses 1:12

Ba diali gerudale no Chube che Ñenua ole Chube agedu no ba alin giti ene: “Chube, noare ba kle age no cha alin diali, cha gerule no ba giti, ba Chube ulia kweri kiraske. Ene nobi Chube.” Ba gerudale ene diali Chube ole nga suga no ole mo tale. Ulia Chube agedu no no ba ulita alin, Chube ba ta gbu Jesucristo gerua gai ulia, Jesucristo giti Chube ba gbu biale no trate toi bdagli Chube ole nga ngaña giti ule kwian na ulita Chubenu ole. Nga ngaña giti Chube be age no no ba ulita alin.

Colosenses 3:24

Sugedale bage ba kle lle boi no kwian ba chugagwalla alin nga dba ai giti, e giti Chube be age no ba alin nga ngaña giti ba lle bo no ñanale. Sugedale bage ba kle lle boi ba Chugagwalla Cristo alin me kwian alin allabi.

Hechos 26:18

Kwian e ulita me Chube uñe kle chage nga jereske kare, ba ama ulita ta gbadale cha geruage ene amage suge cha mine ene ama mi chage nga jereske kare. Cha gerua giti ama ñage Chube uñe ñage chage no Chube takalin kare kwian chage no jichra giti kare, ene kwian mi chage dare dolla Satanás kle kwian ta gbe age kare. Kwian cha gerua gai ulia, ene ama agedu me no ulita Chube talla mlienga, kwian ene Chubenu, Chube be age no ama alin Chube kle age no kwian ulita bai cha gerua gai ulia alin.” Jesu gerudu ene cha ole jonke joge una Damasco ngnagu.

Hechos 20:32

Pablo gerudu dare kwian ole: —Nege cha gerule bdagli ba ulita ole, cha ba jige Chube kote Chube ba manade no ama geruadi, ene ba me joge siere ama geruage. Ba ulita mo ta gbadale kiraske chage Chube geruadi diali gwangerugu, gire bdagli Chube be age no ba ulita alin ama gerudu kare ba be toi diali Chube ole ule kwian ulita nu Chube gerua Jesu giti gaba ole.

Hechos 2:23

Ba ulita gwagedu tanre Jesu agedu no ba gwa giti, agwa e giti ba me talladu. Chube bebi Jesu kage, Chubege uñadu be boi ulita nga dba ai giti Jesu ole, e ulita uñadu amage. Gire Chube Jesu kagu nga dba ai giti ba ulita alin, ba ulita Jesu ketu ama dollage gwaleda kruge kwian jiskenga kare.

Hechos 20:27

Cha geru Jesu giti tragu ba ulita ole, ene geru e giti suge bage Chube takalin kare ulita ba alin.

Hechos 4:28

Unsuialin ba mo ta gbu age no kwian ulita alin Jesu giti, unsuialin mo kiralla giti ba mo ta gbu Jesu kage nga dba ai giti boi tanre daga ngwale kwian ama dollale kote. Kwian agedu ulita Jesu dollale ba mo ta gbu unsuialin be boi kare ulita, bage uñadu kwian be age Jesu ole kwian tadukalin kare age.

1 Pedro 3:9

Daba na age me no ba ole ba me agedale me no ama ole ama age kare, ma no ba age no ama ole. Daba na kira bate ka boi me no ba ole ba me kira bate ka boi gwangoguda ama kle age kare, ma no ba gerule no ama ole ba age no ama alin Chube agedu no ba alin kare. Chube ba gau mo alin agedale no, Chube takalin ba age no daba na ulita ole me tañachuge daba kle age no o kle age me no ba ole, ba agedale no diali daba ulita ole, ene Chube be age no ba alin.

Romanos 11:34

Chube gerua degaba unsuialin gerule e giti, chada e gerule: “¿Chema che Chugagwalla Chube talla ulita uñe? ¿Chema ama ta gbe ama age giti? Ni kwian gdaite.

