Apocalipsis 21:27 - Buglere

²⁷ Kaire una ege ni lle sugaska me no gdaite kle, ni kwian gdaite ta me no agenga me no ni kwian gdaite geru jinanga ngwale ñage joge una ege. Agwa kwian ulita bai kaire kalla kle degaba chada no Bda Corderonu giti ama alin ñage toi ule una no ege chui tangle diali Chube kaire Jesucristo chrallaske ulita.

Apocalipsis 21:27 Referans Kwoze

Apocalipsis 20:15

Kwian ulita bai kaire kalla me kledu degaba chada Bda Corderonu giti kwian e ulita jo mliaba jitaske boi daga ngwale tanre chui diali dale alin.

Apocalipsis 3:5

Kwian bai kaire me kle age me no Chube dollale daba na kare ama kle mo ta gbe gwangerugu age no trate Chube takalin kare, kwian ene be chege mo ngama tkaba ñometra jutreske chui diali dale, kwian ene kalla cha mi jwennga dale chada chanu giti. Ama kalla be kle degaba diali chada chanu giti chui diali dale ama be toi diali cha ole kaire cha Ñenua Chube ole nga ngaña giti. Kaire agwe kwian ene giti cha be gerule no cha Ñenua Chube gwa giti kaire lle boanga Chube alin ulita gwa giti nga ngaña giti.

Mateo 13:41

Chui ege cha be lle boanga Chube alin nga ngaña giti tanre kage ji gbe kwian agenga me no ulita alin, kwian agali kle age me no Chube dollale kaire kwian kle daba na gwabate age me no Chube dollale, lle boanga Chube alin nga ngaña giti be chie kwian ene ulita jwen gbale ji chuge agedu me no ulita giti.

Efesios 5:5

Bage chkedale uñale kwian agenga me no ai kare me ñage joge toi Chube ole Cristo ole nga ngaña giti: Kwian onbrenu muirenu mo chuganga ke giti, kaire kwian agenga me no sugaska, kaire kwian mo ta dbanga takalin lle ulitage mau alin kle lle e gbe ngeru mo tale Chubege, kwian e kare ulita me ñage joge toi Chube ole Cristo ole nga ngaña giti.

Apocalipsis 21:8

Agwa kwian bai kaire ta kennga kwian ngeru me mo ta gbe kiraske ulia cha geruadi, kaire kwian bai me kle cha gerua ulia gai dage, kaire kwian bai me kle chage no cha takalin kare kle chage age me no tanre, kaire kwian bai daba gwangada, kaire kwian onbrenu muirenu bai kle mo chuge ke giti, kaire kwian bai kle tañachuge me no daba nadi dolla Satanás kirallaske daba gbe boi gweale, kaire kwian bai batre kle lle oña ngwale gai dage mo chubeale, kaire kwian bai songa ngwale, kwian ai kare ene ulita be joge tkaba jitaske ji chuge daga ngwale ngwadi, jita e gwade tirare kaire jiangwa kle chie salengwli lle mnuñale kada azufre mnuña kare. Kwian e be chege ne ngwadi sugekare chage, kwian e chege salengwli ama jogekeda bitabokege tangle kare agwa ama be chege gwade ji chuge tirare diali chui tangle.” Chube kledu toiba dba toigda kweri amanu giti gerudu cha ole ulita ene.

Apocalipsis 13:8

Kwian ulita bai kaire me kle kalla gbaba Bda Cordero chadalla giti kwian e ulita lle gude chadale kare kwian anblitanga gai dage. Gwangeabi Chube bebi nga ulita dodade gire Chubege uñadu kwian bai be Bda Cordero gerua gai ulia kwian bai be geru Bda Cordero jo gwabada kwian age me no ñanale giti gai ulia, kwian e kalla gbere chada giti unsuialin tangle, ene kwian e ñage toi chui tangle diali dale Chube ole.

Hebreos 12:14

Ba ulita Chubenu, ba mo ta gbadale diali no daba na ulita ole me kira bate ongoru ongoru mo ole, ba mo ta gbadale joge siere age me noge ene ba toi no no trate Chube gwa giti. Agwa kwian me mo ta gbe joge siere age me noge mo ta gbe age no trate Chube takalin kare, ama me ñage toi ule Chugagwalla Chube ole nga ngaña giti diali chui tangle.

Apocalipsis 20:12

Gire cha gwagedu kwian me Chubenu jogebakeda ulitadi kwian jalinnu kwian jumanu kaire kwian ulita bai kaire jogebakeda chi kote ble kote kaire kwian ulita jogebakeda oña kledu nga kada Hadege, ama jaba ulita chkuni gwade kledu jagebanga gdate Chube kaire Jesucristo gwangnagu Chube kerua manade ngwange Chube be ji gbe ama alin giti. Gire chada degaba kweri ngle jo treanbanga ulita, chada e kledu gerule kwian nu ageba ulita giti, kaire chada na gdaite jo treanbanga, chada e Bda Corderonu, chada e giti kwian ulita Jesucristo gerua ganga be toi Chube ole chui tangle diali dale alin kalla kledu degaba. Kwian ulita nu ageba giti mangire batre kledu degaba chada kweri ngle giti, gire Chube ji gbu kwian ulita giti chada kledu degaba ama agedu ulita giti mangire batre.

Filipenses 4:3

Cha chudaboanga taingwli, cha takalin ba che ibotea boke e Jesucristo giti chudaboi, ba ama boke ta gbeni no daba ole, ene ama mi kira bate dare modi. Cha kledu baske gire muinga boke e lle bo tanre, ama cha chudabo geru Jesucristo giti dbe kwian nage ule Clemente ole, kaire daba na tanre cha chudabo geru dbe kwiange, ama ulita kalla kle degaba nga ngaña giti Chube kle ngwadi, bdagli ama be toi nga ngaña giti diali ule Chube ole.

Marcos 7:2

Kwian e ulita gwagedu kwian geru jwannga Jesuge ulitadi blire, chku uñale amage kwian geru jwannga Jesuge bebi blire gire ama me mo ko gligu trate bitangle geru unsuialin kle gbaba kwian israelita alin gerule kare.

Lucas 10:20

Ba ñage kirachke dolla ulitadi, agwa e giti ba me nga dbe suga no, ma no ba nga dbadale suga no mo kalla giti kle degaba nga ngaña giti Chube kle ngwadi.

1 Timoteo 1:10

Muirenu onbrenu kle mo chuge ke giti. Onbre chage mo salengwli ole onbre kle chage muinga ole kare, muinga chage mo salengwli ole muinga kle chage onbre ole kare. Kwian skwe boi dabage gire daba gbe lle boi ngwale mo alin. Kwian sole daba ole. Kwian daba me jiskenga gbe jiske. Geru kle gbaba kwian ulita alin bai kle age ene Chube dollale, kwian ulita bai kle age ene me kle age geru ulia gerule kare.

2 Pedro 3:13

Agwa che ulita Chubenu kle nga na jagere manade ngwange Chube gerudu kare, nga ngaña nga dba jagere be kle dodaba, nga ege che be toi, nga ege ni age me no gdaite be kle, ulita be kle no trate.