Santiago 2:5

Cha bitalla ulita Jesucristo giti, ba ulita cha keruchuge no cha be gerule giti ba ole. Kwian bai kaire me lle molen tanre nga dba ai giti kwian e Chube nu gaba ama alin ama gerua Jesucristo giti gai ulia, kwian e me kle chege dale me lle molen. Chube gwa giti kwian e lle molen ma ngle kwian lle molen tanrege nga dba ai giti. Kwian e me lle molen ñage chege lle molen nga ngaña giti Chube nu geruba kare kwian ulita unsuialin tangle ole kare, kwian bai kaire no Chube ole kaire kle age Chube takalin kare kwian ene alin Chube be age no nga ngaña giti, kwian e be toi Chube ole diali chui tangle.

Efesios 1:8

Cristo giti Chube che ta gbe ngle, kaire Chube che ta gbe suge che toidale trate ama gwa giti.

Hechos 13:48

Kwian me israelita ulita Pablo keruchugu gerule no ama ulita giti, Pablo be geru kete ama ulitage, nga chegu suga no ama ulitadi Pablo gerudu giti. Gire kwian ulita me israelita gerudu: “Chube gerua Jesu giti geru e no che alin ulita.” Gire kwian me israelita ulita Chube gerua Jesu giti gau ulia bai ulita Chube nu ama ta gbaba Chube gai ulia toigda chui tangle Chube ole.

Romanos 8:29

Gwangea unsuialin Chube bebi kwian dodade gire uñadu Chubege kwian bai ulita be ama gai ulia, Chube kwian ene gau mau alin mo kirollale mo jianle, ene kwian e talla chege salengwli Chube Kirollanu Jesucristo talla kare, ene Chube Kirollanu chege kwian na tanre ulitage daballa juma kare.

Romanos 8:30

Kwian me kledu gire Chube kwian gau mau alin unsuialin Chube mo ta gbu kwian gai kare, kwian ene kle gire Chube kwian ta gbe suge ama gai, gire kwian ama gai Chube kwian ene jwen siere ji chugege agedu me no gdale, ene kwian chege trate Chube gwage, ene kwian ñage toi ama ole ama kle ngwadi.

Romanos 9:11

Kirogwa boke bebi chke Rebeca kote, kirogwa boke bebi age no o me no gire Chube gerudu Rebeca ole kirogwa boke giti: “Kirogwa juma be chege lle boangale mo daballa nate alin, daballa nate be chege daballa juma chugagwallale.” Isaac kirolla Rebeca giti kirolla daba nate kada Jacob Chube ama gau gbu daballa juma kada Esaú chugagwallale, Chube agedu no ene Jacob alin me Jacob agedu gweale no giti malen Chube agedu Jacob alin, me ene, Jacob kle Rebecadíge bebi age no o me no, Chube tale Chube Jacob gau Chube takalin kare. Chube gerua degaba unsuialin gerule Chube agedu Jacob alin giti, chada e gerule: “Cha no no Jacob ole, cha agedu ma no Jacob alin me salengwli cha agedu Esaú alin kare.” Chube agedu ene unsuialin Jacob ole Esaú ole, e giti suge chege Chube me kwian gai kwian age gweale no giti ngeru gire Chube kwian ene gai mo alin, me ene. Chube kwian gai mo alin Chube me tañachuge kwian ageba ulita giti, Chube age kwian alin no Chube takalin kare.

Efesios 1:9

Chube mo ta gbu gwangea ama be age ulita Cristo giti kwian alin, uñadu Chubege lledale ama be Cristo kage nga dba ai giti, agwa kwian ulitage geru e me chku uñale. Agwa bdagli Chube che ulita amanu ta gbu chke Cristo giti ama mo ta gbu gwangea age giti che alin Cristo giti.

Efesios 1:18

Kaire Chube, ba ama ta gbe suge ama Jesucristo gerua gaba giti ama ñage toi diali no ba ole chui tangle, kaire ba ama ta gbe suge ba kle age no ngle diali ama alin chui negege tangle kaire chui bdagli be chkege, ba be chege ama ole ama manade no no diali.

Tito 2:14

Jesucristo mo chugu ngwadi jogeda che ulita alin, ama jokeda alin giti ama che jun siere, ene che amanu. Ama che ta blitu, ama che ta gbu nganake, ene suge chege che me agedale me no dare gire che ta agekalin no diali ama takalin kare.